مەلتیمیدیانووچە

نڤیسەرەکێ ئێزدی وێ چەند بەرهەمان لدۆر کۆمکوژیا ئێزدیا ل پاشەرۆژێ دا بەلاڤ کە

 

ئێزیدی 24 _ لەیت حسێن

نڤیسەرێ گەنج یێ ئێزدی “ئەیاد عجاج” پەرتووکەک لدۆر قوربانیدانا زارۆکێت ئێزدی ل کۆمکوژیا ئێزدیان ئا تالی دا بەلاڤکریە و نهوە ژى ب چەند مامۆستايێن زانكۆیێ را کار لسەر نڤيسينا پەرتووکەكێ دکەت و ئەو ژی لدۆر هێرشا داعش و شنگالێ یە.

ناڤهاتی ژ “ئێزیدی 24” را گۆت، بەریا چەند رۆژایە پەرتووکا من ل بن ناڤونیشانێ “زارۆکێن ئێزدی ل بن کۆنترۆلا دەولەتا ئیسلامی ل عیراقێ و شامێ (داعش) ” هاتە بەلاڤکرن، و ڤەکۆلینەکا مەیدانی یە و ژ بەردەوامیا زنجیرا بەلاڤۆکێت دەستەیا بلندا بنگەهێ لالشە کە ئەڤە بەلاڤۆکا ژمارە 39ێ یە و 500 دانە ژ ڤێ پەرتووکێ هاتنە چاپکرن.

خوەیاژی کر، کو ئەڤە ماوێ سێ سالایە لسەر ڤێ پەرتووکێ کارکریە و بابەتێن ڤێ پەرتووکێ لسەر 7 دەرگەها دا تێنە بەلاڤکرن، تەکەزێ لسەر بابەتێ زارۆکێت ئێزدی دکەت یێت بنی 18 سالی را بابەتێ وێ ژی مە پێداچوونەک لسەر رێکخستنا دەولەتا ئیسلامی و هاتنا وێ ناڤچەیێ کریە و پاشی چاوانیا کۆنترۆلکرنا شنگالێ و بابەتێ دووێ چاوانیا سەربازکرنا زارۆکا ل ناڤ کۆمێن چەکداری ل سوریا پاشی ل عیراقێ کە مە زارۆیێت ئێزدی مە وەک نموونە وەرگرتینە، و ل دەرگەهێ سیێ دا مە بەحس ل گوهۆرینا ئایینێ زارۆکا کریە ژبال داعشێ ڤە ژ ئایینێ ئێزدی بۆ ئیسلامێ و دیسان ل دەرگەهێ چارێ دا بەحس ل چاوانیا دەستدرێژیا سێکسی بۆ سەر زارۆیا کریە و فرۆتنا زارۆکا ل باژارێ موسل ل وان بازارێن بناڤێ (سوق النخاسة) ژبال داعش ڤە ل دەرگەهێ پێنجێ دا بەحس لێ هاتیە کرن و هەروەسا ل دەرگەهێ شەشێ بەحس ل کێشەیێن تەندروستی و دەروونی یێن ڤان زارۆکا تێتە کرن پشتی رزگاربوونێ دهەمان دا دەمدا ئەو خزمەتێن ژئالیێ حکومەتا هەرێمێ ڤە بۆ تێنە پێشکێشکرن، ل تالیا ڤان دەرگەهان کە دەرگەهێ هەفتێ یە ئەم بەحس ل کاریگەریا هزرا داعش لسەر ئالیێ پەروەردە و فێرکرنێ ل شنگالێ دکن.

هەروەسا گۆت، ئارمانج ژ ڤێ پەرتووکێ دۆکیومێنتکرنا جینۆسایدا ئێزدیایە و تایبەت تەخا زارۆکا، دا زانین ژی کو بۆ چێکرنا ڤێ پەرتووکێ مفا ژ وان ژێدەرێن ژئالیێ داعش بخوڤە هاتینە بەلاڤکرن و ریپۆرتێن UNێ و دهەمان دەمدا ئەو رێپۆرتاجێن ژئالیێ حکومەتا عیراقێ و هەرێمێ و راگەهاندکارا ڤە هاتینە بەلاڤکرن من مفا ژێ وەرگرتیە، و هەروەسا من چاڤپێکەفتن ب هژمارەکا زارۆکێت رزگاربووی ژی را کریە.

“ئەیاد عجاج ڤیان” ژ دایکبوویێ سالا 1984ێ یە و خەلکێ کۆمەلگەها خانکێ یە، پشتی فەرمانا ئێزدیا ل بوارێن جودا دا کار ژ بۆ دۆکیومێنتکرنا ڤێ فەرمانێ کریە و لگۆری گۆتنا ڤی نڤیسەری ل پاشەرۆژێ ژی دا وی هێشتا پرۆژێت نڤيسين و دۆکیومێنتکرنا كۆمەلکوژیێ هەنه.

هۆنەرمەند “شاکـر حەلۆ” وێ کلیپەکی ل سەر گوندێ کوچۆ بـەلاڤ کــه

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Back to top button