جیهانراپورتڕۆژهەلاتا ناڤینكوردستاننووچە

هندەک چالاکڤان و کۆچبەر: رێکێن کوچکرنێ یێن نە ئاسایی مەترسیەکا مەزنە ئێزدی ژ نەچاری رووبروو دبنێ



ئێزدی 24 – دیاب غانم

ئێزدی ب ئاوارەبوونا وان ژ شنـگال بەردەوامن دبەلاڤبوونێ دا ل هەموو بستێن جیهانێ ئاوارەبوونێ و بارێن ئەمنی و سیاسی یێن نە جێگر ل دەڤەرێن وان وەکر کو بەرب کوچکرنێ بچە ژ ب رێکێن ئاسایی ب رێکا رێکخراوێن نیڤدەولەتی یان ژی ب رێکا رێکێن نەئاسایی یێن کو ب رێکا وان گەلەک ژ خەلکێ ژ وەلاتێن جیهانی بۆ لێگەریان ل ئەمنێ و جێگریا و رێکێن ژیانێ یێن بێ ترس.

هەروەکی گەلەک ژ ئێزدیان دخوازن ل عیراقێ بمینن وەسا هندەک ژوانا دڤێن کوچ بکن، ترسا وان ژ دووبارەبوونا سیناریۆ یا زنجیرەیا کومەلکوژیا ل دەرحەقی وان ئاگرێ کوچکرنێ ل دلێ واندا گەش کر ئەڤجا تاکێ ئێزدی ل رێکان گەریا دا کو بەرەڤ دەرڤەی ئاخا باپیرێن خوە و ژ ئەنجامێ ڤێ چەندێ هندەک ژوان هاتنە بکارئینان ژ لایێ قاچاغچیان ڤە.

ئێزدیەکی کو خوەستی کۆچ بکە و ل وێ چەندێ دا سەرنەکەفتی ژ بەر زەحمەتیا رێکێ یا کو دڤیا کوچ بکە ل وێرا کو خوەست ناڤێ خوە دیار نەکە ژ “ئێزدی 24″ را ئاخڤی و گۆت” ساناهیە کو ئەم هزرا کۆچکرنێ بکن لێ ب زەحمەت مرۆڤ خوە لبەر زەحمەتیا رێکێن دچنە وان وەلاتا بگرن و ل گەریانا مدا یا کو تەمام نەبووی من و خێزانا خوە گەلەک و گەلەک ئەشکەنجەدان دیت ژ بەر کو ئەم ل گەفەکا بەرهەڤدا و تێست کری ژ لایێ قاچاغچیان ڤە بوون و مە ژ تالیا کۆچکرنێ تام کر ژ ئەنجامێ وێ گەریانێ و مە بەهایێ وەلات زانی”.

هەروەسا گۆت :”مە کاری کو ئەم ژ ڤێ گەفێ بدەرکەڤن لێ پشتی ئەم تووشی ئەشکەنجەدانەکا بزەحمەت بوویین و لێدانێ ژ ئەنجامێ کەفتنا مە ددەستێ هێزێن سنووری یا وان وەلاتێن کو مە دڤیا ئەم دەرباس بکەین داکو ئەم بگەهن ئارمانجا خوە و ل وی دەمیدا ب سەدان کەسێن دی کەفتنە هەمان گەفێ یا کو ئەم کەتینێ و مە زانی کو باوەری ب ڤان کەسان نائێتە دان یێن کو ل ڤی بوارێ کۆچکرنا نەئاسایی و هەر کەسێ باوەریا وان ب ڤان کەسان بێت خوە دئێخیتە دناڤ مەترسیێ دا”.

و ل داویا ئاخفتنا خوە دا ژ بۆ “ئێزدی 24” گۆت “داخوازێ ژ هەموو ئێزدیان دکم کو باوەریا وان ب ڤان کەسان نەئێت و دهشیاربن ل هەلبژارتنا ڤان کەسا دا ژ بەر کو هندەک تاک ل ناڤ ڤان کەسان دانە کاردکن بۆ بدەستخستنا پارەیا و پشتی هنگێ تشتەک بۆ وی نە خەمە نە ژیانا کەسەکی و نە مرنا وی، و خوە وەک نموونە گۆت”.

هەروەسا چالاکڤانا ئێزدی زەینەب ناسر ژ “ئێزدی 24″ را یا کو ئیشارەت ب کوچکرنێ و ئەگەرێن وێ دای ئاخڤی و گۆت کو”نۆرمالە کو ئێزدی هزرا کۆچکرنێ بکە پشتی ئەوێ هەمووا ب سەرێ وان هاتی ژ کوشتنا ب کۆم و ڕەڤاندن و سەبیکرن و ئاورەوونا بکۆم و تاوانێن کو ل دەرحەقی مە هاتین ئەنجامدان ل دژی چ کەسا یان چ پێکهاتەیا یان چ ئاینا و ل چ جهان ژ جیهانێ نەهاتینە ئەنجامدان و سەرەرای هندێ ئەم وەکو ئێزدی ژ زەحمەتیا ژیانێ دنالن ل کەمپاندا ل چاڤ وان بارودۆخێن ئەم تێرا دەرباس دبن ژ کێمیا خزمەتا ل هەموو بوارێن ژیانێ دا و نە گرنگی دانا حکومەتێ ب مە و ب دەڤەرێن مە یێن رزگاربووی”.

“ل وی دەمێ تاکێ ئێزدی هزرا کۆچکرنێ دکە چێنابیت خوە یان خێزانا خوە بئێخیتە مەترسیێ ژ بەر کو ژیان ل خیڤەتەکێدا ژ مرنێ یان ئەشکەنجەدانا جەسەدی یا ب زەحمەت یا کو گەلەک ژ کوچبەران تووشی دبنێ باشترە ب رێژەیی ئەڤجا پێتڤیە تاکێ ئێزدی ئەوێ هەمووێ بەرچاڤ وەرگرێ و یێ ووردبیت ل هەلبژارتنا کەسێن باوەرپێکری و ب لەز نەکەفتنێ بەری کو رێکا کوچکرنا نە ئاسایی بگرێ و ئەڤ رێک بوونە ئەگەرێ مرنا گەلەکا ژ ئێزدیان و دەریایا ئیجە شاهدە ل سەر وێ چەندێ” ئەڤە بوو یا کو هەروەسا “ناسر” گۆتی.

” لێ ژ ئالیەکی دیڤە چ گازن ژێ نائێنە کرن ژ وێ چەندا یا کو ل سەری هاتیە گوتن ژ بەر ژیان بوویە بتنێ خیڤەتەکە تو نزانی کەنگێ دهێت شەوتاندن و تێدا دمری و مەزنترین بەلگە لسەر ڤێ چەندێ “خێراهات”ە یێ کو ل خیڤەتا خوەدا شەوتی ئەڤجا ئەم دپێتڤی لڤینەکا ژدلن ژ لایێ حکومەتێ ڤە بۆ دووبارە ئاڤەدانکرنا شنگال و قەرەبووکرنا خەلکێ سەرەرای کو یێ وان ژ دەست دای ناهێتە قەرەبووکرن” ئەڤە بوو یا ل داویا ئاخفتنا چالاکڤان زەینەب ناسر دا ژ بۆ “ئێزدی 24” هاتی .

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close