گۆتار

چما ئیریش لسەر ئێزيدی۲٤ تێنە کرن ؟

مازن شنگالی

ئێزيدی ۲٤ وەک یەکەم پرۆژەیێ میدیایی یێ ئێزدییان دبینم و بێ لایەن و بوێرەکی ڕومالا بابەتان کریە و دکەت و ژدایکبوونا ئەڤی پرۆژەیێ میدیایی ددەمەکیدا بوویە کو ئێزدی ژ هەر تشتەکی پتر پێدڤی ب میدیایەکێ هەنە ب راست و دروستی و بێی چو دەستکارییان نامەیا وان بگەهینە بێی کو بکەتە د چوارچۆڤەیێن حیزبی و سیاسی دا .

و بدیتنا من دگەل هەموو کێموکاسییان ئەڤ سایت و یوتیوب چەنالە کارییە ببێتە جهێ باوەرییا ئیزدیان و ژبلی ئێزدییان ژی کارییە ببە چاڤکانییەکا بەهوەرپێکری یا دەنگوباسێن بەشەکی ژ کەنال و سایتێن نافخۆ و جیهانی ژی .

ئەز ب ڕەوا دبینم ئەم وەکو ئێزدی ب ڕەخنە و تیبینیێن خوە ئەڤی پرۆژەیی مەزن بکەن و بەرەف پێش ببن و ژبەر هندێ هیڤیی خوازم ئەڤ تێبینیێ ل خوارێ ب گرنگ بێنە وەرگرتن و کار لسەر جارەسەرییا کێمووکاسییام بهێتە کر . .

۱- ئەڤ پرۆژەیە ژبەرکوو هیژ ل قۆناغێن دەستپێکێ دایە و جاڤێ ئێزدییان لسەرە کەیسا وان بگەهینێتە زۆرترین جهێن بلند و پەیوەندیدار . لەوما بفەر دبینم ڕێک نەهێتە دان ببێتە ویستگەهەک بۆ خوە فێرکرنێ و بتایبەتی هندەک بەشێن گرنگ هەنە وەک بەشێ مونتاجێ و تەسویرێ و نڤێسینی و دویفچونێ . کە ئەڤ بەشە ب چو ڕەنگان نابێت ببێتە جهێ خوە فێرکرنێ بەلکو دبێت کەسانێن پسپۆر و خودان ئەزمون ب خەمخۆری تێدا کار بکەن .

۲- گۆهگرتن ل ڕەخنە و تێبینیێن خەلکی و بتایبەتی یێن ئێزدیان و ب گرنگ و ئاڤاکەر بهێنە وەرگرتن و هەلویستێن توند بەرامبەر وان کەسان نەهێنە وەرگرتن کو ڕەخنەیان دگرن ئەگەر دیاربێت ئەو رەخنە ئاڤاکەرن .

۳- ڕوبەرێ ئەڤی پرۆژەیی پتر بهێتە بەرفەرەهکرن . بۆ نمونە بەشێن بادینی و سۆرانی ب کەسانێن خودان شیانڤە بهێنە کاراکرن و کاربکن و ڕومالا هەموو بویەرێن ل هەموو پارێزگەهێن هەرێمێ بکەن و ب قاسی شیانان ل پارچەیێن دی ژی یێن کوردستانێ .

د هەمان دەمدا ب کارەکی نەجوان و کرێت دبینم ئەم ئێریش بکەنە سەر ئەڤێ سازیێ کو ئەوژی ئێزيدی۲٤
و بەردەوام ئەم ڕەخنەیان لێ بگرن و بشکینن . بەروڤاژی ب پێدڤی دزانم ئەم هەموو پشتەڤانیێ لێ بکەن ژبەرکوو بڕاستی وانا سەلماندییە کو زێدەباری ئێمکانیاتێن وان یێن مادی یێن کێم و زەحمەتییا بڕێڤەبرنا پرۆژەیەکی وەها مەزن لێ جهێ تلیێن وان ب ڕۆهنی ی دیارە و کارینە کارەکی هەوقاسیەزن بکەن کو نابێت ئەم خوە بخاپینن و ب ڕک و کینە و حەسودی ل ڤی پرۆژەیی بنێرن بەلکی دڤێت ئەم شانازیێ پێ ببەن .

ل داویێ ژی ب فەر دزانم دەستخوەشیێ ل یەک یەک کادر و کارمەندێن ڤێ سازیێ بکەم ل نافخۆ و دەرڤە ژی کو کارینە د هەیامەکێ کورت دا کارەکی مەزن بکەن و سەرنجا گەلەک خەلکی بەر بخوە ڕابکێشن . و هیڤییا سەرکەفتنێ ژوەرە دخوازم و ب هیڤییا بەردەوامی و کارێن جوانتر و مەزنتر .

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close