گۆتار

پێکڤەژیانا پێکهاتەیان ل کوردستانێ

 

 سەربەست خالد

هەرێما کوردستانێ مینا وەلاتەکێ سەقامگیر و هێمن ، ئاشتی ، ئێکگرتنا پێکڤەژیانێ لسەر ئاستێ نیڤدەولەتی و دەرەکی تایبەت ل رۆژهەلاتا ناڤین هاتی یە ناساندن ، ناڤەندەکا ب هێزا برایەتی و پێکڤەژیانێ دناڤبەرا هەموو تەخ و پێکهاتەیێن کوردستانێ بوویە. کو د سەردەمێن جودا دا نەتەوە و ئاینێن دی ل جڤاکا کوردی دا ب برایەتی و ئێکبوونا ب هەڤرا ژیان بەردەوامی داینە ژیانێ. کوردستان پێشەنگ و پارێزەرێ سەنگەرێ بەرگری بوویە ل ماف و خواستێن هەموو پێکهاتەیان ژ رۆیێ هەرێمی ، ناڤەندی ، نیڤدەولەتی و هەلگرا پەیاما راستەراست و راستەقینەیەکا بێ جیاوازی یا تەڤ دەنگێ لایەن و پێکهاتەیێن ئولی و نەتەوەی بوویە ل جیهانێ ، لەورا ئەڤ چەندە بوویە زەمینە کو پێکهاتەیێن ئایینی و نەتەوەی بەردەوام خواستی نە هەمبێزا پێکڤەژیانێ ل کوردستانێ بکەن و لژێر سیبەر و سیمایێ جوانێ پێکڤەبوونەکا ب ئاشتی ، گیانێ هەڤ برایەتی و ئێک دوو قەبولکرنێ ، لژێر سەرکردایەتیا کوردستانێ ژیانەک باشتر و ژ هەژی ل هەرێمێ مسۆگەر بکەن و دەستڤەبێخن. ئەگەر ب وردی و هویری تەماشەی وێ چەندێ بکەین سەدەمێ پێکڤەژیانا ڤان ئالیان چی یە؟ ئەو چەند ئاشکەرا دبیت و بۆ وێ یەکێ ڤەدگەریت کو هەرێم و حکومەتا هەرێمێ تا رادەیەکێ باش ماف و داخوازیێن هەموو نەتەوە و ئولان بێ جیاوازیا مرۆڤی و نەتەوەی و ئایینی جێبەجێ کریە ، دیسان ئارامی و ئاڤەدانی ، پاراستنا ژین و ژیارا خەلکێ هەرێمێ بوویە سەدەمێ جهێ ڤەحەواندنا گشت ئەدیان و نەتەوەزانان ل کوردستانێ کو سیمایێ پێکڤەژیان ، ئاشتیا کومەلگەهێ و ناڤچەیێ ، دەڤەرێن ئایینێن دن لێ ئاکنجی پاراستنا وێ ب ئەرکێ سەرملێ خۆە دانایە. ئەگەر ئاماژە ب رۆل و پێگەهێ حکومەتا هەرێمێ بکەم، نەخاسمە بەرچاڤ رونیەکێ بکەین ل سالا ۲٠۱٤ێ دەمێ حکومەت توشی دژوارترین قەیرانا دارایێ بوی ، د شەرێ مان و نەمانێ دا دگەل مەزنترین رێکخراوا تیرۆرستی یا داعش ، هەڤدەم داگیرکرنا بەشەك ژ دەڤەرێن هەرێمێ ، ئەنجامدانا مەزنترین تاوان دژی خەلكێ شنگالێ و خوشک و برایێن ئێزدی ، ئاوارەبوونا بەشەکێ زۆر ژ خەلكێ وان ناڤچەیان ، بەلێ ئەگەر حکومەتەك بهێزا و ئێکبوون و پێکڤەژیانا ئالی و پێکهاتەیێن کوردستانێ نەبایە نهو کوردستان د رەوشەك نالەبار دابا و دقۆناغا نوکەیا بەر ب پێشکەفتن ، ئاڤەدانی نەدبوو.

پێشوازی و سەرەدەریەکا باش دگەل ئاوارەیان هات کرن ، هەمی پێدڤی و خزمەت گوزاری و جهێ حەواندنێ دابینکر بۆ خوشک و برایێن ئێزدی ، نفێسینگەهێن تایبەتمەند ب رزگارکرنا كچ و ژنێن دەستێ داعش دا هات ڤەکرن ژلایێ سەرۆك وەزیران ، دەرئەنجام زۆر بەیا هەرە زۆرا وان هاتنە رزگارکرن و کار ژ لایێ حکومەتا هەرێمێ دهێتەکرن بۆ ناساندنا جینوسایدا ئێزدیان ل جیهانێ و وێ تاوانا مەزنا دژی هەمی پیڤەر و پرەنسیپێن مرۆڤایەتیێ ل هەمبەری خوشک و برایێن ئێزدی هاتی یە کرن. ل ڤان داویان ڤەکرنا دێرەکێ بۆ ئەرمەنان کو بۆ جارا ئێکێ یە کەنیسەکا ئەرمەنان ل هەولێرا پایتەخت هاتی یە ڤەکرن ژلایێ حکومەتا هەرێمێ کو ب کوژمێ دوو ملیار دیناران بۆ تێچویێن وێ هاتبوو تەرخانکرن ، کو نهادا ۱۲٠هزار کریستیان ، ئەرمەن ، مەسیحی ب هەمی لایەنان ل کوردستانێ ئاکنجی نە، واتە ئەو یەکە ئاشکەرا دبیت ، کوردستان بوویە زەمینەیێ رەخساندنا ژیان و خۆش گوزەرانیا هەمی پێکهاتەیان و دانان بەرێ بناغەیێ پێکڤەژیانێ ل هەرێما کوردستانێ.

لەورا د کابینەیا بهێت یا حکومەتا هەرێمێ پێدڤی یە زێدەتر گرنگی و هەول بهێتەدان بۆ ئاڤەدانی پێشکێشکرنا خزمەتگوزاریان ب پێکهاتەیێن کوردستانێ ب تەڤ نەتەوە و ئاینان ، و پلەیا پێکڤەژیانەکا ب هەمبێزا ئاشتیێ بهێتە دانان دچارچووڤێ ب هەڤرا حەزژێکرن ، ڤیانا برایەتی و گیانێ لێبۆرینێ ، ئێکرێزیا کوردستانەکا بهێز دا. داواکارین بۆ پالپشتی و گرەنتیکرنا ماف داخوازیێن رەوایێن هەمی پێکهاتەیێن ئولی و نەتەوەی ، مەسیحی ، ئێزدی ، کلدانی ، ئەرمەنی. چونکە کوردستان هەردەم دێ ب نافەندەکا گرنگ و ئێکگرتی ، لێبورین ، تەبایێ و ئاشتی بۆ گشت ئایین و ئاشتی خوازا مینیت.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

دووماهی

Close
Back to top button
Close