راپورتنووچە

ئاوارێت ئێزدی و خەلکێ دەڤەرێت ئاوارە بووینێ ، کێ بتر فایدە ژ کێ دیتیە؟

 

ئێزدی 24_دياب غانم

ئێزدی ب دریژیا وەخت راستی کۆچبەری، کوشتن ، گرتن، کرین و فرۆتنێ بووینە و 74 کۆم کوژی شاهدن لسەر ڤێ یەکێ، تشتێ بالکێش ئەوە وان دەست دانانیە ل هەرجارەکا ئەو راستی کۆم کوژیێ بوویین.

بسەر دە گرتنا رێکخستیا داعش بۆ سەر گەلەک باژارێت عراقێ، بووە ئەگەرێ ئاوارەبوونا خەلکێ وان باژارا، و باژارێت دی ژی ئەوێن پشتی هنگی داعش بسەردا گرتی، ژ ڤان دەڤەر و باژارا ، شنگال ، یێ کە دکەڤیە رۆژئاڤایی نەینەوا.

شنگال ، ژ گرنگترین جهێت ئێزدیایە، ژبەر هەکە خەلکێ وێ پتری ئێزدینە، رێکخستیا داعش ئینسانێ ئێزدی ژ هەموو تشتا بێ پا کر ئەوێت ملکێ وی، و ئەڤ بووە ئەگەرێ ڕەوشا وانا یەکجار خەراب ل باکوورێ عراقێ، ژبەر وان تشتێ خوە هەموو ژ دەست دا ژ بلی جلکێن وان.

پشتی بسەردا چوونا پێنج سالا ژ ئاوارەبوونا وان، ئینسانێ ئێزدی یێ ئاوارە خوە جارەکا دی کەوناند، ژبەر خورتیا وی ل هەموو بوارا دا، و ڕەوشا وی ژ بەرێ باشتر بوو، و ئەڤ ژی خالەکا گرنگ و پۆزتیڤە وی ژ ئاوارەیێن دی خوەیادکە.

“ئەحمەد بەشیر” خورتەکی خەلکێ زاخۆ یە ژ “ئێزدی 24″ را پەیفت و گۆت،”هاتنا ئاوارە و پەنابەرا ب شێوەیەکی گشتی ، باشی و خەرابیێت خوە هەبوون ، و کارتێکرنا خوە لسەر هەموو تشتا هەبوو ل هەرێما کوردستانێ، لێ هنەک تشت هەینە حەوجەیە مرۆڤ لسەر بسەکنێ”.

“بەشیر” خوەیاکر،” ئاوارێت شنگال یێت ئێزدی هاتنە ڤر و وان چ تشت نەبوون ژ بلی جلکێن وان یێت لبەر، و نوهە و پشتی بسەردا چوونا پێنج سالا، ژیانا وان باشتر برێڤەدچە، ژ ئالیێ ماددی ڤە، ئەو ژی ژبەر هەکە وان دەست ب کارکرنێ کر ل هەموو بوارا دا هەر ل وی وەختێ ئەو گەهشتینە ڤر”.

ل پەیڤا خوە دا ژ “ئێزدی 24” را “بەشیر” دا زانین “مە فایدە ژ ئاوارێت ئێزدی کر زێدەتر ژ فایدا وان ژ مە کری، نموونە لسەر وێ یەکێ، بەری ئاواەبوونا وان، مە کیلوا تەماتا ب 1500 هەتا 2000 دینارێن عراقی دکڕین، لێ نوهە ئەم ب بەهایێت گەلەک کێم دکڕن ، ژ هەژی گۆتنێە هەکە گەلەک ژ وەلاتیێن ئەسلی یێت دەڤەرا مە ژ ئاوارا فێری کارکرنێ ل بوارێ چاندنێ دا بوون ، بەری هاتنا وان بڕاستی کەسی کار ل ڤی بواریدا نەدکر و هەروسا بوونە قدوە ژ خوەندەڤانێت مەرا ژبەر گرنگیدانا وان ب خوەندنێ و سەرکەفتنا وان”.

ل تالیا پەیڤا خوە دا گۆت،” باشبوو وان دەست دانانی ژبەر ئەوا بسەرێ وان هاتی نا کێم بوو ،ئەم هەبوونا وان پیرۆز دکن و سوپاسیا وان دکن بۆ وی کارێ پی رادبن، بخێرا وان ب هەزارا کەس هەوایێ پاقژ دکێشن و ژ بەرهەمێت بیانی خلاسبوون و ب خێرێن ئەردێ خوە شادبوون”.

هەر ل وێ مژارێ دا، ئاوارەیێ ئێزدی “قاسم خەلەف” ژ “ئێزدی 24″ را پەیفت و گۆت، ” ل پیشیێ فەرە ئەم سپاسیا خەلکێ هەرێما کوردستانێ بکن، تایبەت خەلکێ دهۆک ب هەموو قەزا و ناحی و کۆمەلگەهـ و گوندێت وێ ڤە ، ژبەر هەکە هەروەخت پشتەڤانیا مە دکرن دا ئەم دەست دانەینن و دگوتنە مە ئەڤ ڕەوش وێ قەدیێ ،سەرەرای هەکە ب ساناهی نەقەدیا لێ پەیڤا وان کارتێکرنەکا پۆزەتیڤ ل سەر مە هەبوو”.

بەردەوام بوو و گۆت، “ژ بەر هەکە هەروەخت زڵم ل مە تێیە کرن، ئەم خۆرت مە هزرەکا دی هەبوو، ئەو بوو هەکە ئەم ب قەلەمێت خوە شەڕ بکن و ب وان دوور بچن، و مە ئەو چەندە کر و پەنجەمۆرا خوەندەڤانێت ئێزدی ل پەیمانگەهـ و کولیا دا شاهدە لسەر ڤێ یەکێ، گەلەک ژمە دچوونا خوەندنێ ل وەختێ وێدا و وەختێ خلاس دبوو ئەم دچوون دا ئەم کار بکن هەکە هەبا”.

ل تالیێ “خەلەف” گۆت،” ژ بلی خوەندەڤانا، مە کارتێکرنەکا مەزن ل سەر ئابووریا ڤان دەڤەرا هەبوو لێ خەلکێ ڤان دەڤە ژمە بتر فایدە کر، ئەمێ هەر ل کارکرنێدا دبەردەوام بن ل هەموو بیاڤا دا و پەنجەمۆرا خوە ل هەر جهەکی هێلن”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close