کچا ئێزدی نادیا موراد دگەل نێچیرڤان بارزانی کۆم بو
ئێزدی۲٤ـ هەولێر
سەرۆکێ حکومەتا هەرێما کوردستانێ نێچیرڤان بارزانی سپێدەهیا ئەڤرۆ ل پایتەختا هەرێما کوردستانێ هەولێر پێشوازی ل کچا ئێزدی
نادیا موراد بالیۆزا نیازپاکی یا نەتەوێن ئێکگرتی و وەرگرتیا خەلاتێ نۆبەل یێ ئاشتیێ کر .
دئەڤێ کۆمبونێ دا ژ لایێ نێچیرڤان بارزانی ڤە پیرۆزباهی ل نادیا موراد کر ب وەرگرتنا خەلاتێ نۆبەل یێ ئاشتیێ و رۆلێ وێ گرنگ نەرخاند ژبەر وێ بەرگریا کە ل خەلکێ خوەیێ ئێزدی کری.
د ئەوێ کۆمبونێ دا بەحس ل رەوشا دەڤەرا شنگالێ ب گشتی هاتە کرن و هەروسان ئێش وئازارێن ئاوارەێن ئێزدی دناڤ کەمپێن هەرێما کوردستانێ دا و بتایبەتی ژی کێشەیا ڤەکرنا رێیا سەرەکیا دهۆك بۆ شنگال ژ ئالیێ سحێلا ڤە .
هەروسان نادیا موراد سوپاسێن خوە ئارەستەی نێچیرڤان بارزانی و حکومەتا هەرێما کوردستانێ کرن ژبەر پێشوازیا لی هاتیە کرن و نادیا موراد ئەوێ پەرتووکا خوەیا بناڤێ “کچا داوی ” یا وەرگێرایا زمانێ ئێنگلیزی ددەتە ددەتە نێچیرڤان بارزانی .
پشتی چەندین سەرەدانێن نادیا موراد ل پایتەختا عیراقێ “بەغدا” ب حکومەتا عیراقێ را دهێتە هەرێما کوردستانێ و دگەل سەرۆکێ حکومەتا هەرێما کوردستانێ کۆم دبێت و د پشت ئەڤێ کۆم بوونێ را دێ دگەل مەسرور بارزانی راوێژکارێ ئاسایشا هەرێما کوردستانێ کۆم ببێت و هەروسان دگەل چەند پەرلەمانتارێن پەرلەمانێ هەرێما کوردستانێ
دهێتە زانین، نادیا موراد ب بالیۆزا نیازپاکی یا نەتەوێن ئێکگرتی وخوەدانا خەلەتێ نۆبەل یێ ئاشتیێ یێ ئەڤ سال و سەرەدانا وێ بۆ عیراقێ کو ب دیدارا چەند جهێن بلندێن عیراقێ و هەرێما کوردستانێ کۆم ببێت دەربارەی رەوشا ئێزدیان و ئەوان پێک هاتیێن دن ل عیراقێ
