مەلتیمیدیانووچە

هۆنەرمەند “شاکـر حەلۆ” وێ کلیپەکی ل سەر گوندێ کوچۆ بـەلاڤ کــە

 

ئێزيدی 24_دیاب غانم

گوندێ کۆچو ، ئەو گوندێ هەکە هاتیە وێرانکرن ل سەر دەستێ رێکخستیا داعش یا تیرورست جهێ خوە ل دلێ هەر ئێزدیەکی دا هێلا و بووە برینەکا هەتا هەتایی.

ژبەر ئەوا بسەرێ گوندێ کۆچۆ دا هاتی ، هۆنەرمەندێ شنگالی یێ گەنج “شاکر حەلۆ” سترانەک ل سەر گوندێ ناڤهاتی چێکر و ئەڤ ستران بەریا دەمەکیە ل گوندێ کۆچۆ ب خوە هاتە کلیپ کرن.

ل دۆر ڤی کلیپی ، هۆنەرمەند “شاکر حەلۆ” ژ “ئێزدی 24″ را پەیفت و گۆت ،” هزر و پەیڤێت ڤێ سترانێ ڤەدگەرنە وی وەختی ئەوێ شاکر حەلۆ وەکە هەموو خەلکێ شنگالێ ل چایێ شنگالێدا ئاسێ مای و هەر ل وی وەختێ ئەڤ گوند راستی کۆم کوژیێ بوویی”.

بتر گۆت، ” کلیپا “ژبیرنەکن گوندێ کـــۆچـــۆ” ژ پەیڤێت منن و ئاوازێ وێ وەرگرتیە و ژ دەرهێنانا دەرهێنەرێ ئێزدی فارس مشکۆ یـە ، کلیپ هاتیە وێنەکرن و یێ تەمامە و ل رۆژێت بهێت دا وێ ئێتە بەلاڤکرن”.

ل تالیێ گۆت، ” هیڤی دکم ب ڤێ سترانێ من شیابێ ئەز کول و غەمێت کۆچۆ ژ جەماوەرێ خوەرا و ژ دنیایێ هەمووێ را بێخمە بەرچاڤ و دبێژم هەکە کۆچۆ برینەکا هەتا هەتایە و نایە ژبیرکرن ، ئاماژە ژی کر ، ل پاشەرۆژێدا دوو برۆژە سترانێن دی ژی هەنە”.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Back to top button