جیهانڕۆژهەلاتا ناڤینكوردستاننووچە

شەم بەرهەم” پەرتۆکەك ب ئێزدیان ڤە بەلاڤکر


ئێزدی۲٤ ـ باسم قاسم

شه‌م به‌رهه‌م، كچه‌كا كورده‌ خه‌لكا هه‌ولێرا پایته‌خته‌، كچا نڤیسه‌رێ به‌رنیاس”به‌رهه‌م عه‌لى”یه‌ ، ژ زارۆكینیا خۆ‌ حه‌ز ژ نڤيسيانا چیرۆكان كریه‌ و پشتى هاتنا چه‌كدارێن داعش بۆ سه‌ر ده‌ڤه‌رێن ئێزدیان، وێ ده‌ست ب نڤیسانا چه‌ندین چیرۆكێن زارۆكێن ئێزدى كر و د چه‌ند رۆژێن بۆرى دا كارى وێ په‌رتۆكێ چاپ بكت.

ئەڤرۆ شه‌مبی رێکەفتی 15ى كانوونا ئێكێ 2018ێ ب ئاماده‌بوونا ژماره‌كا كه‌سايه‌تى و ره‌وشه‌نبيران، ده‌سته‌يا بلندا بنگه‌هێ لالش يێ ره‌وشه‌نبيرى و كۆمه‌لايه‌تى ل دهۆكێ رێوره‌سمێن ناساندن و ئيمزاكرنا په‌رتۆكا(ئێوه‌ ته‌نيا ته‌ماشا ده‌كه‌ن..چيرۆكى ئه‌و منداله‌ ئێزديانه‌ى له‌ ده‌ست داعش رزگاريان بوو) گێران.

د ئەڤان رێوره‌سمان “شه‌م به‌رهه‌م” نڤيسه‌را په‌رتۆكێ په‌يڤه‌ك پێشكێشكر و دياركر” ئێزدى د گه‌له‌ك نه‌خوشیان دا ده‌رباز بووینه‌ له‌ورا ئه‌و هه‌موو نه‌خۆشیه‌ لسه‌ر زارۆكێن وان دا بۆرینه‌ له‌ورا من هزر د دروستكرنا په‌رتۆكه‌كێ كریه‌ كو لسه‌ر زاروكێن ئێزدى یه‌ و د ناڤ به‌رپه‌رێن په‌رتۆكێ دا ژماره‌كا چیرۆكێن سه‌یر و دلته‌زین هه‌نه، ب پشته‌ڤانیا خێزانا خۆ كاريه‌ په‌رتۆكێ دروست بكه‌م و زێده‌ترى100 به‌رپه‌ران پێك دئێت و ب زمانێ ئنگلیزى یه‌ وهزر د وێ چه‌ندێ دا كریه‌ رۆژه‌ك ژ رۆژان په‌رتۆكا من وه‌كو به‌لگه‌یه‌ك بۆ ناساندنا جینۆسایدا ئێزدیان بهێتە بكارئینان”.

پاشى ”شێخ شامۆ”سه‌رۆكێ ده‌سته‌يا بلندا بنگه‌هێ لالش دپه‌يڤه‌كێ دا پيرۆزباهى ل نڤيسه‌را كچ شه‌م به‌رهه‌م كر بۆ دروستكرنا ڤێ په‌رتۆكێ و ده‌ست خۆشى لێكر.

ل پێرا رێوره‌سمێن ئيمزاكرنا په‌رتۆكێ ده‌ستپێكرن و چه‌ندين دانه‌ ژێ هاتنه‌ فرۆتن و داهاتێ وان په‌رتۆكان لسه‌ر زارۆكێن ئێزدى هاته‌ به‌لاڤكرن.‌

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button