راپورتنووچە

كارەبا یا بوویە فۆبیا بو ئاوارەیان

ئاواراێین د ناڤ کەمپان دا داخوازیا زیدەبوونا دەمژمێرێن کارەبێ دکەن.

 ئێزدی 24 – مەروان داود

دگەل هەتنا وەرزێ هاڤینێ و بلندبوونا پلێن گەرمی ئاوارا د ناڤ کەمپان دا ژبەر نەبوونا کارەبێ دنالن د دەمێ پێدڤی دا کارەب ب ئێک ژ گرنگترین پێدڤیێن مرۆڤی یێن رۆژانا د هێتە هژمارتن و د نهو دا دەمژمێرێن کارەبێ د ناڤ کەمپان دا د کێمن و ئاوارا ژی گەزندا ژ نەبوونا کارەبێ دکەن.

ئاوارەیەکی ژ کەمپا شاریە ب ناڤێ ( فارس حەسن ) ژ ئێزدی ۲٤ را دیارکر ئەڤ ماوەکە کارەب بتنێ چەند دەمژمێرا هاتیە و دناڤدا دهێتە بڕین و دڤی وەرزێ هاڤینێ دا ژیانا ب هزاران ئاواران ب زەحمەتی د ناڤە کەمپان دا دەرباز دبێ ژبەر کێمیە کارەبێ.

گۆتژی ئەم داخواز دکەن ب زووترین دەم کێشا کارەبێ بهێتە چارەسەرکرن و دەمژمێرن وێ زێدەببن چونکی هیچ کارەک ب ڤی شێوەی ناهێتە کرن و ژبەر پلێن گەرمێ یێن بلند نەخۆشی ل نک زارۆکان چێدبن و دبێتە ئەگەرێ هندێ کو ئاوارەێن ل ناڤ کەمپان دا ژ هەر کارەکی بێ هیڤی ببن

هەر لسەر ئەڤی بابەتی چەلاکڤان ( سالم بەدل ) ژ کەمپا شاریە ژ ئێزدی ۲٤ را گوت .
کەمپا شاریا ژ 4000 خیڤەتا پێکدهێت و هەر وەسا نیزیکی 3000 خێزانە یێن ل ناڤا کەمپا شاریا ئاکنجینە . و نیزیکی 14000 تاکە کەس تێدە ئاکنجینە . کەمپا شاریا ژ لایێ کارەبێ ڤە گەلەک یا ئالوزا دنهودا و هەر وەسا ژ لایێ کارەبا سەرەکی ڤە ب شێوەیەکی گەلەک خراب خشتێ کارەبێ یێ هاتیا دابەشکرن هەر ژ کێماتی و نەبوونا کارەبێ ب سیستەمەکی گەلەک خەراب و کێم چەندین کێماسیێن دی .

 

 

ل هەر کەمپەکێ ژ کەمپێن سنوورێ پارێزگەها دهۆکێ کارەبا مولدا یا هاتیا بەلاڤ کرن لێ ب تنێ کەمپا شاریا نەبێت . داخوازا خەلکێ کەمپێ ژ هەر جهەکی بەرپرس ب زووترین دەم ڤێ ئاریشێ چارەسەر بکەن چونکی نەبوونا کارەبێ ل وەرزێ هاڤینێ دبێتە ئاریشەک گەلەک مەزن بۆ خەلکێ کەمپێ چ ژ لایێ نەخۆشیان و ئێشێن دەرونی ڤە و هەبوونا گەلەک زارۆکێن بچووک ل ناڤا کەمپێ دە ئاکنجیبوونا وان د بن جار متر قماشێ چوار کۆشە ڤە ب ئالۆزترین کێشە دهێتە نیاسین
داخوازیا مە ژی وەکو خەلکێ کەمپا شاریا ژ BRH و هەر جهەکی بەرپرس ئەوا ب زوترین دەم د ڤی وەرزێ هاڤینێ دا کیشا کارەبێ چارەسەربکەن.

هەر لسەر هەمان بابەت رێڤەبەرێ کەمپا شاریە، هەکار تەناهی ژ بو ئێزدی ۲٤ گوت .

ئەم وەکو رێڤبەریا کەمپا شاریە ژ بو دورستەکرنا بارەدوخێ کەمپێ ب گشتی و کارەب ب تایبەتی گەلەک پێنگاڤێن گرنگ هاڤیتینە ژ وان ژی ب رێکا رێخراو PWJ بەشێ وێ یێ ئەلکتریکی دێ هیلا کارەبا کەمپا شاریە هێتە جوداکرن ژ هەموو وان هێلێن دی یێن کارەبی ب سەر کەمپا شاریە ڤە دا بشێن دەمژمێرێن زیدەتر یێن کارەبێ بدەنا کەمپا شاریە .

ئەڤا ئیک ژ گرنگترین پێنگاڤێن رێڤەبەریا کەمپێیە کو کار لسەر دهاتە کرن و یا ب دوماهی ژئ هاتی پشتی دەمەکی کێم دێ کەڤێتە بوارێ جیبجیکرنێ زیدەتر ژی گوت د نهو دا دمژمێر حەفتی شەڤێ هەتا دەمژمیر چار یی سبەهی و ب روژێ ژی ل دەمژمێر دوانزدا یی نیڤرو هەتا سیێ دێ هەبێت ئەڤ وەکو خشتەی کارەبێ ، ئەم دبینن پتریا خەلکێ کەمپێ داخواز دکەت کارەبا مولیدا بهیتە ل ناڤ کەمپێ دا دنهو دا چەندێن مولیدا ل ناڤ کەمپێ داینە لی هێشتا کار نەکرینە ئەو ژی ژبەر چەندێن کێشیە کار نەکن ژ ژوان ژئ کارەبا کەمپا شاریە یا جودایە ژ پتریا کەمپێن دیتر ئەوژی کارەبا کەمپا شاریە یا بن عەردا مە چ ستێن نینن خەلک بشێن کارەبی ژی بکێشن و ناڤ کەمپا شاریە ژی گەلەک یا تەنگە ئەڤ ژی ئارێشەیا ژ بو وێ ئیکێ هەتا نهو مولیدا کار نەکریە ئەم وەکو رێڤەبەریا کەمپێ مە داخواز ژ خودانێن مولیدا کریە یان هندەک ستینا بینن کو بشێب ئەوی کێبەلی هلبگرن یان وەکو سیستەمئ کەمپێ کارەبێ بن عەرد ببن ، و ئەگەر کارەبا مولیدا چێنەبێت ژی ئەم د وێ باوەریێ داینە کارەبا کەمپا شاریە باشترببێت ژ هەموو کەمپێن دیتر ئەوژی بەری چەند روژانا حکومەتێ بریار دابوو کارەبا پارێزگەها دهوکێ زێدا بکەن دەمێ کارەبا پارێزگەها دهوکێ زێدا ببێت بێ گومان دێ کارەبا کەمپا شاریە ژی زێدا بێت ژبەر کەمپا شاریە ژ روویێ جوگرافی ڤە نیزینکترین کەمپا ژ بو دهوکێ ئەڤ ژی دێ بێتە ئەگەر هندێ کو کارەبا کەمپا شاریە باش ببێت
د دوماهیە ئاخفتنە خودا گوت ئیک ژ پلانێن مە یێن دیتر وەکو رێڤەبەریا کەمپا شاریە ئەوا ل دوماهیا هەیڤا شەش هەموو خیڤەتێن ناڤ کەمپێ بگوهارن ژ بو خیڤەتێن نوو و ب کوالەتیەکا هەرا باش

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close