ئاوارە و ئاریشێن جڤاکی

سەعدون حسێن

یا خوەیایە پشتی ھاتنا رێکخراوا تیرۆرستیا داعش و ئاوارە بوونا خەلکێ مە و ئاکنجیبوونا وان دناڤا کەمپاندا رێژەیا ئاریشێن جڤاکی ل سەرانسەری کەمپان گەلەک یا زۆرە رۆژانە مە گۆھـ ل ڤان ئاریشێن جڤاکی دبیت گەلەک جارا ئەڤ ئاریشە دبنە ئەگەرێ ترسێ دناڤ جڤاکا مەدا.

ژ وان ئاریشەیان ژی ئاریشێن دەروونی کو ب رێژەیەکا ئێکجار یا زۆر دناڤا کەمپاندا بەلاڤ بوویە و ئەڤە بوویە ئاریشەکە بەربەلاڤ ل ناڤ کەمپاندا ئەو ژی ژبەر چەند ئەگەران ھندەک ژ وانا ژ ئەگەرێ ژ دەست دانا کەس و کارێن خوە ل رۆژا 3-8-2014 ئەڤە بۆ ماوەیێ 5 سالا د حالەتەکی دەروونی یێ خراب دا دژین و ھندەکێن دی بێزار بوونا وان دناڤا کەمپاندا و نە بوونا کاری رێژەیا نەخوەشیێن دەروونی گەلەک یا زۆرە و پتریا خەلکێ ناڤ کەمپاندا باوەریا خوە ژ دەست داینە و ب دەھان حالەتێن خوە کوشتنێ رووداینە و رێکخراوێن مافێ مرۆڤی ژی وەکو پێدڤی رۆلێ خوە نە ئیناینە بۆ چارەسەرکرنا ڤێ ئاریشێ.

ھەروەسا مەترسیەکە مەزن یا ل سەر پاشەرۆژا گەنجێن مە ل ناڤا کەمپاندا ب شێوەیەکی گشتی پتریا دەمێ خوە دناڤا چایخانا و کافیان دا دبۆرینن ئەڤ چەندە دبتە ئەگەرێ فێربوونا وان بۆ کێشانا نەرگیلێ و جگارێ کو هەردووان ژی کارتێکرنەکا مەزن ل سەر سەخلەمیا وان یا کری و پاشەرۆژا وان بەرەڤ نە دیارڤە دبیت.

ھەروەسا ئێک ژ ئاریشێن دی تر یێن هەرا مەترسیدار ل ناڤ جڤاکا مە دا ئەوە کو رێژەیەکە زۆرا دجڤاکێ مەدا ژیانا ھەڤژینێ د تەمەنەکی پچووک دا پێکدئینن بێ کو ھزر ل داھاتێ خوە بکەین کو پتریا ئەوێن ژیانا ھەڤژینیێ پیکدئینن تەمەنێ وان کێمترە ژ یێ یاسایێ رێپێدای کو ئەو ژی 18 سالن و ئەڤ جۆرە ھەڤژینی زۆر جار دبتە ئەگەرێ زێدەبوونا حالەتێن ژێکڤەبوونێ ژبەر نەگونجاندنا ژیێ وان بۆ ھەڤژینیێ و نەزانینا چاوانیا برێڤەبرنا سیستەمێ خێزانی لەورا پتریا جاران ئەڤ جۆرە ھەڤژینی ب سەر ناکەڤیت.

ھەروەسا ئێک ژ ئاریشێن دی دناڤ جڤاکا مەدا، خەلەت بکارئینانا تۆرێن جڤاکی و نە رەوشنبیری یا وان د تۆرێن جڤاکی دا بوویە ئەگەرێ ھندێ ھەر کەسێ کەرب ژ یێ دی ڤەبن ل دووڤ دلێ خوە ئاخفتنێن کرێت و نەخوەش دبێژنێ و وێنێت وی بەلاڤ دکەت و سوکەیاتیێ ب رەوشتێ یێ دی دکەت و ئەڤ چەندە ژی بوویە ئەگەرێ ھندێ کو کەسێن خراب و دوو روو ل ناڤ جڤاکا مەدا زۆر ببن و گەلەک جارا ئاریشێن مەزن ل دووڤ خوە ھێلاینە.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close