نووچە

پشتی پێنج ژ سالان ژ رەڤاندنێ، کەچەکا ئێزدی هاتە رزگارکرن

ئێزیدی 24 _ شنگال

سبەها ئیرۆ رۆژا ئێك شەمبیێ، 18ی تەباخا 2019، رزگارکرنا کەچەکا ئێزدی ژ کەمپا هۆلێ ژ سوریا هاتە راگەهاندن، کو ب هەزاران ژ کەچ و ژنێن دی یێن ئێزدی ب زارۆکێن وان را را لسەر دەستێ رێکخستنا تیرۆرستیا داعش ل سالا 2014ێ، ژ قەزا شنگالێ ل پارێزگەها نەینەوا ل باکوورێ عیراقێ هاتبوو رەڤاندن و بۆ دەڤەرێن دیێن کو رێکخستنا تیرۆرستی کۆنترۆل لسەر دکر ل هەر یەک ژ عیراقێ و سوریا هاتبوونە ڤەگوهاستن.

و ل دیدارەکا تایبەت دا” ئیمان عیدۆ” کو کەچ ماما وێ کەچا رزگاربوویە ژ “ئێزیدی 24” را دوپات کر، کو ژ خەلکێ گوندێ حەردانە و ناڤێ وێ “نورا ئیسماعیل خەلەف”ە و عەمرێ وێ 20 سالن.

“عیدۆ” زێدەتر گۆت، کەچ ماما من پێویستیێن تەندروستی و یێن دی وەرگرتینە و نهوە ئەو ل مالا ئێزدیایە ل سوریا و پشتی وەختەکی دێ رادەستی مە کەن.

“عیدۆ” ئاماژە ب وێ یەکێ ژی کر، ل دەما هێرشا داعش بۆ شنگال کەچ ماما من دگەل هەموو ئەندامێن خێزانا خوە هاتبوو ئێخسیرکرن، و چەند کەس ژ خێزانا وێ هاتینە رزگارکرن لێ هەتا نهوە ژی 5 کەس ژ خێزانا وێ د ونداینە.

تێتە زانین مالا ئێزدیان ل هەرێما جەزیرا ب هەماهنگی ب هێزێن سوریا دیموکراتیک را کاری یە ژ وەختێ دەستپێکرنا ئۆپراسیۆنێن عەسکەری ڤە ل سوریا دژی رێکخستنا تیرۆرستی سەدان ژ رەڤاندیێن ئێزدی ژ هەردوو رەگەزان رزگاربکەت.

و لدووڤ داوی ئامارا رێکخراوێن مافێ مرۆڤی ل عیراقێ هەتا نهوە زێدەتر ژ 2980 کەسێن ئێزدی ژ هەردوو رەگەزان ل با رێکخستنا تیرۆرستی د رەڤاندینە و تێ پێشبینی کرن کو رێکخستنا تیرۆرستی هندەک ژ وان ڤەگوهاستینە دەولەتێن دی ژبلی عیراقێ و سوریا پشتی رۆخاندنا رێکخستنێ و شکەستنا وان ل وان دەڤەران.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close