جیهانڕۆژهەلاتا ناڤینكوردستاننووچە

ناسناڤێ بالیۆزا ئاشتیێ بۆ مافێن مروڤ ب “لەیلا تەعلۆ” هاتە دان

 

ئێزدی24 _ دهۆک

ب هەلکەفتا بۆرینا 70 سالی ل سەر راگەهاندنا مافێن مرۆڤ ، ل باژارێ دهۆکێ روژا جیهانیا مافێن مرۆڤ هاتە ساخکرن و  ناسناڤێ بالیۆزا ئاشتیێ ژ لایێ رێکخراوا جیهانیا مافێن مروڤی ب چالاکڤانا ئێزدی “لەیلا تەعلۆ” هاتە دان .


“چ هەبوون بۆ مافێن مرۆڤ ل راستیێدا نینە و بتنێ ناڤەکە هەموو ژی ب هیڤینە و هەکە مافێن مروڤ هەبا نهۆ پتر 3 هزار ئێزدی تووشی کرێتترین شێوەیێن ئەشکەنجەدانێ نەدبوون و هەتا نهۆ کچ و ژنێن ئێزدیان ل بازارێن مروڤ فرۆشا دا ل بەر فروتنێ دا نەددانین ژبەر هندێ ئەم داخوازێ ژ هەمووا دکن و دبێژنێ هەکە تشتەک ب ناڤێ مافێن مروڤا هەیە کچ و ژنێن ئێزدیان رزگاربکن و ژینگەهەکێ بۆ مە رێکبئێخن کو ئەم بشێن تێدا ب ئازادی و بێی چ پەستانا بژین و ژیانا جاران بۆ شنگال بزڤرینن و بشتەڤانیا ئاڤاکرنێ ل دەڤەرێن مە بکن و مە ژ دۆژەها خیڤەتگەها رزگاربکن ، هەتا کەنگێ ئەم دێ ل ڤان خیڤەتگەهێن کو ب کێر ژیانێ ناهێن دا ژین ؟ “وەسا دەستپیکر “لەیلا تەعلۆ” بالیۆزا ئاشتیێ بۆ مافێن مروڤ .

“تەعلۆ” هەروەسا بەردەوام بوو ” ئەم وەک رزگاربوویێن ژ دەستێ داعش بەلێ ئەم هاتنە قەبوولکرن بەلێ ئەم پێتڤی زێدەترن دا ئەم خوە وەکی بەرێ ببینن و ئەم پێتڤی خولێن ئامادەکرنێ و بشتەڤانیەکا دەروونی یا زێدەترن و ئەم وەک کەمینە و وەک ئێزدی ب تایبەت دپێتڤی پاراستن و پشتەڤانیا ناڤدەولەتی نە بۆ دووبارە زڤڕاندنا ژیانێ بۆ دەڤەرێن مە ژبەر کو ئەم بەردەوام تووشی تەنگاڤیان دبن و ئەم نکارن بێی هندێ بژین .

لەیلا داکا دوو زارۆکایە ل 3ی تەباخا 2014 دگەل 19 تاکێن دی ژ خێزانا خۆ ژ لایێ کومەلەیێن داعشێ یێن تیرورست ڤە ل شنگالێ هاتە ڕەڤاندن و هەتا نهۆ بتنێ 9 کەس ژوان رزگار بووینە و بابێ هەردوو زارۆکا ژی دناڤ یێن مای دا یە و ل 9/4/2017 هاتە رزگارکرن و نهۆ ل خیڤەتگەها شاریا یا ئاوارێن ئێزدیان دا ئاکنجیە .

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close