راپورتنووچە

کارەبا کەمپان یا بوویە مەترسی لسەر ئاوارەیان

 

ئێزدی۲٤ـ باسم قاسم

ب هێرشا رێکخراوا تیرۆرستیا داعشێ بسەر دەڤەرا شنگالێ دا ب ئارمانجا وێ چەندێ ئێزدیێن شنگالێ ژناڤ ببن کە ئێزدی کەفتنا بەر کۆمکوژیێ و رەڤاندنێ دا ژ الیێ وێ رێکخراوا تیرۆرستی ڤە و ئەو خەلکێ مایی ژی ئاوارە و کۆچبەر بوو و بەهرا هەرە بتر ئاوارەی هەرێما کورستانێ بوون و دناڤ کەمپا و کاڤلا دە ئاکنجی بوون ئەڤە بۆ دەمێ بتر ژ چار سالا،  کەمپا یێن “17”هاتینە ڤەکرن و ئاوارەیێن خەلکێ شنگالێ د ناڤ دە ژیانە خوە دەربازدکەن

بسەر ڤە چوونا کێبەلێ کارەبێ مەترسی لسەر ژیانە ئاوارەیێن دناڤ خیڤەتان دە چێکریا.

دەربارەی ڤی بابەتی ئاوارەیەکی ئاکنجیێ کەمپا کەبەرتوو۱ بناڤێ “نوری سەعید” ژ ئێزدی۲٤” رە دبێژێت ، ئەڤە بۆ دەمێ بتر ژ چار سالا ئەم دناڤ خیڤەتێن کەمپا کەبەرتوو۱ دە ئاکنجی نە
ل دەستپێکا ڤەکرنا کەمپێ هندەك جاران ب حالەتێن جوودا ئاگر بەردبوو خیڤەتێن ناڤە کەمپێ لێ بسەرڤەچوونا کێبەلێ کارەبێ ندبوو ئەگەرێ ئاگر بەربوونا خیڤەتان دناڤ کەمپێ دا لێ ئەڤە بۆ دەمێ بتر ژ چار سالان ژ ئەگەرێ هەتاڤێ و قەرزینێن زڤستانێ هەموو کێبەلێ کارەبا کەمپێ بسەرڤەچوویا و رۆژانا حالەتێن ئاگر بەربوونێ دناڤ کەمپێ دا چێدبن و زەرەرێن ماددی یێن زەهڤ ب ئاوارەییان دکەڤن و حالەتێن شەوتاندنا زارۆکان ژی ل کەمپێ یێن هاتینە تۆمارکرن ئەڤجا داخوازێ ژ جهێن بەرپرس دکەن و ب تایبەتی پارێزگەها دهۆکێ و بۆردێ کاروبارێن مرۆڤاتیێ “BRHA” خوە ل ئەڤێ چەندێ بکەن خوەدان وڤێ ئاریشا کێبەلێ کارەبێ ژ مەرە چارەسەربکەن و ئەوی ب گوهارن داکو ئەڤ حالەتێن ئاگر بەربوونێ ل کێمی بدن و خەلکێ مە دناڤ دا نەبێتە قوربانیێن مال و حالێ خوە و ژ دەست دانا زارۆکێن خوە.

هەروسان چالاکڤانێ ئێزدی “فێسەل عەلی” ژ ناڤ کەمپا جەم مشکۆ ل سنۆرێ قەزا زاخۆ ژ “ئێزدی۲٤” ئاماژە بوێ چەندێ دا، کەمپا
جەم مشکۆ ب مەزنترین کەمپا ل هەرێما کوردستانێ دهێتە هژمارتن و ئاوارەیێن دناڤ کەمپێ ژیدا ئێزدی و موسلمانێن خەلکێ شنگالێ نە ژ دەستپێکرنا ڤەکرنا و هەتا نوهە ژی ژ ئەگەرێ شۆرتێن کارەبێ ئاگر بەر دبێتە خیڤەتێن کەمپا ناڤبری ئەڤ چەندە ژی ڤەدگرێتا بۆ وێ چەندێ کێبەلێ خەراب ژ ئالیێ رێکخراوەکێ ڤە هاتبوو دابین کرن و ب خەرابترین کێبەلێ کارەبێ دهێتە هژمارتن لەوران هەتا نوهە ژمارەکا مەزن ژ خیڤەتێن ڤێ کەمپێ هاتینە شەوتاندن و زەرەرێن ماددی یێن زەهڤ ب خەلکێ کەمپێ کەفتینا و کەل و پەلێن وان ب تەمامی دهێنە شەوتاندن و ئەڤ چەندە یا بوویە جهێ دلگرانیا خەلکێ کەمپێ ژبەر کێبەلێ کارەبێ ب ناهێتە گوهارتن و ئاوارە ژ ئەڤێ چەندێ و ئاگر بەربوونا خیڤەتێن خوە قورتال ببن و دگەل دەربازبوونا بتر ژ چار سالان ژ ڤەکرنا کەمپێ و بتایبەتی ل ئەڤی دەمێ نوهە دا
و بتایبەتی دناڤ کەمپا جەم مشکۆ دا مەترسیا هەرە مەزن ل دەڤ خەلکێ کەمپێ دروست بوویە ژ ئالیێ ئاگر بەربوونا خیڤەتان ڤە بتنێ د ئەڤێ هەیڤێ دا نێزیکی “30” خیڤەتێن ئاوارەیان یێن هاتینە شەوتاندن و ترسا هەرە مەزن لدەڤ خەلکێ کەمپێ پەیدابوویە ژبۆ ئاوارەیێن کەمپێ بوویە جهێ گومانێ و دبێژن ئەڤی ئاگرێ ب ئەڤان خیڤەتان بەربووی ژ ئالیەکی نەدیار و هندەك کەسان ڤە دهێتەکرن لەوران هەر شەڤ خەلکێ ئاوارەیێن ڤێ کەمپێ هەتا سبەهی دمینن شیار ژبەر مەترسیا ئاگری داکو هەکە ئەڤ حالتێن ئاگر بەربوونێ بهێنە دووبارە کرن و بهێتە دیتن ئەڤ خیڤەت ژ ئالیەکی ڤە دهێنە شەوتاندن نەك ژ ئەگەرێ کێبەلێ کارەبێ بێ دڤێت ئەو کەسێن ڤێ چەندێ ل دەرهەقێ ئاوارەیان دا ئەنجام ددن دڤێت بهێنە دەستەسەرکرن و بگەهن سزایێ خوە
هەر د نوهە دا ئەڤ مەترسیا بەردەواما دناڤ کەمپێ دا لەوران ژمارەکا کێم ژ خەلکێ کەمپێ کامیرێن چاڤدێریێ ژبۆ خیڤەتێن خوە ددانن
لێ ژبەر نە هەلبوونا گلۆپێن ناڤ کەمپێ و نە گوهارتنا وان گلۆپان هاتە کو ناڤ کەمپێ ببێتە رۆناهی کامیرێن چاڤدێریێ ژی چ ڤەیدا خوە نینە ژبەر ڤێ چەندێ لەوران دخواز دکەن ب زووترین دەم ئەڤ مەترسی ژسەر خەلکێ مە بهێتە راکرن دا کو ئەو کاربن دناڤ خیڤەتێن خوە دا ب ئارامی شەڤێن خوە دەربازبکەن .

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close