رزگاربوویەکا ئێزدی ناڤێ سەرکرەدیەکی داعشێ ددەتە دیارکرن

ئێزيدی۲٤ـ باسم قاسم

ژ ئەنجامێ شەری دناڤبەرا هێزێن سووریایێ و تیرۆرستێن داعش دا ل باژێرێ “باغۆزێ” ل سووریێ و ژبەر لاوازبوونا تیرۆرستێن داعش لهمبەر وان هێزێن شەرێ وان دکن رۆژانە ب دەهان تیرۆرستێن داعشێ خوە رادەستی هێزێن سووریێ دکن و لناڤ ڤان کەسێن کو وە رادەست دک سەرکردەیێن داعشێ ژی هەنە و ب تایبەتی ئەو داعشێن دەستدرێژی دکرنە سەر کچێن ئێزدی ل باژارێن سووریا.

دەربارەی ڤێ چەندێ رزگاربوویەکا ئێزدی ژدەستێ داعش کو ڤە بەری دەمەکیە رزگاربوویە بناڤێ “ع.ع.س” ژ “ئێزدی24” را دا دیارکرن کو ئەو داعشێن نۆکە خوە رادەست دکن ئەو داعشن یێن کو دەست دئەشکەنجەدان و دەستدرێژیکرنێ لسەر کچ و ژنێن ئێزدی کرین و نۆکە ئەو کچێن ئێزدی یێن رزگاربوویی هندەکا ژ وان تیرۆرستان ناس دکن یێن کو دەستدرێژی ل وان کرین .

ئاماژە دا کو “ل دەمێ هاتنا وان تیرۆرستان و یێ دیار لپێش هەمووان ئەو داعشە یێ کو هاتیە دەڤ مە ب مەرەما برنا مە دا ئەم ببن کابانی و بەرمالی ژ وی را مە ژی ئەڤ چەندە وی رەتکر لۆما ئەم دمالەکێ دا ئەشکەنجەدان و دەستدرێژی ل مە کر و ناڤێ وی سەرکردەیێ داعش” ابو محمد الجزراوي” بوو و ژ خەلکێ سووریا ب خوە بوو و ژ نەچاری ئەو ژی دناڤ وان تیرۆرستێن کو خوە رادەست کرین دا خوە رادەستکر”.

هەروسا گۆت ، ئەو مالا ئەم تێدا ئەز و کچەکا دی بوون کو خەلکا گوندێ کۆچۆ بوو ل باژێرێ ڕەقە ل نێزیکی “خولا دەمژمێرێ” و ل وێ مالێدا چەندین جارا دەستدرێژێ ل مە هاتە کرن ژ ئالیێن تیرۆرستێن داعش ڤە.

ل دوایێ گۆت “هێڤیا مە ئەوە دادگەهـ و جڤاتا ناڤ دەولەتی و ل ڤان کەسان نەبۆرن و بێ دەنگ نەبن لهمبەر یا ل دەرهەقێ کچ وژنێن ئێزدی دا ئەنجام داین ل باژێرێن عیراقێ و سووریا و ب زووترین دەم ئەو لبەر چاڤێن مە بچنە دادگەهان و ئەو بگەهن ماڤێ خوە و بهێنە سزادان ب سێدارەدانێ ژبەر یا ل دەرهەقێ ئێزدیان دا هاتیە کرن هەموو رەنگێن کوشتنێ و دەستدرێژیێ بوون ژبال رێکخراوا تیرۆرستیا داعشێ ڤە.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close