جیهانراپورتڕۆژهەلاتا ناڤینكوردستانمەلتیمیدیانووچە

ئاڤاکرنا مەزارا، حکومەت نەشیایە هاریکاریێ ل وێ چەندێ دا بکە و ئێزدی دشێن مەزارێن مای ئاڤابکن

ئێزيدى24 – دياب غانم

مەزار ژ گرنگترین جهێن ئاینیە ل دەڤ ئێزدیان و ئێزدیان ژمارەیەکا نەکێمتر ژ 100 مەزاری هەنە لسەرانسەری جیهانێ و وان جهێن ئێزدی لێ هەین و ئێزدی ڤان مەزارا ب پیرۆز ددانن وەکی چاوا موسلمان مزگەفتا ب پیرۆز دزانن و مەسیحی کەنیسا ب پیرۆز دزانن.

ل دەمێ هاتنا رێکخراوا داعش بۆ دەڤەرێن ئێزدیان ئەندامێن وێ رێکخراوێ 68 مەزارێن ئێزدیان چ ل شنگال و چ ل بەعشیقە و بەحزانێ پەقاندن ژ بەر درندانەیا وان ل همبەر ئێزدیان و بیروباوەرێن وان و هژمارتنا وان وەک کافر وەک چاوا دگەل مەسیحیان و کەنیسەیێن وان ئەنجامدایین.

پشتی رزگارکرنا دەڤەرێن ئێزدیان ژ تیرورستێن داعشێ ئێزدی رابوون ب دووبارە ئاڤاکرنا ڤان مەزارا بێی چ هاریکاریا ژ با حکومەتێ یان هەر جهەکێ دیتر ل چاڤ گرنگیا وان یا ئاینی و دا هەبوونا خوە و ناسنامەیا خوە بپارێزن ب رێکا ئاڤاکرنا ڤان قوبا.

پشتی ئێزدیان هنەک ژ ڤان مەزارا ئاڤاکرین ژمارەیەکا دی مایە پێتڤیە بهێنە ئاڤاکرن و ب واتەیا درست مەزارگەهێن ل بەعشیقا و بەحزانێ هاتینە ئاڤەدانکرن و مەزارێن ل شنگالێ هەتا نهۆ دکەتینە و ئێزدی دخوازن هاریکاری ژ لایێ حکومەتێ ڤە بێتە کرن بۆ دووبارە ئاڤاکرنا وان.

رێڤەبەرێ ئۆفیسا کاروبارێن ئێزدیان ل پارێزگەها دهۆکێ یا سەر ب وزارەتا ئەوقافا هەرێما کوردستانا عیراقێ “جەعفەر سمۆ” ژ ئێزدی 24 را ئاخڤی و گۆت ” ئەم زەحمەتا ئێزدیا هەمووا بلند دنەرخینن و تایبەت کەسایەتیێن جڤاکی و بزنسا و خلمەتکارێن کو دەست ل ئاڤەدانکرنا مەزارێن ئێزدیان دا هەبوون و سوپاسیا وان دکن ژ بەر وێ چەندێ و ئەم کاردکن داکو مەژی پەنجەمۆرەک ل ئاڤاکرنا مەزارگەهێن ئێزدیان یێن مایین هەکە مە بودجەیا تەمام ژ مەرا هاتە سەرفکرن.

“ئەم وەک ئۆفیسا کاروبارێن ئێزدیان دێ کارکەین ب هەموو هێز و شیانێن خوە دا کو ئەوا دشیانا مەدا ژ بۆ دووبارە ئاڤاکرنا ڤان مەزارا ل دەڤەرێن سەر ب هەرێما کوردستانێ ڤە ژ بەر کو ئەم ژ هەولێرێ دهانداینە و مە چ پەیوەندی ب حکومەتا عیراقێ ڤە نینن و هەکە حکومەتا عیراقێ نەیا هاریکاربێ ل وان دەڤەرێن سەر ب وانڤە ژ لایێ کارگێری ڤە پشتی هنگێ دێ مە ئاخفتنەکا دی هەبێ و ئەم دێ هێنە سەر هێلێ و دووبارە ئاڤاکن “ئاخفتنا خوە ب ئەڤا هاتی تەمام کر.

هەروەسا مجێور “شێخ خەلەف بەحزانی ” ژ “ئێزدی 24″ و گۆت کو ” چ هەبوون بۆ حکومەتێ نینە چ حکومەتا مەرکەز و چ یا هەرێمێ ل ئاڤاکرنا مەزارا دا و وان چ پلان بۆ پاشەرۆژێ نینن دا کو ڤان قوبا ئاڤابکن ژبەر ل وی دەمێ کو مە مەزار ئاڤادکرن ب هاریکاریا خێرخوازێن ئێزدیان حکومەت نەهاتە با مە و نەدیت کو ئەم چ دکن و پرسیار نەکر کو ئەم ژ کی ڤان مەزارا ئاڤادکن”.

ئاخفتنا خوە بدوماهیک ئانی و گۆت “ئەم خوە ل هیڤیا یەکی ناگرن ئەڤجا ئەگەر حکومەت یا بێدەنگ بیت ئەم ل سەر خوە قەبوول ناکن و مە پەیوەندی ب خلمەتکارێن شنگال را هەینە و ئەم دێ قوبێن مای ئاڤاکن ب رێکا خێرخوازێن ئێزدیان و هەر یەکی دەست ل ئاڤاکرنا ڤان مەزارا دە هەی ئەز ژێرا دبێژم سپاس ژبەر کو تە تشتەک ژ ئێزدیاتیێ را کری.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close