مەلتیمیدیانووچە

سترانا “ئاخا من شنگالە” ل نێزیک وێ ب کلیپ ئێتە بەلاڤکرن

ئێزیدی 24 _ لەیت حسێن

پشتی فەرمانا ئێزدیا ل سالا 2014ێ، پتریا هۆنەرمەندێت ئێزدی خوە ب ئێش و ئازارێت مللەتێ خوە را دیتن و وەکە کارینێت خوە سترانێت کە دەربڕین ژ زەحمەتی و نەخوەشیێن ڤی مللەتی دکن چێکرن.


“کالۆ گرنوس” هۆنەرمەندەکێ ئێزدی یە هژمارەکا سترانا لسەر نەخوەشی و تراژیدیێت ئێزدیا را ئەوێت ل فەرمانا سالا 2014ێ ل سەر دەستێ داعش دیتین چێکرینە و نهوە ژی کار لسەر ڤیدیۆ کلیپەکێ دکەت ل سەر دوورکەتنا خەلکێ شنگالێ ژ وارێ وان و ل نێزیک وێ بەلاڤکە.

ناڤبری ژ “ئێزیدی 24” را گۆت، “من ل سالا 1996ێ دەست ب کارێ سترانبێژیێ کریە و هەتا نهوە من دوو بەرهەم هەینە یەک ژ وان ژ 12 سترانا پێک تێت و یێ دی ژی 8 سترانا و مەوالەکی بخوەڤە دگرە”.

خوەیا ژی کر، کە پشتی فەرمانا ئێزدیا ل سالا 2014ێ وی دوو ستران لسەر نەخوەشی و تراژیدیێت مللەتێ خوە را من چێکرینە و پشتی وی وەختی سترانەک ل سەر ئەڤینێ را ژی ب کلیپ بەلاڤکر.

هەروەها گۆت، “نهوە ژی کار لسەر کلیپەکێ دکەم بناڤێ “ئاخا من شنگالە” کە ئەو ژی لسەر دوورکەتنا دۆست و هەڤالایە ژ باژارێ مە شنگالا دەلال و غەریبیا ڤی واری و پیرۆزیا ئاخا شنگالا مە”.

هۆنەرمەند “شاکـر حەلۆ” وێ کلیپەکی ل سەر گوندێ کوچۆ بـەلاڤ کــە

ئاشکەرا ژی کر، کە ئەڤ ستران و تەڤاهیا سترانێت وی ژ پەیڤ و ئاوازێت وی نە ژبلی سترانەکێ کە ئۆسمان سالح د پەیڤێت وێ دا بەشداربوویە، دا زانین ژی ئەڤ سترانە ژ وێنەکرنا “عەلی پیر” و دەرهێنەریا “ئۆسمان سالح”ە.

هۆنەرمەند “کالۆ گرنوس” ژ دایکبوویێ سالا 1980یێ یە، و خەلکێ کۆمەلگەها دوگرێ یە ل قبلەتی چایێ شنگالێ، ل فەرمانا ئێزدیا ل سالا 2014ێ ئەو ژی ئاوارەبوویە لێ هەر ل سەر کارێ خوە یێ سترانبێژیێ بەردەوام بوویە.

نڤیسەرەکێ ئێزدی وێ چەند بەرهەمان لدۆر کۆمکوژیا ئێزدیا ل پاشەرۆژێ دا بەلاڤ کە

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Back to top button