نووچە

ب وێنە، گۆرەکا ب کۆما ئێزدیا ل شنگالێ هاتە دیتن

 

ئێزیدی 24 _ شنگال

نووچەگەهانێ ئێزیدی 24 ل قەزا شنگالێ گۆت، کە رێکخراوا ئێزدی ئا دۆکیومێنتکرنێ و ب هەماهەنگی ب رێڤەبەریا پۆلیسێن شنگالێ را گۆرەکا ب کۆم کە ئا ئێزدیایە ل سەنتەرێ قەزایێ ئا دکەڤیتە رۆژئاڤایێ پارێزگەها نەینەوا ل باکوورێ عیراقێ دیتن.

نووچەگەهانێ مە دوپات ژی کر، کە ب هەماهەنگیا ناڤبەینا رێڤەبەریا پۆلیسێن شنگالێ و رێکخراوا ئێزدی ئا دۆکیومێنتکرنێ، تیمەکا دیڤچوونا زانیاریان و دانپێدانا هاتە چێکرن ب هەبوونا گۆرەکا ب کۆم ئا نوو هاتیە دیتن ل نێزیکی ئاڤاهیێ رێڤەبەریا پۆلیسان ل مەزنترین قەزایا ئێزدیا ل عیراقێ و جیهانێ.

و زێدەکر، كە گۆرا ب کۆما هاتیە دیتن دهێتە پێشبینیکرن کە روفاتێن 6 هەتا 10 قوربانیێن ئێزدی تێدەبوون کە ل دەما کەتنا شنگال بۆ ناڤ دەستێن دەولەتا ئیسلامی “داعش” سەرێن وان هاتبوونە گولە بارانکرن و کۆمکوژیەک ل دەرهەقا ئێزدیان دا هاتبوو کرن.

ئاماژەکر، کە یەکسەر دانپێدان و پێزانین ژئالیێ رێکخراوا ئێزدی ئا دۆکیومێنتکرنێ هاتنە نڤیسین و فەرمانبەریا گۆرێن ب کۆم ل بەغدایێ پێ هاتە ئاگەهدارکرن، و جھ ب شەریتێ سۆر هاتە دۆرپێچکرن هەتا سوبە تشتێ پێدڤی ژئالیێ کادرێن رێکخراوێ ڤە تێتە کرن، زێدەتری پێشکێشکرنا بەلگەیێن ئاگەهدارکرنێ بۆ قازیێ دیڤچوونێ پسپۆر بۆ ژبەرکرن و دۆکیومێنتکرنا پێزانین و دانپێدانان ل دەما ڤەکرنا گۆرێ ل دەمەکی دی.

تێتە زانین کە لگۆری ئامارا رێڤەبەریا کاروبارێن ئێزدیان ل هەرێما کوردستانا عیراقێ هژمارا گۆرێن ب کۆم یێن ل قەزا شنگالێ هاتینە دیتن ئەو 80 گۆرێن ب کۆم بوون کە یێن ئێزدیا بوون و ل 15ی ئادارا دەربازبووی ژئالیێ لیژنێن حکومی و نیڤ دەولەتی و دۆکیومێنتکرنێ ڤە دەست ب ڤەکرنا گۆرێن ب کۆم هاتبوو کرن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close