نووچە

پەرتووکا (بەری ڕۆژ ب داوی بهێت) دێ هێتە ئیمزاکرن و بەلاڤکرن

 

ئێزدی 24 _ لەیت حسێن

پەرتووکەک ل ژێر ناڤ ونیشانێن (بەری ڕۆژ ب داوی بهێت) کو چەند بابەتێن سیاسی و رەوشەنبیری و ئۆلی و جڤاکی لدۆر ئێزدیان و ئێزدیاتیێ بخوەڤە دگریت دێ ل نێزیک هێتە ئیمزاکرن و بەلاڤکرن.

جەگەر حەیدەر سێڤۆ ناڤدار ب جەگەر خون نڤیسەرەکێ ئێزدی یە، ژ دایکبوویێ سالا 1982ێ یە و خەلکێ ناحیە باعەدرێ یە یا سەر ب قەزا شێخان ڤە، پشتی سالا 2005ێ دەست ب نڤیسینا گۆتار و بابەتێن هەمەرەنگ بۆ رۆژنامە و گۆڤاران کریە و بەری چەند رۆژانە پەرتووکەک دروستکریە و ل نێزیک دێ هیتە بەلاڤکرن کو ئەڤە یەکەم بەرهەمێ وی یە و ل داهاتی ژی دا دێ چەند بەرهەمێن دی ژی هەبن.

ناڤبری ل دیدارەکێ دا ژ ئێزدی 24 را دیارکر، ل سالا 2005ێ من دەست ب نڤیسینا گۆتاران کریە و هەر ژ وی دەمی دا لسەر نڤیسینێن هەمەرەنگ یێ بەردەوامم.

جەگەر خون گۆتژی، “بەری چەند رۆژان من پەرتووکەک بناڤ و نیشانێن (بەری ڕۆژ ب داوی بهێت) دروستکریە کو ئەڤە یەکەم بەرهەمێ منە و ل نێزیک دێ ل بنگەهێ لالش تایێ باعەدرێ هێتە ئمیزاکرن”.

ئاشکەرا ژی کر، ئەڤ پەرتووکە یا 100 لاپەری یە و ل نڤیسینگەها گازی ل دهوکێ هاتیە چاپکرن و دێ سێ جاران هێتە کۆپی کرن هەر جارەکێ ژی لسەر 100 دانی.

دا زانین ژی، ئەڤ پەرتووکە هژمارەکا گۆتار و بابەتێن گرێدای ئێزیاتیێ بخوەڤە دگریت و ئێش و ئازارێن ئاوارەیێن ئێزدی دناڤ کەمپان ژی دا تێدە دیاردبن و ب شێوەیەکی گشتی گۆتارێن سیاسی و رەوشەنبیری و ئۆلی و جڤاکی یێن ب ئێزدیان و دەڤەرێن وان ڤە گرێدای دڤێ پەرتوکێ داینە.

ل دیدارا خوە دا ژ ئێزدی 24 را دا خوەیاکرن ژی ” بەری ڤێ پەرتووکێ ژی وی نڤیسینا پەرتووکەکێ ب دوماهی ئانی بوو کو سەبارەت وێ یەکێ بوو کو “چاوا تاکێ ئێزدی لێدوانێ ژ دەزگەهێن راگەهاندنێ را بدە” لێ ژبەر نەبوونا پشتەڤانیێ وی نکاریە وێ پەرتووکێ چاپ بکەت لێ ل داهاتی دا دێ کار لسەر چاپکرنا وێ ژی کەت و دێ چەند بەرهەمێن دی ژی هەبن.

ل داویێ ژی گۆت، مخابن ئەڤ هەموو مەزاختن و داهاتە بۆ سەنتەر و ناڤەندێن رەوشەنبیری دهێنە کرن لێ ب راستی ژی وەک پێدڤی خزمەت و پشتەڤانیا رەوشەنبیرێن دەڤەرێ ناکەن، لەورا داخوازێ ژ جهێن رەوشەنبیر دکەم کو پتر پشتەڤانیا رەوشەنبیران بکەن ژبەرکو هندەک گەنج شیانێن مەزن یێت هەبن بەلێ ژبەر نەبوونا پشتەڤانیێ نکارن بەرهەمێن خوە بەلاڤ بکەن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close