جیهانراپورتڕۆژهەلاتا ناڤینكوردستانمەلتیمیدیانووچە

سێویێن کومکوژیا ئێزدیان دناڤبەرا هیڤیا ژیانێ و زەحمەتا وێ دا

وێ دا
ئێزدی 24 _ دياب غانم

هاتنا رێکخراوا داعش یا تیرورستی بۆ دەڤەرێن کەمینەیێن ئاینی و عیراقێ بشێوەیەکی گشتی ئەڤێ چەندێ گەلەک قوربانی ل دویڤ خوە هێلان ، ژ وان ئێزدی یێن کو تووشی کومەلکوژیێ بوویین ل سێی تەباخا سالا 2014 و ئەڤێ چەندێ گەلەک قوربانی هێلان و ژوان زارۆک یێن کو باب و دایکێن وان هاتینە کوشتن و ئەو کرنە ئێتیمێن کومەلکوژیێ.

ل دویڤ ئامارا رێڤەبەریا کاروبارێن ئێزدیان ل هەرێما کوردستانا عیراقێ یا ئێتیمێن کو هێرشێ ل دویڤ خۆ هێلاین و بڤی شێوەی : یێن ژ باب ئێتیم بوویین1759 ، و یێن ژ دایکێ ئێتیم 407، دگەل یێن ئێتیم ژ دایک و باب 359 زارۆک ، زارۆکێن دایک و بابێن وان لدەستێ داعشێدا 220، ئەڤجا تێکرایێ هەمووا دبیتە 2745 .

ڤەکۆلەر داود مراد خەتاری ژ “ئێزدی 24” را گۆت کو “داعشێ ب سەدان زارۆک ئێتیم ل دویڤ خوە هشتن و ئەڤ زارۆک دپێتڤی پشتەڤانی و خودانکرنەکا بەردەوامن ل چاڤ وان بارودۆخێن ب زەحمەتێن یێن کو تێرا دەرباس دبن ژبەر کو ئەوان ئەو نینە یێ ئەرکێن وان و پەروەردەکرنا وان ب ستوێ خوەڤە بگریت سەرەرای کو ئێزدی دەڤ ژێ بەرنادن ب چ حالا و ئەو خودانێن وانن و ئەو ڤان زارۆکا ب زارۆکێن خۆ د دانن لێ ئەڤ پێتڤی خودانکرنێ نە بشێوەیەکی باشتر و بەردەوام ، دیتنا ڤان زارۆکا و ئەو ل ڤی حالی دا  کەڤران دگرینێ لێ ئەم کاردکن  کو ئەو ئەم الێ وان باش بکن ل دیڤ شیانێن خوە”.

“ب بشت راستی ڤە لمالێن سێویا دا نامینن بهەر شێوەیەکی وان دوو هەلبژارتن هەینە کو یێ سیێ بۆ وان نینە یا ئێکێ مان ل وەلاتی و یا بزەحمەتە ل چاڤ وان بارودۆخێن وان یێن نهۆ یان فرێکرنا وان بۆ دەرڤەیی وەلاتی و ئەو ژی مەترسیەکا مەزن لسەر وان دروست دکەت ل دەمێ کو ئێک نینە وان ئاراستە بکە و وان بەرەڤ ئاراستێ راست ببە لێ هەلبژارتنا دووێ دمینێ یا باشتر بۆ وان ل دیڤ دیتنا من ژبەر دەلیڤەیێن کاری و یێن خوندنێ هەنە و خودانکرنەکا باش ببەراوردکرن دگەل وەلاتێ مە هەیە” ئەڤە بوو یا کو “ئەلخەتاری” دیسانێ گوتی ل ئاخفتنا خۆ بۆ “ئێزدی 24” دا .

“ئەلخەتاری”ل داویا ئاخفتنا خو دا دا زانین “پێتڤی بوو لسەر حکومەتێ یا ژدل با دگرنگیدانێ ب ڤان زارۆکا ژبەر کو ئەو یێن هەرێن پێشینە ل هاریکاریێ و گرنگیێ دا ئەڤ زارۆک ژ ئەنجامێ بارودۆخێن گەلەک خراپ نالین و ئەو ژی کورێن ڤی وەلاتی نە وەک هەرکەسەکی دی و دپێتڤی ڤی وەلاتی نە لێ حکومەت نەیا ژدل بوو وب شێوەیەکی باش کارنەکریە بۆ خودانکرنا وان ، هەکە حکومەتێ بڕەکا پارەیی بۆ هەر زارۆکەکی ژڤان تەرخانکربا و ئەگەر نە بڕەکا مەزن ژی با رەوشا وان دا باشتر لێهاتبا”.

رێڤەبەرێ سەنتەرێ هەرمان یێ کو ژمارەیەکا ئێتیمان دحەوینیت “موهەندس خەیری” ژ “ئێزدی24″ را گوت : ئەم وەکو سەنتەرێ ‘هەرمان’ ب هەموو شیانێن خۆ کاردکن کو ئەم ببن پڕەکا بهێز دناڤبەرا ڤان زارۆکا و ژیانێدا و ب هەموو هێزێن خۆ ب پشتەڤانیا ڕێکخراوا OURBRIDGE و ڕێکخراوا HELP Kurdistan و هەروەسا رێکخراوا EAGLE WATCH و دەزگەهێ خێرخوازیێ بـارزانی سەنتەرێ مە ل خانکێ کاردکە ، پێشوازیا 304 زاروکی دکن 105 ژێ ئێتیمن ژ باب و دەیبابا و ئەم 11 زاروکا ب شەڤ و روژ دحەوینن و ئارمانجا مە هاریکاریکرن و گوهلێکرنا ڤان زاروکایە”.

“حکومەتا هەرێما کوردستانێ رۆلەکێ گرنگ ل پشتەڤانیا بۆ مە دهێتەکرن دا هەیە لێ ئەم دپێتڤی پشتەڤانیەکا پترن دا ئەم بشێن خزمەتا ڤان زارۆکێن ئێتیم بکن ژبەر کو دراستیدا درەوشەکا کارەساتیدا دژین و پێتڤیە لسەر جهەتا کو بلڤن و سەرەداناڤان زارۆکێن ئێتیم بکن و ل رەوشا وان بنێرن ژ نێزیکڤە ئەڤ زاروک ل ب زەحمەتترین قوناغا ژیانا خو دا دژین و دپێتڤی زێدەترن ” ئەڤە ژی بوو یا کو “ئەلمهندس” گۆتی .

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close