راپورتنووچە

ئایا جهێ کەمپێن ئاوارا لی هاتینە دروستکرن دگونجا بوون یان نا؟

ئێزيدی 24_ ذياب غانم

پشتی بوورینا هەیڤەکێ ل سەر ئاوارەبوونا خەلکێ شنگال و خۆجهبوونا وان ل خانیێن نە تەمامکری و قوتابخانە و مزگەفت و گەلەک جهێن دی یێن گشتی ئێکسەر رێکخراو و حکومەت هاتنە سەر خەتێ و دەست ب دروستکرنا کەمپان کرن .

ژبەر هەکە ژمارا خەلکێ شنگال یا مەزنبوو ل گەلەک دەڤەرێن هەرێما کوردستانێ بەلاڤەبووبوون، و ل هەر دەڤەرەکێ کەمپ ژ ئاوارەیێن شنگال را دروست کرن، ژبەر هەکە ئەڤ ئاوارە گەلەک دپێتڤی جیهەکی ڤەحەواندنێ بوون هزر دجهێن ڤان کەمپان دا نەهاتە کرن .

پلانەک ژ بۆ دروستکرنا کەمپا نەهاتبوو دارشتن لەوما ژمارەیەک ژڤان کەمپا جهێن وان نە دباش بوون بۆ ژیانێ و نهۆ ئاوارەیێن دناڤ وان کەمپاندا دئاکنجی باجێ شاشیا جهێن کەمپا ددن .

ماهر رەسکانی، ئاوارەیەکی ئێزدی یە ل کەمپا باجد کەندالا 1 ئاکنجی یە ژ “ئێزدی 24” ئاخڤی و گۆت، “ژبەر کو هاتنا مە بۆ هەرێما کوردستانێ نەیا چاڤەرێکری بوو و ژ بەر کە ئەم گەلەک دحەوجەی جهی بوون چ پلان و هزر ل جهێن ئاڤاکرنا کەمپاندا نەهاتە کرن بەلێ پشتی هاتینە دروستکرن ئەنجامێن خراب ل دووڤ خوە ئانین”.

هەروەسا گۆت،”ئێک ژ کەمپێن کو شاشی ل جهێ وێ دا هەی کەمپا باجد کەندالایە ژبەر کو دکەڤیتە سەر رێەکا سەرەکی کو ژمارەیەکا مەزن ژ بارهەلگرا تێرا دەرباس دبن و ژبەر ڤێ چەندێ گەلەک روودانێن هاتن و چوونێ چێدبن و ئەم دبنە قوربانی”.

پتر گۆت، ” هەتا نهۆ زێدەتری 15 کەسا ل بتر ژ 50 روودانی هاتن و چوونێدا بووینە قوربانی ژ بەر هندێ حەوجەیا رێگر ژ لایێ پۆلیسێن هاتن و چوونێ ڤە بهێنە دانان دا کو ئەڤ روودان کێم ببن دا کو ئەم پتر کاربن هاتن و چوونێ بکن”.

شاکر حسێن، ئاکنجیێ کەمپا ئێسیانە یا کو دکەڤیتە سنوورێ قەزا شێخان ژ “ئێزدی 24″ را بەحس ل ئەڤی بابەتی کر و گۆت، ” سەرەرای کو ئەم ئاوارە ژ بەر نەبوونا پێتڤیێن ژیانێ دنالن مە گەلەک ئاریشێن دی ژی هەنە کو پێتڤی چارەسەرکرنەکا بلەزن ئێک ژوان ئەڤ بابەتێ وە ئێخستیە مژارێ”.

دیسانێ گۆت،”کەمپا ئێسیان ژ کەمپێن هەرە مەزنێن ئاوارەیێن شنگالێ، ئەڤ کەمپە ژی وەک هندەک کەمپێن دی ل جهەکێ خەلەت دروستکرینا ژبەر کو دوکێلا بیرێن نەفتێ کاریگەریەکا مەزن ل تەندروستیا ئاوارە و خەلکێ بەعەدرێ دکە و ژ ئەگەر وێ نەخوشی لدەڤ هندەک ئاوارا پەیدا بووینە وەکی بیهن تەنگی و نەخوەشیا رەبۆ”.

ل دوماهیێ گۆت،”ئەم داخواز دکن کو هندەک رێکە چارە بۆ ڤێ دوکێلێ بهێنە گرتن دا کو ئەم ژڤێ ئاریشێ قورتال ببن، ژبلی نەخۆشیان ژی دبیتە ژێدەرەکێ نەرەحەتیێ بۆ مە”.

مەحمود قەرێ، ئاوارەیەکێ ئێزدیە ئاکنجیێ کەمپا چەم مشکۆ یە ژ ئێزدی 24 را ئاخفت و وەها ئانی زمان ” کەمپا چەم مشکۆ نێزیکی 27 هزار ئاوارەیی تێدا ئاکنجی یە، هاوشێوەی ژمارەیەکا کەمپێن دی ئاریشەیا پیسکرنا ژینگەهێ هەیە ژبەر کو نێزیکی وی جهی یە یێ کو هەموو زەبالەیا قەزا زاخۆ لێ کۆم دبیت”.

ل داویێ گۆت،” ژبەر کو ئەو زبالە دهێتە سووتن دوکێلا وێ بسەر کەمێدا دهێت و دبیتە ئەگەرێ پەیدابوونا نەخوەشیان و ژینگەها کەمپێ تێک ددە ژبەر هندێ داخوازیێ دکن کو ئەڤ ئاریشە بهێتە چارەسەرکرن ژ بەر یا مەترسیدارە”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close