نووچە

گەنجەکی ئێزدی ژ وەلاتێ سوریا هاتە رزگارکرن

[follow id=”Ezidi24 ” count=”true” ]

ئێزیدی 24 _ باسم قاسم

ژ بەردەوامیا رزگارکرنا رەڤاندیێن ئێزدی ژ وەلاتێ سوریا و ب تایبەت ژ ناڤ کەمپا هۆلێ و پشتی داوی هاتنا رێکخراوا تیرۆرستیا داعش و رزگارکرنا رەڤاندیێن ئێزدی ژ دەستێ رێکخراوا ناڤبری، ئیرۆ رێکەفتی 19-7-2019 گەنجەکی ئێزدی بناڤێ “داود جردۆ خەلەف” ژ باژارێ باغۆزێ ل وەلاتێ سوریا هاتە رزگارکرن.

” ئیبراهیم جردۆ” برایێ وی گەنجێ هاتیە رزگارکرن ب تایبەت ژ “ئێزیدی 24” دا دیاکرن ، ل 3ی تەباخا سالا 2014ێ ب هێرشا رێکخراوا تیرۆرستیا داعشێ بۆ سەر ئاخا شنگالێ و دگەل رەڤاندنا پتر ژ شەش هەزار کەسی ئێزدی ل ئەوی دەمی برایێ من کو ژ دایکبوویێ سالا “2001”ێ بوو ل گوندێ وەردیێ ل باشووری چیایێ شنگالێ ئەو ژی کەفتە بەر وێ رەڤاندنێ ژ ئالیێ وان تیرۆرستان ڤە.

پتر گۆت: ئەڤە بۆ دەمێ چەندێ یە ئەم چاڤ ل رزگارکرنا وی بوون و ب هەمی رێکا ئەم هەولدان ئەم رێیەکێ ببینم هاتە کو ئەم کاربن وی رزگاربکەن و سوپاس بۆ خودێ ئیرۆ ئەو هاتە رزگارکرن.

ل داویێ ژی گۆت، ل ئەوی دەمی داود هاتیە رەڤاندن تەمەنێ وی “13” سال بوون و ئەڤرۆ خەبەرێ رزگارکرنا وی هاتە بەلاڤکرن کە ئەو هاتیە رزگارکرن و دگەل پەیوەندیا مە دگەل وی نهوە ئەو یێ ل باژارێ حەسەکێ یە ل سوریا و سبەهی ئەو دێ هێتە رەوانەکرن بۆ مالا ئێزدیان ل حەسەکێ و ئەم وەکو کەسوکارێن وی دێ پێشوازیا وی کەن.

 

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button