جیهانڕۆژهەلاتا ناڤینكوردستاننووچە

12 خێزانێن ئێزدی ژ کەمپا نەورۆز یا سووریێ ڤەگەریانە شنگال

13 خێزانێن دی بەری وان ژ هەمان کەمپێ ڤەگەریان

 

ئێزدی 24 – شنگــال

ئەڤرۆ، رۆژا ئینیێ 14.06.2019 شانەیا ڕاگەهاندنا ئەمنی ڤەگەریانا 12 خێزانێن ئێزدی ژ خیڤەتگەها نەورۆز یا سووری بۆ قەزا شنگالێ رۆژئاڤایی پارێزگەها نەینەوا ل باکوورێ عیراقێ ڕاگەهاند.

شانەیێ لبەلاڤوکا خوە دا یا کو ب دەست ئێزدی 24 کەتی گۆت،”دەستەیا ئەمنا نیشتیمانی سەرپەرشتیا ڤەگەریانا 12 خێزانێن ئێزدیا کو ژمارا تاکێن وان دگەهیتە 60 کەسی کر ژ خیڤەتگەها نەورۆز یا سووریێ بۆ دەڤەرێن ئاکنجبوونا خوە ل قەزا شنگالێ پشتی کو ژبەر داعشێ ڕەڤیایین ل سالا 2014″.

بەلاڤوکێ پتر گۆت،”وردبینی بۆ بەلگەنامەێێن وان یێن فەرمی هاتە کرن و پشت راستبوون لێ هاتە کرن ژلایێ ئەمنی ڤە ، دهێتە زانین کو بەریا 10 رۆژانە دەستەیێ سەرپەرشتیا ڤەگەریانا 70 کەسی ژ خیڤەتگەها ناڤ لێهاتی کر و پێتڤیێن وان دابینکرن و وەلاتیێن ڤەگەریایی دل خوەشیا ب ڤی کاری دانە دیارکرن، و سوپاسی ئاراستەی هێزێن مەیێن ئەمنی  کرن ژ بەر وێ زەحمەتا کو ل رزگارکرنا دەڤەرێ و پاقژکرنا وێ و هاریکاریکرنا وان دا کو جارەکا دی ڤەگەرن سەر مال و حالێن خوە”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close