راپورتنووچە

قوتابیێن شنگال یێن ئاوارە ل شاریا چایخانەیەکێ (کافیتریا) دکەنە هۆلەکە فێرکرنێ

هەموو دەرگەهـ ل بەر وان هاتنە گرتن لێ رژدبوون لسەر فێربوونێ

 

 

بەرهەڤکرن : شاكر خدر

ڕاپورت ژ بۆ خۆلا ڕاهێنانی یا ب سەرپەرشتیا “ئێزدی 24” و ب پشتەڤانیێ ژ IMS هاتیە بەرهەڤکرن

کۆمەکا قوتابیێن پۆلا شەشێ زانستی ل شنگال یێن کو ئاوارەیی شاریا بوویین چایخانەیەکێ(کافیتریا) دگوهورنە بۆ جهەکی بۆ خۆلێن بهێزکرنێ دا ل همبەر وان ئاستەنگا راوەستن ئەوێن ل پۆلا شەشێ ئامادەیی تایێ زانستی تێنە پێشیا وان و یێن کو چارەنڤیسا وان دەسنیشاندکە ل پاشەرۆژێدا و تێدا بابەتێ کیمیا دخوینن.

ژ بەر کو جهەک ل قوتابخانەیێن کۆمەلگەهێ ب دەست وان نەکەت و پشتی داخوازکرین کو قوتابخانەیەک ژێرا بێتە ڤەکرن داکو خۆلێ تێدا ببن لێ گەلەک رێڤەبەرێن قوتابخانەیا ل کومەلگەها شاریا و کەمپا وێ لسەر داخوازا وان رازی نەبوون لێ ئەوان رژدی و هەڤبرکی لسەر فێرکرنێ هەلبژارد و رابوون ب گوهورینا چایخانەیا پاریس بۆ هۆلەکا خواندنێ.

دەمێ کو مرۆڤ چاڤ ل قوتابیێن ڤێ خۆلێ دکەڤیت مرۆڤ هەست ب گیانێ حەز و شیان و خوشەویستیێ بۆ خواندنێ دکە ئەوان ئەڤ جهێ ب قومارێ و دۆکێل کێشانێ و ڤەکرنا ئینتەرنێتی و ژ دەست دانا ڤی دەمێ گەلەک ب قیمەت ناسیار هەلبژارد دا کو بکەنە جهەکی رێک خۆشکەر دا ببنە گوڵ ل بوستانێ شنگال دا و خواندنا خوە تەمام کن دا دەست هەبن ل ڤەگەریانا ژیانێ بۆ شنگال و ئاڤاکرنا وێ و هاریکاریکرنا خەلکێ خوە.

ئەڤ خۆلە ژ لایێ قوتابی تارق ڕەشۆ یێ کو تێکرایێ 95.55 ل پۆلا شەشێ زانستی بدەست خۆڤە ئینایی و نهۆ قوتابی یە ل کولیژا دەرمانسازی قۆناغا دووێ ل یونڤێرستیا مووسل دهێتە گۆتن و کەیف خۆشیا خوە ب گۆتنا ڤێ خولێ بۆ ڤان قوتابیان دەربری.

“تارق ڕەشۆ” ژ “ئێزدی 24” را ئاخڤی و گۆت “قوتابیێن مە چ ژ مەقوماتێن سەرکەفتنێ نینن ژ بلی شیانێن راستەقینە یێن کو هەین وان هەردەم هانددە دا کو بگەهنە ئارمانجێن کو حەز دکن ل ژیانا خوە دا بگەهنێ”.

(قوتابیێن مە چ ژ مەقوماتێن سەرکەفتنێ نینن ژ بلی شیانێن راستەقینە یێن کو هەین وان هەردەم هانددە دا کو بگەهنە ئارمانجا)

پتر گۆت، ” گومان نینە کو روودانا جەنگا و کارەساتا و قەیرانا یێن کو وەدکن کو پرۆسەیا خواندنێ بهەرفێ ژ بەر هندەک ئەگەرێن گرێدای وان قەیرانێن سیاسی یان ئابووری یان یێن وەکی وان ، ئەڤجا ل ڤان بارودۆخێن ب زەحمەت دا یێن کو ئەم تێرا دەرباس دبن و تووش دبنێ ژ وان ژی کێمیا دەستەیێن فێرکرنێ و نەبوونا پەرتووکا و پێتڤیێن فێرکرنێ ژ ئاڤاهی و کورسیا یێن کو کاریگەریەکا نێگەتیڤ لسەر پرۆسەیا خواندنێ هەیە لێ حەز و رژدیا راستەقینە یا لدەڤ قوتابێن مە وە بویە کو ب بەروڤاژی گونجا دبیت دگەل وان بارودۆخێن بزەحمەت و حەز و رژدیا وان لسەر گرتنا قەلەمێ و پێشدە چوونێ بەرەڤ زانستێ و زانینێ زێدە دکەت بۆ بەرزکرنا ئاستێ زانستی لدەڤ قوتابیێن شنگال و پالدانا عەرەبا زانست بەرب پێش دا کو ناڤێ شنگال بلند بمینێ”.

(حەز و رژدیا راستەقینە یا لدەڤ قوتابێن مە وە بویە کو ب بەروڤاژی گونجا دبیت دگەل وان بارودۆخێن بزەحمەت و حەز و رژدیا وان زێدە دکە لسەر گرتنا قەلەمێ)

بەردەوام بوو ، ” گروپەکێ ژ قوتابیێن پۆلا شەشێ ئامادەیی/زیندەوەرزانی خۆلێن هاڤینێ یان ژی خۆلێن بهێزکرنێ دبن ل کافتیریایەکێ ژ یێن کومەلگەها شاریا پشتی کو کافتیریا و مامۆستا ژ جەم خۆ ب کرێ گرتین و یا جهێ مخابنیێ ئەوە کو ئەڤان قوتابیا دەرگەهێ هەموو قوتابخانا و ئۆفیسێن ڕەوشەنبیری ل شاریا قوتا دا کو جهەک بدەست بکەڤێ خۆلا خۆ تێدا ببن لێ کەس ژێ لێ نەبووە خودان ژبەر هندێ ئەم داخوازێ ژ رێڤەبەرێن ئۆفیس و قوتابخانەیان دکم کو دهاریکار بن دگەل قوتابیان و پشتەڤانیا ڤێ تیخا گرنگ یا کو پاشەرۆژا ئێزدیان لسەر ملێ خوە هلدگرێ بکن”.

دەرگەهێ هەموو قوتابخانا و ئۆفیسێن ڕەوشەنبیری ل شاریا قوتا دا کو جهەک بدەست بکەڤێ خۆلا خۆ تێدا ببن لێ کەس ژێ لێ نەبووە خودان و ب ڤی گیانێ خوشەویشتی یێ خواندنێ و زانستێ و خەباتێ و مرۆڤایەتیێ ئەم کارن بێژن کو گەلێ ئێزدی شیان هەیە کو ئەڤێ زەحمەتێ هلگرێ و ئەو بەرەڤ ڕابوونەکا شارستانی و زانستی دچە.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close