گۆتار

عیراقەکا دۆزەخى

دێژین سدقى

هەردەما بەحس ل پێک هاتەیێن عیراقێ دهێتە کرن کۆمەکا بن پێکرنێن مافێن وان یێن دەستورى و یاسایى دهێتە پێش چاڤین مرۆڤى و ژ پێک هاتەیێن وێ یێن سەرەکى کریستیان , ئێزدى , سابیئى و کلدان دگەل پێک هاتەیێن دیتر یێن بچیکتر ..بەلێ چ پێک هاتە؟ ئێک ژوان پێک هاتان بدلەکێ خوش و تەنا لسەر ئەڤێ ئاخێ یاکو دبێژنێ عیراق نەژیایە, و چەند وێڤەترە زێدەتر دکەڤنە بەر پێلێن تێکدان و ژنافبرنا مافێن وان ,پێک هاتەیێن عیراقێ هەردەم د حالەتەکێ ترس و دوو دلیێ دا دژین ژ ئاسایش و داهاتێ چارەنڤیسێ خۆ.
عیراق ژ کورتکرنا ناڤێ (عرق)هاتیە ئانکو لێکدان و پێکڤە ژیانا گەلەک پێک هاتان بەلێ بەرۆڤاژى ناڤێ خو کاردکەت نە ژیان و نە پێکڤە! بەلکى تێکدان و مرن لسەر ئاخەکا بهەڤرا, بداخڤە ئەف عیراقە بوویە پەلەکا ئاگرى یا گەرم و دژوار بۆ هەمى خەلکێ وێ و پێک هاتەیێن وێ بتایبەتى و هێشتا خرابتر بۆ پێک هاتەیێن بچیکتر ژبەرکو پاراستن یان بن پێکرنا مافێن پێک هاتەیێن د وڵاتەکیدا دژین ب کەمە نەتەوە و ئاینێن خۆڤە لرێزا ئێکێ دکەڤیتە دستویێ پێک هاتەیێ سەرەکى یین وى وڵاتى .
دگەل وێ چەندێ کۆ هەمى جارنامە و راگەهاندن و رێسایێن جیهانى داکۆکیێ لسەر پاراستنا مافێن پێک هاتەیان دکەن وب ئەرکێ سەرەکى یێ هەمى مرۆڤ و وڵاتان دزانن کۆ بهیچ رەنگەکى مافێن وان نەهێنە بن پێکرن بەلێ چ ؟هەردەم و بەردەوام ئەف مافە یێ بن پێ دبن و کەس خۆ بخەتابار نزانیت و کەس خو ل دووبارە نەبوونا وان دەستدرێژییا ناکەتە خودان.
عیراق لشوینا ببیتە عیراقەکا دیموکراسى و فیدرالى یا بوویە عیراقەکا دۆزەخى, پێک هاتەیێن سەرەکى یی گورێ پێک هاتەیین بچیکتر دکۆلن و د رواڵەتدا خو بخەمخورێ وان و مافێن وان ددەنە نیاسین و لدوماهیێ کەس نزانیت کى ژێدەرێ بن پێکرنا مافێن پێک هاتەیێن عیراقێ یە.

زۆربەیا پێک هاتەیێن عیراقێ د کەڤنە ناف ئاخا دەڤەرێن گرێداى ماددێ ١٤٠ یا کو دبێژنێ دەڤەرێن ناکۆکى لسەر یان ڤەقەتیاى ژ هەرێما کوردستانێ یاکو دبیتە پەناگەهەک ئارامتر بۆ ئەڤان پێک هاتەیان بەلێ ئەڤی چەندێ ژى بباشى خزمەتا وان پێک هاتەیان نەکریە ژبەر هەڵاویستنا وان دنافبەرا هەردوو حکومەتاندا حکومەتا ناڤەندى و حکومەتا هەرێمى کو گەلەک جاران ئێک بۆ ئێکى خزمەتکرنا وان دهێلیت و بئەرکێ لایەنى بەرامبەر دزانیت .

 

کەواتە ژبەرکۆ زۆرینەیا ئەڤان پێک هاتان دکەڤنە سنورێ مادێ ١٤٠ و زۆرینەیا ئەڤان پێک هاتان حکومەتا هەرێمێ باشتر دبینن و هەرێما کوردستانێ ب پەناگەهەکا ئارامتر دزانن یا فەرە د حکومەتا نوى یا هەرێما کوردستانێ دا ئاسایشا ئەڤان پێک هاتان زێدەتر بهێتە پاراستن و ژیانەکا ژ هەژى پێ بهێتە دان و ب مافێن خو شاد بن

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close