راپورتنووچە

زۆرداریا کو دیتێ ب وێنەکێشانێ وەردگێریە ئازادیێ

ئارمانجا وێ ئەوە ب ریکا وێینە کێشانێ خەم و ئازارێن خوە ژبیر بکە

 

ئيزدي ٢٤ _ مەروان داود

هێرشا تیرورستیا رێکخراوا داعش بۆ سەر شنگال ژبلی کوشتن و گرتن و تالانکرنێ کارتێکرنەکا دەروونی یا مەزن ل ناخێ تاکێ ئێزدی دا هێلا و ب تایبەت یێن ژیێ وان بچووک وکارتێکرن دووجارکی بوو بۆ ئەوێن کەتینە دەستێن وان وەک ئێخسیر و رزگاربوویین.

“شەهلا سلو” کەچەکا ئێزدی یە تەمنێ وێ ۱٦ سالن، ل رۆژا ۳ ـێ تەباخا سالا ۲٠۱٤ ل ناحیە سنونێ کەفتبوو دەستێ رێکخراوا داعش پشتی سالەکێ و چەند هەیڤان ل ناڤ دەستێ داعش دا مای و گەلەک خەم و ئازار و نەخوەشی د ناڤ دەستێ داعش دا دیتن ل دوماهیا سالا ٢٠١٥ هاتە رزگارکرن و گەهشتە خێزانە خوە.

شەهلا نوهە ل کومەلگەها شاریە ئاکنجیە و ل پولا هەشتێ بنەرەتی دخوەندێ و ل گور گۆتنا مامۆستایێن وێ شەهلا ئیکە ژ قوتابێین هەرێن سەرکەفتی یە، ژبلی زیرەکیا وێ ل خواندنگەهێ شەهلا ل کەمپا شاریا دچە خولێن وێنە کێشانێ و وێنەیان دکێشێ ئەڤە بۆ ماوێ چەند روژانە دەست ب وێنە کێشانێ کریە.

شەهلا ژ بو “ئێزدی 24” ئاخڤی و گۆت “ئارمانجا من ژ کێشانا ڤان وێنەیان ئەوە ئەز خەم و نەخوەشی و ئازارێن خوە یێن کو من ل دەستێ داعشێدا دیتین ژبیر بکم و بئێخمە سەر لاپەرا وەرگێرم بۆ وێنەیان”.

پتر گۆت،”وێنەیێن من پتر ب ئاشتیێ و ئازادیێ و سروشتی ڤە دگرێداینە، ئەو نەهامەتیێن بسەرێ من و خەلکێ مەیێ ئێزدی داهاتین وە ل بیردانکا من کر کو پتر گرنگیێ ب ئازادیێ بدم ژبەر کو ئەڤە ب سەدێن سالان ئەم بن دەست و تەپەسەرن”.

ل دوماهیێ گۆت، ” ئەگەر پشتەڤانیا من بهێتە کرن دخوازم ل پاشەروژێ ببمە وێنەکێش و وێنەیێن خوە ل پێشەنگەهان نیشان خەلکەکی بدم دا کو بکاربم هندەک ژ وان نەخوەشێن ب سەرێ خەلکێ مەدا هاتین نیشان جیهانێ بدم یان وان تەبلوێن خوە بفرۆشم و ئەز بشێم هاریکاریا زاروکێن هەژار بکم”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close