رۆژيێن ئێزى و جەژنا رۆژيا فەڕزەكا ژ فەڕزێن تەريقەتێ …..
د باوەريا مە ئێزديان دا ئێزى ناڤەكى ژ ناڤێن خودێ تەعالا يە وەكى ل ڤێ سەبەقا قەولێ ھەزار و ئێک ناڤ:
ب دەستوری خودێ
سلتان ئێزي بخۆ پادشايه.
هەزار و ئێك ناڤ ل خۆ دانايه.
ناڤێ مەزن هەر خۆدايه .
# # #
يا سلتان ئێزى تو وێ ل عەردا تو وێ ل عەزمانا .
تو وێ ل بەحرا تو وێ ل بنيانا.
تو وێ ل زارا تو وێ ل زمانا.
مرازا ئەم ژ ته دخوازن دين و ئيمانه .
# # #
پەدشێ من ھەزار وئێک ناڤە
ئەڤ دنیا ل باوی سەعەت و گاڤە
ئەوی ھاوا کرە بوک وئادەم کرە زاڤە
# # #
رۆژیگرتن لجەم ئێزديان فەرزەكە ژ فەرزێن تەریقەتێ،هەر ئێزدیەك دڤێت سێ رۆژیان بۆ خودێ مەزن و دلۆڤان بگرت دبێژنێ رۆژیێن ئێزی ئانكو رۆژی گرتن بۆ خودێ ،
رۆژیێن ئێزی (٣)سێ رۆژن و رۆژا چارێ جەژنە،ئەڤ جەژنە دكەفتە دئینی یا ئێكێ ژ مەها كانوونا ئێكێ ب هژمارا رۆژهلاتی ھەر سال ئانكو رۆژێن (سێ شەمبوو -چارشەمبوو – پێنچ شەمبوو )ێ رۆژینە و ئینیێ جەژنە.
وەكى ل قەولێ مەھا ديار دكەت :
ھات مەھا بناڤ رەمانە
ل سەر یازدە مەھا د گێڕانە
رۆژیێن ئێزی سەتقە و حەیا و ئیمانە
# # #
ژ بەر کانون قانوونە و بنیاتە ھەر دوانزدە مەھانە و قەول پەسەندکت:
ژقەولێ شێخ فەخرێ زەرگونە
ھەر یەب حەرفە و یەب ناس بوونە
بنیاتە ھەر دوانزدە مەھا کانوونە
# # #
ل ڤان هەر سێ رۆژا ئێزدی رۆژیان دگرن ئەڤ رۆژی گەلەک د کەڤنن هزرا گرتنا ڤان رۆژیا دزڤرتە وێ چەندێ کو ژ کەڤندا دەمێ دیتین رۆژ بۆ رۆژێ، رۆژ یێ کورت دبن، کەفتنە گومانا هندێ کو رۆژ ئێدی نامینت و تاریستان دێ جهێ رۆناهیا رۆژێ گرت وەک هیڤی یەک ژ خودێ کرن، رابوون سێ رۆژی ژێرا گرتن، تا کو چاڤێ رۆژێ هندانەبت و هەردەم ب خێر و بەرەکەتا وێ شادببن، پشتی کۆ زانین ئێدی رۆژ یێ بەرب درێژبوونێ دچن ژ کەیفاندا کرنە جەژن. ،پشتی جەژنێ ئێكسەر دەمێ رۆژان زێدە دبت ئانكو ڤێ جەژنێ گرێدانەك دگەل دەمی و سروشتی هەیە، ئەڤ رۆژی گەلەك د كەڤنن، هزرا گڕتنا ڤان رۆژیان كو خێرەكا مەزنە بۆ وی كەسێ رۆژیان بگرت، كو مرۆڤ بڤێ چەندێ فەرزەكی ئۆلا ئێزدیاتیێ بجيھ دئینت و هەستێ مرۆڤی بەرامبەر كەسانێن هەژار و بەلنگاز زێدە دكت و مرۆڤی هانددەت كو هاریكاریا وان بكت،
ديسا ل قەولێ (ھەزار و ئێک ناڤ) ھنەر ىو كەرامەتا سلتان ئێزى دياردكەت وەكى ل ڤان سەبەقا :
شەھید پێخەمبەر ب وێ کاسێ دبوو مەستە
ئەوی نە پێ ھەبوو نە دەستە
سلتان ئێزی ڕۆنایەک لبەر دخستە
# # #
ئەوێ ژ سلتان ئێزی خواست بوو کەرەمە
بۆ ھەقیا خودێ ل ھەموو دەمە
سێ رۆژی گرتن گوت: ئەڤە فەرزە ل سەر مە
# # #
هەروەسا ژلایێ ساخلەمیێ ڤە مفایێ خۆ هەنە،ديسا وەك داب و نەریتەك دناڤ ئێزدیان دەمێ رۆژیێن ئێزی نێزیك دبن كەسانێن دەولەمەند و خودان شیان دەستێ هاریكاریێ بۆ وان هەژار و بەلنگازان درێژ دكن،
رۆژیگڕتن بڤى رەنگى يە : پشتی نیڤا شەڤێ ، پاشیڤێ دخۆن و دگەل تاری گەوركێ دبتە دەڤگڕتن، دەڤگڕتن ژی ئەوە: نابت مرۆڤ هیچ تشتەكی بخۆت و ڤەخۆت و دڤێت خۆ ژ هەموو پەیڤێن خراب و گوننەه و بەدكاری یا دوور بكت،هێڤاری بەری رۆژئاڤا رۆژیگر دەست و چاڤێن خۆ دشۆن و خۆ پاك و تەمییز دكن و بەر ب رۆژئاڤا ڤە پەروەستەی خودێ دبن و دوعایا هێڤاری دكن،پشتی رۆژئاڤا دبتە فتار ، رۆژیگر ب دەستووری خودێ فتاردبن ، بڤی تەرزی بۆ هەر سێ رۆژیان.
هەژی گۆتنێ یە بۆ ڤان رۆژیان هەر مالەكا ئێزدی ل رۆژا دوو شەمبوویێ سەربڕەكێ سەرژێ دكت،دبێژنێ رۆژا پەز كوشتنێ بۆ پاشیڤێ و فتارێ، ئێزدی دگەل هندێ هەڤ دوو مێڤان دكن نەخاسمە مالێن دەولەمەند و كەدخودا بۆ پاشیڤێ و فتارێ خوارنێ بۆ مالێن بەلنگاز دبەن ، ل هێڤارا جەژنێ سەوكا دپێژن و ل هەڤ دوو دگێرن ، تاكو نانێ وان تێكەلی هەڤ ببت ، هەروەسا ژنك سەرەدانا گۆرستانا گوندی دكن و زيارەتى خاسا دبن ، ل وێدەرێ ژی سەوك ( نانەكی تایبەتە ل جەژنا دئێتە دروستكرن) وشرینی یا بسەر هەڤ دوو دا بەلاڤ دكن، ل سبەیكا جەژنێ هەموو ئێزدی جەژنا هەڤ پیرۆز دكن و قەستا نیشانگەهێن خاس و چاكا دكن ولێ زیارەت دبن و دلێن خۆ لێك خۆش دكن وهەر مالەك سبەیكا جەژنێ زادێ خۆ دبەتە بەر نیشانگەها خاسێ گوندی و هەموو پێكڤە دخۆن ، ژ لايەەى ديڤە ھەر ئاين و مللەتەكى ب رەنگەكى رۆژيگرتن ھەيە و لديف باوەريا ھەر ئاينەكى رۆژيگڕتن خێرەكا مەزنە و فەڕزەكا ئولى يە پێ د ھێنە سپاردن و فەر مروڤ رۆژيێ بگرت دا ب بڕسێ و بەلنگازيێ ب حەسێت و ئاگەھ ژ خەلكێ ھەژار و بەلنگاز ھەبت وەكى د باوەريا ھەر ئاين و مللەتەكى دا ھاتى ، لێ وەكى ديار ئێزدى دوو جورێن رۆژيان دگرن جورەك خێرن و جورەك فەرزن ئەڤێن ئێزى وەكى مە ديار كرين فەرزن لێ يێن خێر ژمارەكا زۆرن بۆزانين ھەمى رۆژيێن ئێزديان يێن خێر و فەرز د جيگرن ل دەم وەختێ خو ل سالێ ، لێ ژ بەر پيرۆزى و گرنگيا رۆژيا كو د باوەريا ئێزدياندا رۆژيگڕتن فەڕزەكا ژ فەڕزێن تەريقەتێ كو رێبازا ئێزدياتيێە و مرۆڤێ ئێزدى د ژيانا خودا پەيرەو دكەت و ب ڤێ رێبازێ وەك ئێزديەك د ئێتە ناسين، دێ بينى ئێزدى بەرى رۆژيێن ئێزى ب چل رۆژى وەسا دێ خەلكێ مە رادبنە رۆژيا وتايبەت ل ھێڤارا رۆژا چارشەمبوويێ ب رۆژى دبن كو ھەر كەسەك ژمارەكا رۆژيا د گرن زێدەبارى رۆژيێن ئێزى ب رۆژى دبن ھەتا رۆژيێن ئێزى دھێن و دبتە جەژن ئەڤ رەنگە رۆژى گرتن دناڤا ئۆلا مە ئێزديان دا ھەيە ، ئەڤ رۆژى بو خاس و باب چاكێن ئێزديا ئەڤێن بۆ خودێ تەعالا خۆ شكاندين و ب شەڤ و رۆژ پەروەستەى خودێ تەعالا بين د ھێنە گڕتن ، ئەڤ كەسێن رۆژيگر ژى ھندەك ژوان ھيڤى و مرازا د خازن يێن ھەين نەساخن ھێڤيا ژ خودێ د خازن بو دايى و بابا ، بێ زاروكى ، بۆ رزقى ،بۆ تەناھيێ و سلامەتيێ و دوركەتن ژ قەدا و بەلايە ،ھيڤى و ئومێدێن خو ب رێكا ڤان رۆژيا ژ خودێ تەعالا د خازن ب گەھن مرازێن خو ، ھەر چەندە د باوريا مە ئێزديان دا رۆژيگرتن بۆ خودێ يە ، ئەڤ چەند ژى وێ يەكێ دياردكەت كو خودێ مەزن و پاك و دلۆڤان مرۆڤ ژ ھەمى خولياقەتێ خو بتر ڤيايە و حەز ژێكريە لەورا ئەڤ كەرەمە دگەل كريە ، دڤێت مرۆڤ ژى ھەر دەم ھزرا كارێن باش بكەت مينا دوعا و رۆژيگرتنێ و خێر خوازيێ ژبەر ڤێ چەندێ ئێزدى بترى ھەر ئاين و مللەتەكى ھەى ل جيھانى رۆژيا د گرن بەلێ وەك فەرز(٣) رۆژيێن ئێزى نە بو خودێ مەزن و دلۆڤان د ھێنە گرتن ،بەلێ وەك خێر گەلەك رۆژى دناڤا ئێزدياتيێ دا ھەينە ، ھەر بو زانين (٩٢) رۆژى كەسانێن ئولى وچلەگر و ديندار و جڤاتا روحانى و ھەر ئێزديەكى بڤێت ب رۆژى دبن بلى رۆژيێن ئێزى و ئەڤ رۆژيێن بەرى رۆژيێن ئێزى ئەڤێن دبێژين خيرەن كو بتريا ئێزديان ب رۆژى دبن دڤيا
