نووچە

رۆژا کۆمکوژیا ئێزدیان ل دهۆکێ هاتە ساخکرن

ئێزدی۲٤ـ باسم قاسم

ئەڤرۆ رێکەفتی 4/8/2019 سالڤەگەرا پێنچێ یا رۆژا کۆمکوژیا ئێزدیان ل پارێزگه‌ها دهۆكێ د رێوره‌سمه‌كا مه‌زن دا هات ل بیرئینان كو دوهی ژبه‌ر روونشتنا په‌رله‌مانی یا دیاركرنا رۆژا جینۆسایدێ هاتبوو پاشئێخستن.


ئه‌ڤرۆ ل ژێر دوریشمێ (شنگال ژ جینۆسایدێ به‌ر ب ئاڤه‌دانی و ژیانێ) رێوره‌سما سالڤه‌گه‌را پێنچێ یا رۆژا کۆمکوژیا ئێزدیان ب ئاماده‌بوونا سه‌رۆكێ هه‌رێما كوردستانێ و سه‌رۆك وه‌زیرێن هه‌رێمێ و هه‌روه‌ها هه‌ژماره‌كا دیار یا سه‌ركرده‌ و به‌رپرسێن هه‌رێمێ و ئیراقێ و نوونه‌رێن نه‌ته‌وه‌یێن ئێكگرتی، هه‌روه‌ها پێكهاته‌یێن جودا هات كرن.
د رێوره‌سمێ دا گۆتارێن پارێزگه‌ها دهۆكێ، وه‌زاره‌تا شه‌هید و ئه‌نفالكرییان، هه‌روه‌ها نه‌ته‌وه‌یێن ئێكگرتی و میرێ ئێزدییان هاتن خواندن.


هه‌روه‌ها نێچیرڤان بارزانی سه‌رۆكێ هه‌رێما كوردستانێ گۆتاره‌ك خواند و تێدا داخواز ژ جڤاكا نێڤده‌وله‌تی كر كۆمكوژییا ئێزدییان ب جینۆساید ب ناسینیت گۆت ژی: دێ هه‌موو بزاڤان كه‌ین شنگال ببێته‌ پارێزگه‌هـ و ئێزدی بهێن قه‌ره‌بوو كرن.
سه‌رۆكێ هه‌رێما كوردستانێ سوپاسییا خه‌لكێ پارێزگه‌ها دهۆكێ ژی كر كو د رۆژێن دژوار دا، ده‌رگه‌هێن مالێن خوه‌ مزگه‌فت و دێرێن دهۆكێ ژ بۆ كوردێن ئێزدی ڤه‌كرین و ب هه‌موو شیانێن خوه‌ هاریكارییا وان كری.


په‌رله‌مانێ كوردستانێ دوهی كۆمبوو و ده‌نگ ل سه‌ر رۆژا سێ یێ ته‌باخا دو هزار و چاردێ وه‌ك رۆژا جینۆسایدا ئێزدییان دا، جڤاكا ئێزدی ژی ئه‌وێ چه‌ندە ژی جهێ دلخوەشیێ دانە زانین.


هەروسان دناڤ چالاکیێن لبیرئانیا ڤێ رۆژێ ب گۆتنا چەند سترانێن خەریبیێ و شانۆگەری و ڤەکرنا پێشنگەهێن تاپلۆیان کە هەمووان ژی دەربرین ژ رۆژا کۆمکوژیا ئێزدیان دکر ئەڤ رۆژ هاتە ساخکرن.

 

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close