بیرەوەریا پێنجێ یا کۆمکوژیا ئێزدیان ل باعەدرێ هاتە ساخکرن

ئێزیدی 24 _ لەیت حسێن

ب هادربوونا هژمارەکا زۆر ژ دام و دەزگەهێن حکومی و تەخ و پێکهاتن جودا جودا ژ رەوشەنبیر و گەنج و ئافرەت و ئاوارێن شنگال، بیرەوەریا پێنجێ یا کۆمکوژیا ئێزدیان ب ڤەکرنا پێشانگەهەکا وێنەیێن دەربڕین ژ دەردەسەریا ئێزدیان دکرن و سیمینارەکی لدۆر داویی بزاڤێن دهێنە هاڤێتن پێخەمەت ناساندنا جینۆسایدا ئێزدیان، ژئالیێ بنگەهێ لالش تایێ باعەدرێ ڤە ل ناحیە باعەدرێ هاتە ساخکرن.

خەلات باعەدری بەرپرسێ بنگەهێ لالش تایێ باعەدرێ ژ ئێزیدی 24 را گۆت، ژ پێخەمەت ئاگەهداربوون ل سەر داویی بزاڤێن دهێنە هاڤێتن پێخەمەت ناساندنا جینۆسایدا ئێزدیان، بنگەهێ لالش تایێ باعەدرێ رابوو ب ڕێ و رسمێن بیرئانینا پێنچ سالان ل سەر دڕندەترین تاوانێن دەرهەقێ مرۆڤایەتێ د دیرۆکێ دا ب رێکا بەرهەڤکرنا سمینارەکێ بۆ بەڕێز(حسین قاسم حسون) پەیڤدارێ فەرمی یێ لیژنەیا بلندا حکومی ژبۆ ناساندنا جینۆسایدا ئێزدیان ل هۆلا باعەدرێ یا بیرەوەریا، د سمینارێ دا ڕێزداری بەحس ل میکانیزم و کۆسب و پێنگاڤێن ناساندنا ڤێ کەیسێ کر، سەرەڕای بەحسکرنا چەندین زانیاری و رۆنکرنێن جودا کو د دوور بوون ژ جادەیا ئێزدیان.

خوەیاکر ژی، د برگەیەکا دیترا ڤێ چالاکیێ پێشانگەهەکا وێنەیێن فۆتۆگرافی یێ میدیاکار لقمان سلێمان ژئالیێ بنگەهێ مە ڤە هاتە نمایشکرن کو دەربڕین ژ رۆژێن سەخت و دژوارێن کۆمکوژیێ دکر.

ل داویێ گۆتژی، ئەم جڤاکا نیڤ دەولەتی و جهێن کاربدەست شەرمەزار دکن ژبەر کو هەتا نهوە ب رێژەیا 5% وەک پێویست خزمەتا ئێزدیان وەک قوربانیدانا وان نەهاتیە کرن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close