نووچە

خۆلەک لدۆر پێکڤەژیانێ ل قەزا زاخۆ برێڤەچوو

 

ئێزیدی 24 _ لەیت حسێن

ل بن دروشمێ ” پێکڤەژیان هێڤینێ ئاشتیێ یە” و ب بەشداریا 26 کەسان ژ پێکهاتێن جودا خۆلەکا دوو رۆژی لدۆر پێکڤەژیانێ ل قەزا زاخۆ برێڤەچوو کو ژئالیێ رێکخراوا کۆژین ژبۆ ئاشتیا جڤاکێ ڤە هاتبوو ڤەکرن.

مێهڤان مەجید بەرپرسێ راگەهاندنا رێکخراوا کۆژین ژبۆ ئاشتیا جڤاکێ ژ “ئێزیدی 24″ را خوەیاکر، رێکخراوا کۆژین ژبۆ ئاشتیا جڤاکی ب ھەماھەنگی ب رێڤەبەریا کار و راھێنانێن پیشەی را ل زاخۆ، خۆلەکا دوو رۆژی ل بن دروشمێ ” پێکڤەژیان ھێڤێنێ ئاشتیێ یە ” ب راھێنەراتیا راھێنەرێ باوەرپێکری (ھەوار قادر) ڤەکر، و دڤێ خۆلێ دا 26 کەس مفاداربون.

ناڤهاتی گۆتژی، کو بەشداربوویێن ڤێ خۆلێ ژ چینێت جودا جودا پێکھاتبوون ژ پێکهاتێت (موسلمان، ئێزدی و مەسیحی) ل قەزا زاخۆ.

هەروەسا خوەیاکر، مەرەم ژڤێ خولێ ئەو بوویە کو پێکڤە ژیانێ و ئاشتیێ دناڤا جڤاکێ دا پەیدابکەن کو بێ جیاوازیا ئۆل و رەنگان ئەم ھەڤدوو قەبوول بکەین و ب ئاشتی پێکڤە بژین.

ژئالیەکی دی ڤە “ماجیدە ئیبراهیم” رۆژنامەڤانەکا موسلمانە و بەشداری دڤێ خۆلێ دا کریە گۆت، پێکڤەژیان تشتەکێ گرنگە دناڤ هەر جڤاکەکێ دا و بنەمایێ یەکگرتن و پێشڤەچوونا هەر جڤاکەکێ یە لەورا ئەم ب گرنگ دبینن کو بەشداری ڤان جۆرە خۆلان دا ببەن.

دا زانین ژی، کو مە ب خوەشی ڤە ئەڤ خۆلە بر ب هەڤالێن خوەیێن ژ پێکهاتێن جودا را و مە مفایەک باش ژێ وەرگرت و بۆ مە هاتە شرۆڤەکرن کو ئەم هەموو پێکڤە بژین بێی جیاوازیا ئۆلی و نەتەوەی و بۆچوونا جودا یا سیاسی و گرنگیا هەبوونا پێکڤەژیانێ ژبەرکو هەردەم پێکڤەژیان دبیتە سەدەما پەیداکرنا خوەشی و ئارامیێ دناڤ هەر جڤاکەکێ دا.

ل هەمان دەمدا “خەلیل زەید” گەنجەکێ ئێزدی یە و بەشداربوویێ ڤێ خۆلێ یە گۆت، ئەم کۆمەکا گەنجان ژ پێکهاتا ئێزدی ل ڤێ خۆلێ دا بەشداربوون و مە تەکەز ل پێکڤەژیانا ناڤبەینا ئایین و پێکهاتێن جودا دا کر.

خوەیاکر ژی، کو ئایینێ مە ئێزدیا هەردەم بەحس ل پێکڤەژیانێ دکەت و گرنگیا ب هەڤرا ژیانێ دناڤبەینا هەموو پێکهاتێن جڤاکێ دا بێی جوداهی لسەر هەر هزر و بیرەکا ئایینی یان سیاسی یان هەر تشتەکی دی بیت.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Back to top button