رێڤەبەرێ ناحیە گرعزێر ژ “ئێزدی 24” را ئەم دانپێدانێ ب ئەنجوومەنێ نو یێ قەزا شنگال ناکن
ئيزيدي 24 _ باسم قاسم
رێڤەبەرێ ناحیا گرعزێر ژ “ئێزدی 24” گۆت کو ئیدارەیا قەزا شنگال یا نهۆ ل قەزایێ نەیا شەرعیە ونە پێتڤیە بمینیت و کو دامەزراندنا ئەنجوومەنەکێ قەزایێ یێ نو بێی کو ل ئیدارەیا شنگال یا شنگال ڤەگەرین دهێتە هژمارتن وەک سەرەپێچی بۆ یاسایێ.
رێڤەبەرێ ناحیا گرعزێر “خدر خەدێدا” ژ “ئێزدی 24” را دیارکر کو “ئەڤ ئەنجوومەنا ئەڤرۆ ل شنگالێ هاتیە دامەزراندن نە دبەرژەوەندیا خەلکێ شنگالێ دایا و چ حکوومەتان ئاگەهی ژ ئەوان نینە ئەڤێ چەندێ رادگەهینن بسەر ئالیێ حەشدا شەعبی و پەکەکێ ڤە و خەلکێ ل خوە کۆم دکەن و کارێن نە شەرعی ل دەڤەرێ ئەنجام ددن .
“خدێدا” ئاماژەکر کو ، ئەگەرێ نە ڤەگەریانە مە بۆ سەر کارێ مە ل شنگالێ ڤەدگرێت بۆ چەند ناکوکیێن سیاسی دناڤبەرا حکوومەتا عیراقێ و هەرێما کوردستانێ دا لەوا ئەم نکارن ڤەگەرن شنگالێ و کارێ خوە ل وێرێ ئەنجام بدەن و هەروسان ، 85% ژ سەدی ژ خەلکێ شنگالێ دناڤ کەمپا و کاڤلێن هەرێما کوردستانێ دا نە دێ لڤێدرێ خزمەتا خەلکێ خوە کەن باشترە هەتا کو رۆژەکێ خەلکێ مە ڤەدگەرن سەر جهـ و مالێن خوە .
“خدێدا” دوپاتکر کو ، ئەو ئیدارەیا کو دانپێدان ژ ئالیێ هەردو حکومەتان ڤە پیدهێتەکرن ل شنگالێ ئەمن و چ جارا کو هەلبژارتن هاتن و کەسەکی دی جهێ مە گرت ل ئەوی دەمی دێ دانپێدان ب وان هێتە کرن لێ د ئەڤی دەمێ نۆکە دا چ دانپێدان ب ئەوان رێڤەبەر و قائممقام و ئەنجوومەنێن ژ ئالیێ حەشدا شەعبی و هندەك ئالێن دن ڤە یێن هاتینە دامەزراندن ناهێتە کرن ژ ئالیێ چ حکوومەتان ڤە .
