گۆتار

بنیاتا جڤاکی بنیاتا پاش ئێخستنا جڤاکێ یە

ذياب غانم

بشتی رژێما بەحس شکەستی چ بنەما و یاسایێن دەستوری نەمان و ب شێوەیەکی هەمیشەی کار دگــەل هەموو تشتان دهێتە کرن ، گەریان ل پڕە زەلامان ( واسطة) و رێک گرتنا بنیاتەکا جڤاکی ژ لایێ هەموو هاوەلاتیێن عیراقێ ڤە بوویە ئەگەرێ نەبوونا ریزەکا رێکخستنێ ل هەموو جهێن حکومی و ب شێوەیێ هەمیشەیی هەموو فەرمان و هەلەیێن کاری چ ل جهێن حکومی و چ ل کەرتێ تایبەت .

جڤاکەکێ وەک جڤاکێ عیراقی یێ زەنگێن ب سامانێن مروڤایەتی پێدڤی بوو ئەڤ سامانە هاتبانا وەبەرهێنان کرن و ب باشترین شێوە مفا ژێ هاتبا وەرگرتن و هەر کەس و بوارێ خۆ یێ تایبەت بەلێ رێک گرتنا بنیاتا جڤاکی چ ماف بۆ سامانێن مروڤایەتی نەهێلایە و نهۆ ئەو کەس یێ ژێگرە ئەوێ پرەزەلامەک هەبێ نەک بـاوەرنامـەیەک .

هەبوونا ئەڤێ دیاردەیا زەرەرمەند بۆ هەموو عیراقێ هەر ژ دامەزراندنێن جڤاکا عیراقی بوویە و بێی کـو چ هەڤدژی و رێگری لێ بهێنە کرن و ب ساناهی ترین تشت نهۆ پێتڤی ب بنیاتەکێ جڤاکی هەیە هەتا کو ب دەست مەڤە بهێت و ئــەگەر ل شونا رێک گرتنا بنیاتێ جڤاکی ب شێوەیەکی دەستوری و یاسای کار دگەل هاتبا کرن و سەر بنیاتەکێ یاسای ئەو کەسێن پێتڤی ل کەرتێ تایبەت و هەروەسا ل فەرمانگەهێن حکومی هاتبان وەرگرتن دا نهۆ مە رێژەیەکا کێم ژ بێ کارا هەبا و دا بتر جڤاکەکێ رێکخستی و رێک و پێک هەبا و بێی کو چ ئاریشە دروست بوبان .

ئەڤجا پێتڤیە هەرکەس ژ خۆ دەست پـێ بــکە و تاکێ خۆ ژ ئەڤان جورە دیاردەیان پاقژ بکە داکو دوماهی ل ئەڤی کاری بهێ و رێک لێ بهێتە گرتن ، بەلێ ئەڤ چەندە گەلەک یا ب زەحمەتە ژ بەر کو ئەڤ دیاردە ل تاکێ کەسێ عیراقی دا هاتیە چاندن و پێتڤی بهندەک کەسێن یاسای و دوور ژ ئەڤان کاران چاڤدێریەک بهێتە رێکخستن و هەموو ئەو کەسێن فەرمانگەهـ و کومپانیێن کەرتێ تایبەت ب رێڤەدبن و دان پێدانێ ب بنیاتێ جڤاکی ددن بهێنە دوورخستن و هندەک کەسێن ژهەژیتر کو لسەر بنیاتەکێ یاسایی کار بکن .

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close