نووچە

خێزانەکا ئێزدی کوشتنا دوو کچێن خوە ژ باغۆزێ راگەهاند

ئێزدی۲٤ـ باسم قاسم

ژ دەما ئەڤە بەری شەش هەیڤان و ب لێدانا رێکخراوا تیرۆرستیا داعشێ ژ ئالیێ هێزێن سووریایێ و فرۆکێن هەڤپەیمان ڤە ل باژێرێ باغۆزا سووریایێ تیرۆرستێن داعشێ دناڤ وی باژێرێ دە خەلکەکی زەهڤ کۆم کربوون و تایبەتی ژی ئەو کچ و ژن و زارۆیێن ئێزدی کە وان تیرۆرستان د وێرێ دەستەسەرکربوون لێ د ئەوی دەمی دە و ب تایبەتی ژی ژ ئالیێ فرۆکەیان ڤە و ئارمانجکرنا تیرۆرستێن داعشێ دناڤ وی باژێرێ دە کە رەڤاندێن ئێزدی ژی دبوونە قوربانیێن وان فرۆکەیان و هەتا نوهە چەند خێزانان کوشتنا کەسێن خوە ژناڤە وی باژێری راگەهاندیا

دەربارەی ڤێ چەندێ سەرۆكێ خێزانەکێ ژ وان قوربانیا بناڤێ “سەرحان خەلەف” ژ “ئێزدی۲٤” رە دیار کر ، ب هێرشا رێکخراوا تیرۆرستیا داعشێ بسەر دەڤەرا شنگالێ دە ل 3ی تەباخا سالا 2014ێ و ل ئەوی دەمی کۆمکوژی ل دەرهەقێ مللەتێ ئێزدی دە هاتە ئەنجامدان و بتر ژ شەش هەزار ئێزدیان ل وی دەمی هاتنە رەڤاندن ژ ئالیێ وان تیرۆرستان ڤە ژ وان کچ و ژنان ژی ژمارەکا خێزانا مە ژی ژ دەڤەرا
“کۆرا عەڤدۆ”هاتبوونا رەڤاندن و بەرەف باژێرێ باغۆزا سووریایێ ڤە هاتبوونا رەوانەکرن.

بترگۆت ، ب رزگاربوونا ژمارەکا کچ و ژن وزارۆکێن ئێزدی ژ سووریایێ دناڤ وان کاروانێن تیرۆرستێن داعشێ دە و تایبەتی ژی ژ کەمپا هۆلێ بێ گومان ئەم وەکو کەس و کارێن رەڤاندیان پرسا ئەوان گرتیێن خوە ژ وانێن کو دهێنە رزگارکرن دکەن هەتا کو ئەم تشتەکی ژ وان بزانبن لێ خەبەرێ کوشتنا دوو کچێن برایێ من یێن تەمەنێ وان نێزیکی “20” سالان هاتە بهیستن ژ ئالیێ وان رزگاربوویان ڤە.

ل داویێ گۆت،ئەڤ هەردوو کچێن برایێ من ژی بناڤێ “حەیات فەرحان خەلەف” و “مارین فەرحان خەلەف” وەکو چەند کچ و ژنێن ئێزدی ل باژێرێ باغۆزێ ژ ئەنجامێ لێدانا فرۆکەیان ئەو هاتبوون کوشتن لەوران مەژی خوەست خێر وخێراتێن وان چێبکەن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close