مەلتیمیدیانووچە

هۆنەرمەندەکێ رۆژئاڤا دخوازە برێیا هۆنەرێ هاریکاری و خزمەتا ئێزدیان بکە

ئێزیدی 24 _ لەیت حسێن

هۆنەرمەند “غەنی میرزۆ” خەلکێ باژارێ قامشلۆ ل رۆژئاڤایێ کوردستانێ ل عەمرێ دوانزدە سالیێ دا دەست ب خواندنا مۆزیکێ کریە و ل ناڤخۆ و ژدەرڤە ژی مۆزیک خواندیە.

ڤی هۆنەرمەندی کاری یە ل کۆنسێرتان دا ل سەر ئاستێ وەلاتێن جیهانێ بەشداربیت و 5 سی دی بەرهەم ئانینە و یەک ژ وان ژی لدۆر کەمپایە کو تێدە ئێش و ئازارێن خەلکێ تێدە دژین دئینتە زمان.

هەروەسا پشتی ڤان هەموو سەرکەفتنان ڤی هۆنەرمەندی بخوە ژی کاریە رێکخراوەکێ ب ناڤێ (میرزۆ میۆزیک) دامەزرینت و لگۆری گۆتنا ڤی هۆنەرمەندی ئەڤ رێکخراوە بۆ خزمەتا چاند و هۆنەرا کوردی یە.

هۆنەرمەند “غەنی میرزۆ” ژ ئێزیدی 24 را خوەیاکر٫ رێکخراوا میرزۆ میۆزیک بۆ هاریکاری و پشتەڤانیا مۆزیکێ یە ل هەر چار پارچێت کوردستانێ و رۆژهەلاتا ناڤین و هەتا ب ئۆروپا خزمەت و هاریکاریێ بۆ کوردان و هۆنەرا وێ دکەت.

ناڤهاتی گۆتژی، پشتی وێرانکرنا شنگالێ ژئالیێ داعش ڤە ئەز وەکو هۆنەرمەندەک گەلەکێ پێ ئێشام و من سەرەدان بۆ کەمپان کرن، لەورا من خوەست برێیا هۆنەرێ هاریکاریا وان ئاوارەیان بکەم و سایکۆلۆژیا وان رەحەت بکەم.

میرزۆ دا زانین ژی، نهوە ل شنگالێ پەیمانگەهەکا فێرکرنا هۆنەرێ ب ناڤێ میرزۆ میۆزیک ل کۆمەلگەها خانەسۆرێ ل باکوورێ قەزا شنگالێ ڤەکریە کو بۆ فێرکرنا گەنجان لسەر مۆزیکێ و ستران گۆتنێ و پاراستنا فولکلۆرێ شنگالێ و ئێزدیان و قەول و بەیتێ وانە کو عەمرێ فولکلۆرێ ب هەزارێن سالایە لێ هەتا نهوە کەسی پێشخەری نەکریە کو ڤان سترانان ب پارێزن و لەورا مە ئەڤ جهە ڤەکریە دا کو هۆنەرمەندێن خوە یێن ئێزدی ل هەڤ کۆمبکن و سترانان بێژن و سترانێن خوە یێن ئێزدیان بکەنە ئەرشیف و پشتەڤانیا هۆنەر و هۆنەرمەندێن ئێزدی بکەن و وۆرک شۆپا بۆ فێرخوازێن مۆزیکێ بێژن.

هەروەسا لگۆری گۆتنا ڤی هۆنەرمەندی، دێ ل دەمێن داهاتی ژی دا ئەڤ پەیمانگەهێن ب ڤی رەنگی ل کەمپاندا ژی هێنە ڤەکرن ژبۆ کو ب فولکلۆرێ خوە شابن و کەسێن شارەزا دڤی بواری دا پەیدابن و ببنە هۆنەرمەند.

ناڤهاتی گۆتژی کو، پرۆژێن زەهڤ هەنە لێ ئاستەنگ درێیا وی دا هەنە لۆما ژ خێرخواز و حکومەتا و هۆنەرمدان دخوازە هاریکاربن دا کو بکاربیت وەکە پێویست خزمەتەکێ بکەن تایبەت ژی بۆ وان کەسێن کو ئێش و ئازار هەین.

دخوازە ژی، کو ئەو قیز و خۆرتێن دکەمپان قەعرا خوە برێیا ستران گۆتنێ و تەمبورێ دەرئێخن و پشتگیریا وان بکەت،
و ئەو وان کول و دەردێت وان کێم بکەت و پشتگیریا وان بکە ژبەر کو چێدبیت ئەڤ قیز و خۆرت ل پاشەرۆژێ دا ببنە هۆنەرمەندێن مەزن و کاربن ب هۆنەرێ ژیانا خوە برێڤە ببەن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close