نووچە

بۆ جارا یەکێ ل مێژوویا خوە دا، ئێزدیێ شنگالێ دێ کاربیت ببەتە خودانێ ئەردێ خوە یێ کو د بنیات دا ژ مافێ وی یە

 

ئێزیدی 24 _ خەلیل پوکۆ

“داود جندی” ئەندامێ جڤاتا پارێزگەها نەینەوا ل دیدارەکێ دا ژ ئێزدی 24 را دوپات کر: کو ” ل یەک شەمبیا بۆری 30.06.2019، خودانیا ئەردێن ئاکنجیبوونێ ل کۆمەلگەهێن ئاکنجیبوونێ ل قەزا شنگالێ هاتە گۆتوبێژکرن، ئەو ژی ب هادربوونا نوونەرێ گشتی یێ جڤاتا وەزیران و نوونەرێ UN-HABITAT و ب هادربوونا جیهاتێن بجهئینانێ – بۆ پێشکێشکرنا وێ بۆ جڤاتا وەزیران ل ڤێ هەفتیێ دا”.

“جندی” زێدەتر گۆت، کو پرۆژە ژ پرۆژێن کەڤنە یێن کو ب ئەگەرا چەند ئاستەنگیان هاتینە سەکناندن ژ وان ژی، خەرجێن وەزارەتان و چەند ئەگەرێن دی، لێ پشتی سالا 2014ێ گرنگی ب کەیسا ئێزدیان هاتە کرن و حوکمێن باشێن ئێزدیان کرن، و تا وی ئاستی نێرینا بەغدا لدۆر دەڤەرێ هاتە گوهۆرێن دا کو پتر گرنگیێ پێ بدەن، و لسەر وی ئاستی هندەک تەوەر ژئالیێ هندەک ئالیان ڤە هاتنە گۆتوبێژکرن، و ژئالیێ مەڤە وەکو ئەندامێن جڤاتا پارێزگەهێ ژی، مە کار ب شێوەیەکی باش لسەر کر و مە هندەک پێزانین لسەر کۆمڤەکرن ؛ ئەو ژی ب هاریکاریا هندەک دەزگەھـ و رێکخراوان و ژ وان ژی، “رێکخراوا UN”، و بۆ ماوێ سالەکێ ب تەمامی کار لسەر ڤی پرۆژەی هاتە کرن، کو گەهشتە وی ئاستی کو ئەڤ پرۆژە ببتە بریار و بۆ سەرۆکاتیا گشتی یا وەزیران بهێتە پێشکێشکرن”.

 

“جندی” ئاماژەکر، کو گرنگیەکا مەزن ژئالیێ سەرۆکاتیا جڤاتێ ڤە ب ڤی بابەتی دهێتە کرن، هەروەسا سێ رۆژان لپەی هەڤ دەقێ ڤێ یاسایێ هاتە گۆتوبێژکرن، و ل ڤێ هەفتیێ دا دێ ژئالیێ وەزارەتا داد ڤە هێتە پێشکێشکرن و دێ ل روونشتنا جڤاتا وەزیران دا هێتە گۆتوبێژکرن، لێ ب دروستی نزانن کا ل کیژ روونشتنێ دا، هەروەسا دکتۆر “محمد ئەلتمێمی” دێ لسەر کارکەت و دێ یاسایێن گرنگێن گرێدای ڤی بابەتی هێنە دەرکرن، و دەما کو دهێتە دەرکرن دێ ئەو کۆمەلگەهێن یێن کو خەلکێ وێ بخورتی ل سالا 1975 ،ژێ هاتینە دەرکرن ببەر کەڤن، و ئەو کۆمەلگەهێن کو هاتینە چێکرن و یێن کو سنوورێ وان ژئالیێ باژێرڤانیێ ڤە هاتینە نیشانکرن.

گرنگیەکا مەزن ژئالیێ سەرۆکاتیا جڤاتێ ڤە ب ڤی بابەتی دهێتە کرن، هەروەسا سێ رۆژان لپەی هەڤ دەقێ ڤێ یاسایێ هاتە گۆتوبێژکرن، و ل ڤێ هەفتیێ دا دێ ژئالیێ وەزارەتا داد ڤە هێتە پێشکێشکرن و دێ ل روونشتنا جڤاتا وەزیران دا هێتە گۆتوبێژکرن، لێ ب دروستی نزانن کا ل کیژ روونشتنێ دا

“جندی” ئاخفتنا خوە ب دوماهی ئانی، کو ” ئاریشا دی ئەوە گوندێن باکوور کو گوندێن بچووک بوون و ژ وان ژی، “گۆهبەل و زۆراڤا”، کو هژمارەکا گوندان ل ڤان کۆمەلگەهان دا هەبوون و ببەر ڤێ بریارێ نە کەفتن، لەورا دێ لسەر دەقێ یاسایێ کارکەن، پاشی دێ ئەڤ گوندە کەڤنە د یاسایێ دا، لەورا پشتی رێکئێخستنا کاران و بەری دەستپێبکەت دێ رێکان بۆ دانن، ژبەر هندەک خێزانان مالێن 100م٢ هەبوون و هندەک ژ وان 1000م٢ لەورا دێ لسەر وێ یەکێ کارکن کو هەر یەک مافێ وی پێ بهێتە دان.

ئاریشا دی ئەوە گوندێن باکوور کو گوندێن بچووک بوون و ژ وان ژی، “گۆهبەل و زۆراڤا”، کو هژمارەکا گوندان ل ڤان کۆمەلگەهان دا هەبوون و ببەر ڤێ بریارێ نە کەفتن، لەورا دێ لسەر دەقێ یاسایێ کارکەن، پاشی دێ ئەڤ گوندە کەڤنە د یاسایێ دا

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close