پشتی بداوی ئینانا داعش، ئایا مەترسی لسەر کەمینەیا ب داوی هاتینە؟

ئێزيدی24- دیاب غانم

ل ناڤبەرا شێڤ و روژەکێدا گەلەک دەڤەر بوونە بیابان ژلایێ ئاکنجیا ڤە و ئەو چەندە ژی ب ئەگەرێ ئێریشێن کومەلێن داعش یێن تیروری و ل ڤان ئێریشا دە ب هزاران ژ ئێزدی و مەسیحیان و کەمینەیێن دی مرن و هاتنە ڕەڤاندن ژی ب هەزارا و هاتنە بێ بەهر کرن ژ ئەوێ هەمووا کو ملکێ وان بوو و ل پارێزگەهێن جودایێن عیراقێ و هەرێما کوردستانێ دا بوونە دەربەدەر و مالێن وان هاتنە وێران کرن ل وی دەمێ کو داعش کونترۆل لسەر دەڤەرێن وان دکر و پشتی رزگارکرنا دەڤەرێن وان و عیراقێ ب گشتی ژ داعش یێ کو ل سنوورێ کەمینەیا دە پرسیار دکە ئایا گرەنتی هەیە کو ئەوا ب سەرێ مە هاتی دووبارە نەبیت؟

پتر ژ 100 هزار تاکی مەسیحی ژ دەڤەرێن خۆ کۆچکر ل دەشتا نەینەوا، ل پێلەکا کوچکرنێ دا یا کو ژ مەزنترین پێلێن کۆچکرنێ دهێتە هژمارتن دا کو پێلێن بەرێ یێن ژ بەغدایێ و دەڤەرێن باشوورێ وەلاتی کۆچکرین ل بیرا مە بینێ و دا کو پێشبینی ل دەڤ وان خۆجهـ  ببیت کو عیراق ئیدی ب وەلاتەکێ ئامن یێ کو ئەو دکارن لێ بژین.

نە بتنێ مەسیحی بوونە ئارمانج بۆ داعشێ ، یا کو رێکخستنێ ب ئێزدیان کری ژ کوشتن و گرێدان ب گەلەکێ بەرچاڤ تربوو، ژ بەر کو ل بنیات دا وان ژ کافرا دهەژمێرێ ، ئەڤجا یێن سەر ب ڤێ کەمینەیێ ڤە خودان ئاینەکێ ئاشتیخوزێ کەڤنارن. و ب درێژاهیا هەبوونا وان ل عیراقێ تووشی 74 کومەلکوژی بووینە لسەر دەستێ کۆمەلێن تیرورستی یێن ناڤ جودا جودا ، و یا داویا وان هەوەکا کومکوژیا کو داعش پێ رابووی، ل دەما کو دەڤەرا شنگال دگیر کری یا کو نیشانەکا مێژووی بۆ ئێزدیانە ل 3ی تەباخا 2014. و بڤێ یەکێ ئاکنجیێن شنگال ب تەمامی ئاوارەبوون ژ بلی یێ کو هاتیە کوشتن و گرتن ژلایێ وان کومەلان ڤە و هەتا نهۆ چارەنڤیسێ پتر ژ 3ێ هزار ئێزدی یێ وندایە و پتر ژ 450 هزار ئێزدی نهۆ ل بن خیڤەتادا دژین ل دەمێ کو دەڤەرێن وان درزگارکرینە لێ هندەک نیشانێن پرسیارێ یێن مەزن ل سەرن کو خیڤەتگەها ژ ڤەگەریانێ بگرن.

ل هەڤپەیڤینەکێدا هاوەلاتیێ مەسیحی یێن کو ل بەرتللە یێ خۆجهـ “ساهر میخابیل” ژ بۆ “ئێردی 24” گۆت کو “کەمینەیێن ئاینی ژ بەر نەبوونا باوەریێ ب هێزێن ئیمناهیێ و حکومەتێ  پشتی کو تووشی کومکوژیێن بەردەوام بوویین لسەر دەستێ کومەلێن چەکدار یێن تیرورستی یێن جودا جودا، ژبەر ڤێ چەندێ هەتا نهۆ کەمینە ژ رەوشا ئەمنی ل دەڤەرێن کو ئەو لێ ل پارێزگەها نەینەوا تێکدچن و گومان دەڤیتە دلێ وان”.

“میخائیل” ئاماژە دا وێ چەندێ کو “مەترسیێن کەمینەیا پشتی رزگارکرنا پارێزگەها نەینەوا و ب داوی ئینانا داعشێ ئەون کو زنجیرەیا ئاوارەبوونێ و هەرسکرنا مافێن وانێن دەستووری و نە ئەکتیڤ کرنا وان زێدەباری نە قەرەبووکرنا وان و ئاریشەیەکا سەرەکی یا دی ژی کو گوهەرینەکا دیمۆگرافی یە، و ئەڤ مەترسی کارتێکرنێ ل نە باوەریئینانا کەمینەیا ل رەوشا گشتی و ب ڤێ چەندێ کارتێکرنێ لسەر بەردەوامیا کۆچکرنا وان و هێلانا وەلاتێ خوە دکەت”.

“چارەسەریێن کو دشیاندایە بەرەڤ بچن یان یێن کو کەمینە لێ دگەریێ ، گرەنتی کرنا دەڤەرێن کو پاراستنەکا باش بۆ وان ، چالاک کرنا یاسایێن کو هاریکاریا چەسپاندنا مافێن وان دکەت ل حکومەتا مەرکەزی و هەرێمێ و دوورکرنا دەڤەرێن وان ژ ململانیێن کوردی و عەرەبی” ئەڤەبوو یا کو میخائیل هەروەسا گۆتی.

ل داویا ئاخفتنا خۆ دا گۆت “مەترسی و رەوشا ئەمنی رێگریێ ل ڤەگەریانا مەسیحی و کاکایان دکەت بۆ دەڤەرێن وان و نە ڤەگەریانا وان بۆ رەوشا ئەمنی یا نە جێگیر و هەبوونا هێزێن جودا جودا و نەبوونا دەلیڤەیێن کاری و دیاربوونا بەتالیێ زێدەباری نە قەرەبووکرنا وان، ئەڤجا ئەڤ کارتێکرنێ ل هەبوونا  وان ل عیراقێ ژی دکــەت”.

هەروەسا چالاکڤان “بەرزان شەقۆ” ژ “ئێزدی24″ را ئاخڤی و گۆت ” ب کورتی داعش بئێکجاری ب داوی نەهاتیە، و هەتا ئەگەر ب داوی هاتبێ ژی هەتا نهۆ هزرێن داعشی ل مەژیێن گەلەکا ژ پێشوازلێکەرێن وان دا دژین،ئەڤجا ئەڤ ژ وان مەترسیانە یێن کو کەمینە پێ دەوردای و هەروەسا چ گرەنتی نینن کو کو هزرا داعش دووبارە نەبیت و ب هندەک ناڤێن دی و بەلگـە لسەر وێ چەندێ ئێزدی کو تووشی 74 هەوێن کومەلکوژیێ بووینە و چ گرەنتی نینن کو یا داویێ ببیتە یا داویێ”.

“گەلەک ئاشکەرا یە کو هندەک  ئامارێن کەڤن نیشانا وێ چەندێ نە کو ل شێست و هەفتیێن چەرخێ بۆریدا ژمارا مەسیحیان ل عراقێ یا مەزن بوو و سەرەرای ژمارا وان یا مەزن ئەڤێ ژمارێ ل کێم دا ب شێوەیەکی گەلەکێ بەرچاڤ ژ ئەنجامێ کۆچکرنا وان بەرەڤ ئۆروپا و کەنەدا.
و هەروەسا یەهودی ژی وەختە ل عیراقێ نەمابان و هەتا ئێزدی ژی و پشتی کارەساتا سێی تەباخێ ل سالا 2014 گەلەکا کۆچکر بەرەڤ ئۆروپا و امریکا و ئۆسترالیا و هەتا ڤێ روژێ داخوازی دئاشکراینە ژ لایێ جڤاکا ئێزدی ڤە کو دەلیڤە بۆ چێببیت و کۆچەکا ب کۆم بکن، و هەروەسا ئەڤ مەترسی کارتێکرنێ ل یەکبوونا خەلکێ ژی دکن و ونداکرنا باوەریێ و ئەگەر پەیوەندیێن هاریکاریکرنی لسەر بنیاتێ پێکڤەژیانێ ئەڤجا ئەڤ ژ ب مەترسیترین مەترسیانە لسەر نەمانا کەمینەیێن ئاینی ل عیراقێ ” شەقۆ ئاماژە ب ئەوا هاتی ژی کر .

ئاخفتنا خوە ب داوی ئینا و گۆت”چارە دپێتڤی برێڤەبرنەکا باشن ل وەلات دا ل دەستپێکێ بۆ گرەنتی کرنا مافێن کەمینەیا وەک پێکهاتەیێن دی و کو لسەر بنیاتێ شیان و شەهرەزایێ بیت، و دابینکرنا پاراستنێ بۆ وان و هەتا کو ب رێکێن ناڤدەولەتی ژی بیت، لێ ئەگەر ئەڤ تشت بهێتە کرن ژی دبینم کو پاراستنەکا ناڤدەولەتی بۆ وانێن حەزا مانێ هەنە و کوچکرنەکا بکۆم بۆ وانێن حەزا کوچکرنێ هەین وەک باشترین چارە ل ڤی دەمیدا دهیتە دانان ل ڤان بارودۆخێن نەخوەش دا ، ئەڤ مەترسی کارتێکرنێ لسەر نەڤەگەریانا ئێزدی و مەسیحیان بۆ دەڤەرێن خوە ژبەر کو ئەوێ کو خیانەت لوان کری بەری وان ڤەگەریا بۆ وان دەڤەرا دگەل مانا هزرا داعش ل جەم گەلەکا ژوان بێی کو بەرب تشتێن دی یێن نائێنە هژمارتن بچن”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close