نووچە

چەند پرۆژێت نوو ل کەمپێت ئاوارا دا وێ ئێنە جێبەجێکرن

 

ئێزیدی 24 _ لەیت حسێن

پشتی ل سالا 2014ێ گەلەک دەڤەرێت عیراقێ کەفتینە بن دەستێ داعش، و پێلا ئاوارەبوونێ ل عیراقێ بەرو زێدەبوونێ بووی هژمارەکا کەمپا ل هەرێما کوردستانێ هاتە چێکرن و نێزیکا پێنج سالا ب سەر ڤەکرنا کەمپێت ئاوارا را ل سنوورێ پارێزگەها دهۆکێ دەرباز دبیت و بۆ جارا یەکێ یە هەموو چادرێت 7 کەمپا ل سنوورێ پارێزگەها دهۆکێ وێ ئێنە گوهۆرین.

“سالم سەعید” بەرپرسێ راگەهاندن و پەیوەندیان یێ بۆردێ کاروبارێن مرۆڤایەتیێ ل پارێزگەها دهۆکێ ژ “ئێزیدی 24” را خوەیاکر، گەلەک جارا چادرێت ئاوارا شەوتینە یان دریاینە ب تنێ حالەتێن وەسا مە چادر گوهۆرینە، لێ چەند جاران مە داخوازی ژ رێڤەبەریا کۆچ و کۆچبەرا عیراقێ کریە و رێکخراوێت نیڤ دەولەتی بەلێ چ بەرسڤ نەبووینە کا ب تەمامی چادر بێنە گوهۆرین ژبەر کە گەلەک دەم بسەرڤە چوویە و روودانێن کەش و هەوای گەلەک چادر ژی خرابکرینە.

گۆتژی، ب دیڤچوونا مە ئا بەردەوام وەک بۆردێ کاروبارێن مرۆڤایەتیێ ب جهێن کاربدەست را هەموو چادرێت کەمپێن (چەم مشکۆ، کەبەرتوو 1 و 2، ماملیان، ئێسیا) وێ ئێنە گوهۆرین کە ھژمارا وان 14500 چادرن. و ژبلی ڤان ژی کەمپا بێرسڤێ ١ و شاریا مە هەنە کە ژئالیێ حکومەتا تورکیاڤە هاتبوونە چێکرن و وان چارەیەک لێنەکر لەورا مە بریاردا کە وان ژی بگوهۆرن ب هەماهەنگی ب رێکخراوا Acted را و 6 هزار چادرێت ژ ڤان هەردوو کەمپا را ئانینە کە 4 هەزار ژی ژ کەمپا شاریا را ینە و 2 هەزار ژی ژ کەمپا بێرسڤێ 1 را ینە و ئەڤ پرۆژە ل مەها 9 وێ دەست پێکە.

دا زانین ژی، پرۆژێ گوهۆرینا کێبەلێت کارەبێ کە مە پێشتر ژی چەند داخوازی کرینە کە بهێنە گوهۆرین ژبەر کە چەند سالەکن و هیش نەهاتینە گوهۆرین بەلێ خوەشبەختانە کە رێکخراوا ACTED نهوە ب ڤی پرۆژی رابوویە و کێبەلێت پتریا کەمپا ژ چادرێ هەتا ب سرکتا بێنە گوهۆرین.

پتر گۆتژی، کە د شەش مەهێت تێن دا چەند پرۆژە رازەمەندی لسەر هاتیە دان و وێ کەڤنە دبوارێ جێبەجێکرنێ دا، کە ئەو ژی ئەڤن:

1- رێبا سەرەکی ئا کەمپا خانکێ
2- رێبا سەرەکی ئا کەمپا شێخان
3- 4 کیلۆمەترێت ئاڤرێژا کەمپا بێرسڤێ ١
4- 8 کێلومەترێت ئاڤرێژا کەمپا چەم مشکۆ
5- 2 کیلۆمەترێت رێکا دچنە کەمپا چەم مشکۆ

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close