راپورتنووچە

کرینا ئەرد و خانیا ل کوردستانێ ، ئایا بێ هیڤی بوونە ژ ڤەگەریانێ، یان داویا دەردایە ل کەمپا دا

ئيزيدى 24_ دیاب غانم 

ماینا ئاوارەیێن ئێزدی ل هەرێما کوردستانێ، و نە گرنگیدانا جیهەتێن بەرپرس ب باژارێ وان، شنگال، یێ هاتیە وێرانکرن ژ ئالیێ ئەندامێن رێکخراوا تیرورستیا داعش ڤە ل هێرشا وی دا بۆ سەر شنگال و ڕەوشا شنگال یا ئەمنی یا خەراب، وەدکە هەکە ئەو ژ ژیانەکا نو را و ل ئەردەکێ نو خوە بەرهەڤبکن.

پشتی رزگارکرنا باژارێ شنگال ژ تیرورستێن داعشێ یێ کو دکەڤیتە رۆژئاڤایێ پارێزگەها نەینەوا، شنگال بووە مەیدانا ململانێن سیاسی و عەسکەری ل ناڤبەینا پارت و هێزێن نوهە ل ور، ئەڤ ژی بووە ئەگەرێ هەکە غەما شنگال و ژێرخانەیا وێ نەهێتە خوارن.

کەمپ ئیدی حاجەتا ئاوارەیێن شنگال ناگرن یان ژی کەمپ بووینە تشتەکی ب ترس ژ ئاوارا را ئەو ژی ژبەر شەوتینا چادرا و گەهشتنا زەرەکا مەزن،ئەڤ ژی هنەکا ژ وان نەچار دکە هەکە بچن ئەرد و خانیان ل کوردستانێ بکرن، و یێن دی ژی ژیانا ل چادرەکێدا هەلدبژێرن ژ چوونێ بۆ باژارێ خوە.

“حەجی” خودانێ نڤیسینگەهەکا کرین و فروتنا ئەرد و خانیا یە ل کۆمەلگەها خانکێ، ژ “ئێزيدی24″ را ئاخڤی و گۆت،” ل پیشیا ئاوەرەبوونا خەلکێ شنگال چ داخوازی ل سەر ئەرد و خانیا نەبوو، لێ نوهە گوهەرین کەتێ و ئاوارا دەست ب لڤینێ کر سەبارەت ڤی بابەتی”.

هەروەسا گۆت،”کرینا ئەرد و خانیا ب رێژا 5% ل کۆمەلگەها خانکێ زێدە بوویە و ئەڤ ژی ژبەر هەکە خەلکێ خانکێ پتریا وان ئێزدینە و ژینگەها وێ یا جڤاکی وەکی وێ ژینگەهێ یە ئەوا ئەو ل قەزا شنگالێ تێدا دژیان”.

ل داویێ گۆت،”وەک زانینا من ل کۆمەلگەها شاریا رێژا کرینا ئەرد و خانیا بترە ژ یا کۆمەلگەها خانکێ و ئەو ژی ژبەر هەمان ئەگەرا ئەویت من گۆتین، ل پیشیێ و داویێ ئاوارە بەرژەوەندیا خوە باشتر دزانێ و زانێ هەکە چما ڤی کاری دکە”.

“ئەحمەد ئەلیاس” گەنجەکی ئێزدی یە، ئەگەرێن بلندبوونا رێژەیا کرینا ئەرد و خانیا ژ لایێ ئاوارا ڤە ژ “ئێزيدی 24″ را خوەیادکە و دبێژێ،”کرینا ئەرد و خانیا بۆ هەمان ئەگەرێن نەڤەگەریانا ئاوارەیێن ئێزدی بۆ باژارێ خوە، شنگال هیش باژارەکێ وێرانە حکومەت چ زەحمەتێ ناکێشێ دا جارەکا دی ئاڤا بکە، هەتا نوهە ب سەدان مالێن کەتی هەینە، هەکە پشتەڤانی ژ ئالیێ حکومەتێ و رێکخراوا ڤە هەبا، نوهە مە باژارێ خوە ئاڤاکربوو لێ ب ڤی شێوەی ئەم نکارن وێ چەندێ بکن،و ژبەر هەکە شنگال ژبەر نەبوونا ئێمناهیێ دنالێ ژئەگەرێ هەبوونا بتر ژ هێزەکێ ل ور”.

دیسانێ گۆت،”ئەگەرەکا دی ژی هەیە ئەوژی کەمپن، هەرۆژ ئەم دبینن چادرەک یان کۆمەکا چادرا دشەوتێ، و مالبات تشتێ خوە هەمووێ ژدەست ددن، ڤێجا هەکە حکومەتێ رێ دابا ئاوارە چادرێن خوە بکەنە غورفە ئەرد و خانی ب بهایەکی گران نەدکرین”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close