جیهانراپورتڕۆژهەلاتا ناڤینكوردستانمەلتیمیدیانووچە

ئێزدی خوبەخش کاردکن بۆ رزگارکرنا کچ و ژنێن ئێزدی یێن گرتی ل ناڤ بێ دەنگیەکا جیهانی دا



ئێزيدی 24 ـ ذیاب غانم

پشتی رێکخراوا داعش باژارێ شنگال یێ کو دکەڤیتە رۆژئاڤایێ نەینەوا ل 3ی تەباخا 2014 داگیرکری و ب هەزاران کەس کوشتین و پتر ژ 6 هەزار کچ و ژنی و زاروکی سەبی کریو پشتی بۆرینا پتر ژ چار سالان لسەر رەڤاندنا وان 3243 کچی ئێزدی هاتیە رزگارکرن ل دویڤ داوی ئامارا کو ژ لایێ ئۆفیسا رزگارکرنا گرتیێن ئێزدیان ڤە هاتی ڕاگەهاندن.

کچێن ئێزدیان توشی ئەشکەنجەدانەکا سیکسی ، دەروونی و جەسەدی یا زور بوون و جیهان تەڤ بێ دەنگ و نەلڤ ما و ل رەوشا کچێن یێن کو هەتا نهۆ ژ ئەشکەنجەدانێ دنالن لێ بێدەنگیا جیهانێ ڕامانا بێ دەنگیا ئێزدیان نادەت ، ئەڤجا ب هەر رێکەکێ ئێزدیان شیایە پتر ژ 3000 ئێزدی رزگاربکن لدەمەکی کو پتر ژ 3 هەزار ئێزدی ل دەستێ داعشێدا ماینە و ل ڤر پرسیار دهێ کی دێ گرتیێن ئێزدیان رزگارکەت؟

پشتی رزگارکرنا باژارێن کو ل بن کونترۆلا داعشێدا بوون ژمارەیەکا کێم ژ کچێن ئێزدی یێن گرتی هاتنە رزگارکرن و برنا ژمارەیەکا وان ژ لایێ خەلکێن ڤان دەڤەرێن کو پێشوازی ل داعش کرین بۆ کەمپێن ئاوارا ل پارێزگەها نەینەوا ل روژئاڤیێ وەلاتی، گەلەک داخوازی هاتنەکرن کو لژنە بهێنە پێکئینان داکو ل ناڤ ئاواراندا  ل گرتیێن ئێزدیان بگەرین لێ بێی کو چ تشت بهێتەکرن و پشتی یێ ئێزدی دەستێن خۆ ژ حکومەتێ شوشتین ئێزدی بەرەڤ هندێ چوون کو ئەو ب خوە ل گرتیان بگەریێ و بۆ ئەڤێ چەندێ ئەنجامێن ژ نەینی باشتر هەبوون و ئێزدیێن کو چوویین ل گرتیان بگەرین شیان ژمارەیەکێ ژ وان رزگاربکن و داویا وان بەریا سێ روژان بوو.

“مەحموود سمۆقی” ئێزدیەکە کو ل بوارێ رزگارکرنا کچێن ئێزدی دا کاردکە ژ “ئێزدی 24″ را ئاخڤی و گۆت”کارکرن لڤی بواریدا نەکارەکێ ساناهی یە ل چاڤ وان پێکدانێن چەکدار و فەسیلەین جودا جودا یێت کو کونترولێ ل باژارێن جودایێن سوریا دکن، ئارمانج ژ ڤی کاری ئەوە ئەم خزمەتا خەلکێ خۆ بکن و خزمەتەکا مروڤایەتی پێشکێش بکەین و نە تشتەک ژ بلێ وێ چەندێ”.

هەروەسا گۆت”ئەم تووشی بوویەرێن جودا جودا دبن هندەک ژوان مەترسیێ لسەر ژیانا مە دروست دکن ل هەرجارەکا ئەم هەول ددن ئێزدیەکی رزگاربکن، کارێ پشت ب کەسی نابەستیت ژ بلی مە ئەز و هەڤکارا من “شیرین شڤان” ب رامانا هندێ کو ئەم بێی چ بشتەڤانیەکێ کاردکن و ئەم شانازیێ بکارێ خۆ دبەن و سوپاسیا خودێ دکەن کو مە شیایە ئەم 48 گرتی ژ باژارێن جودایێن سوریا یێن لبن کونترۆلا فەسائیلێن احرار الشام و جبهەت النسرە و داعش و هندەک جیهاتین دی و هەروەسا ژ کەمپێن ئاوارا ل سوریا رزگاربکن”.

“سمۆقی”ئاخفتنا خوە ب ڤێ تەمام کر “هندەک رێکخراوا سەرەدانا مە کر لێ بێی کو بتەڤانیا مە بکن، خویشک و برایێن مە رووبرووی مرنێ دبن ل دەمەکیدا جیهان یا بێ دەنگا ئەڤجا ئەڤ چەندە بەسە کو ئەم لخزمەتا وان دا بن و ئەوێ بکن یا ئەم پێ کاربن و ئەم ب هیڤینە کو ژمارەکا هەرا مەزن ژ گرتیان رزگار بکن”.

هەروەسا “تحسین خەلەف”ئێزدیەکە کو کەس و کارێن وی ددەستێ داعشێدەینە ژ “ئێزدی 24″ را ئاخڤی و گۆت”مە گەلەک سەبر کێشا و هیڤی خواستن و هیڤیێن مە نەمان و چاڤێن مە هشک بوون ل ریا وان جیهان تەڤ بێ دەنگە ژبۆی وان هەر وەک ئەوبوون یێن کو سڤیل کوشتین و کچ و ژن و زارۆک گرتین، بلا جهان تەڤ زانبێ ئەم بێ دەنگ نامینن و ئەم دێ وێ کەین یا ئەم پێ کارن و هەتا داویا حەمرێ خوە دێ لێگەرین”.

“هەبوونا کەسێن خودان غیرەت هاندەر و هیڤیەیەکا مەزنا، ئەڤ کەسێن لبوارێ رزگارکرنا گرتیاندا کاردکن جهێ فخر و شانازیێ نە و ئەز یێ پشت راستم کو هەکە شیابان دا نیڤێ ئێزدیان ئەڤ کارێ کو دکن کربا ژبەر ئەم وەک کەس و کارێن گرتیان مە چ جیهەت یان دەولەت یان رێکخراو نینن کو رزگارکرنا ڤان کەسا ل ستوێ خۆ بگریت ژ بلی ئۆفیسا کو ل دهۆک هاتیە ڤەکرن و ئەڤ کەس ب شەڤ و رۆژ کاردکن داکو ئێکی ژوان ببینن، ئەڤجا ئەو دەرگەهێ ئێکێ و داویێ نە کو ئەم لێددن ژبەر کو ئەم دزانن مرۆڤایەتی مر” ئەڤە بوو یا کو “خلف” ل داویا ئاخفتنا خوە بۆ “ئێزدی24” گۆتی.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close