گۆتار

شەرێ‌ فەیسبۆكێ‌ راگرن!

 

بەختیار قادر

تۆرا جڤاكی یا فەیسبۆكێ‌ بوویە ئێك ژ ئالاڤێن سەرەكی یێن سوشیال میدیایێ‌ بۆ گەهاندنا دەنگ و باس و زانیاریان بۆ خەلكێ‌ و رێژەیەكا زۆرا بكارهێنەران رۆژانە بكاردئینن كو مفای ژێ‌ وەرگرن،ئیرۆ دناڤ جڤاكێ‌ ئێزدی دا ڤێ‌ تۆرا جڤاكی رۆلێ‌ خۆ دیتیە بۆ ئاگەهداربوون لسەر هەر بوویەرەكا چێ‌ دبت و تەخێن جودا یێن جڤاكی ب رێیا ڤێ‌ تۆرێ‌ هەلویست و پەیاما خۆ چ ب ئەرێنی و نەرێنی ڤە دیار دكەن.

ئێزدی ئیرۆ درەوشەكا سەخت و نالەبار دا دژین و ئەڤە نێزیكی پێنج سالایە بتریا ئێزدیا ئاوارەنە ل كەمپان دا ژیانا خۆ دبۆرینن و برینا وان هێشتا كورە،لەورا لسەر تاكێ‌ ئێزدی خۆ ژ هەر جۆرە نڤیسینەكا نیگەتیف دووربێخن لسەر تۆرێن جڤاكی كو ببتە ئەگەرێ‌ پەیدابوونا كێشە و ئالۆزیان،ئەگەر تەماشەی فەیسبۆكێ‌ بكەین بتریا نڤیسەر و چالاكڤان و رۆژنامەڤان و گەنجێن ئێزدیان دەست ب شەرێ‌ فەیسبۆكێ‌ كریە دەمێ‌ كێشەیەك رووبدەت رەخنەیێن توند ل ئێك و دوو و دەزگەهێن ئێزدیان دگرن یان ب شكەستنا ئێك و دوو رادبن،یان ژی ل دەمێ‌ چێبوونا كێشەیەكێ‌ ژ قەبارێ‌ وێ‌ دەردئێخن و مەزن دكەن و هەر ئێك وەكی خۆ شلۆڤە دكەت،باشترە ل جیێ‌ شكەستنێ‌ هەلویستەكی ئاشتیانە رابگەهینن كو لبەرچاڤ بێتە وەرگرتن و ئەڤ شەرێ‌ فەیسبۆكێ‌ و دەروونی بێتە راگرتن و هەموو تەخ داكۆكیێ‌ ل ئێكرێزی و تفاق و تەبایا مللەتێ‌ ئێزدی بكەن.

ئەڤ شكاندنا لسەر فەیسبۆكێ‌ تێتە كرن نە دبەرژەوەندیا چوو كەسەكی دایە،بەلكو بەروڤاژی دێ‌ بتر زیانێ‌ گەهینتە ئێزدیان،لەوا بۆ هەر كێشەیەكێ‌ یان بابەتەكی نابەت پەنا بۆ فەیسبۆكێ‌ بێتە برن كو ب مەرەما هندێ‌ ئەو كێشە چارەسەر ببت و ئەگەر ل جیێ‌ هێرش و رەخنەیێن نەئاڤاكر ل ئێك بگرن یاداشتناما پێشكێش بكەن دێ‌ باشتر بت كو ل فەیسبۆكێ‌ ئەو بابەت بێتە مەزنكرن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close