راپورتنووچە

ل شنگالێ بەردەوامی ب نوژەنکرنا مەزارێن کو ژئالیێ داعش ڤە هاتینە پەقاندن هاتە دان

 

ئێزیدی 24 _ تەحسین شێخ کالۆ

پشتی هێرشا رێکختسنا دەولەتا ئیسلامی بۆ سەر شنگال و کۆمکوژیا ئێزدیان ب کۆمەل، رێکخستنا تیرۆرستی رابوو ب خرابکرن و پەقاندنا ب دەهان مەزار و جهێن ئایینی یێن پیرۆز لبا ئێزدیان ل مەزنترین قەزایا ئێزدیان ل عیراقێ و جیهانێ.

زەلامێ ئایینی یێ ئێزدیان “فاخر خەلەف” و پەیڤدارێ دەستەکا ئایینی ئا ئێزدیان ل شنگال ژ “ئێزیدی 24” را خوەیاکر کو٫ “رۆژا پێنج شەمبیێ 15.08.2019 بەردەوامی هاتە دان ب هەوا نوژەنکرنا مەزار و جهێن ئایینی یێن کو داعش ل دەما هێرشا خوە دا بۆ سەر قەزایێ ل رۆژئاڤایێ پارێزگەها نەینەوا ل باکوورێ عیراقێ پەقاندین”.

“خەلەف” زێدەکر، کو “پشتی پەقاندنا مەزارێ مەحما “سارى گێدوکێ” ژئالیێ رێکخستنا دەولەتا ئیسلامی ڤە ل تەباخا سالا 2014ێ، ب سەرپەرشتتیا مە و ب پشتەڤانی و هاریکاریا هێزێن یەبەشێ مە دەست ب نوژەنکرنا ڤی مەزاری ل گوندێ بارێ ل ناحیە سنونێ کر.”

“خەلەف” ئاماژەکر٫ مەزارێ شێخ مەحما مەزارێ ئێکانەیە کە داعش ل دەڤەرێ پەڤاندی، ژینگەها وانە خراب بۆ ژێبرنا پیرۆزیێن ئێزدیان ژ هەبوونێ، و سەرەرای وێ یەکێ ئەم دبێژنە وان ئەم دێ مینن و دێ رابن ب نوژەنکرنا مەزار و پیرۆزیێن خوە دا کو ببنە نامەیەک ژ جیهانێ را کو ئەم عاشقێن ئاشتیێ نە و ئەم خوە ژ 74 کۆمکوژیا را نا چمینن یێن کو ئەجدادێن وە دژی مە کرین و ئەم دابونەریت و پیرۆزیێن خوە ناهێلن.

“خەلەف” خوەیاکر، کو “پشتی نوژەنکرنا مەزاری دێ یەکسەر رابن ب چێکرنا هۆلەکا مەزن ل نێزیکی مەزاری و زێدەتری وێ یەکێ کو دێ پرۆژەیەکی ئاڤێ و کارەبێ ئامادەکەن، و قیرکرنا جادەیێن کو تێنە مەزاری”.

ل تالیا پەیڤا خوە دا “خەلەف” دوپات کر “پرۆژێ مە نوژەنکرنا هەموو مەزار و جهێن پیرۆزێن ئایینی یە لبا ئایینێ ئێزدیان یێن کو داعش پەقاندین پشتی پشتگۆهاڤێتنا وان ژئالیێ رێڤەبەریا ئەوقاف و کاروباێن ئێزدیان ل بەغدایێ”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close