نووچە

کەچ و ژنێت رزگاربوویێت ئێزدی ل کەمپا دا ب کارێ خوەی رۆژانە مالێت خوە خوەدان دکن

 

ئێزیدی 24 _ لەیت حسێن

رێکخراوا “رۆژا شنگال” بۆ مافێ مرۆڤی پرۆژێ (داکۆکی لسەر ژیانێ) ڤەکریە، و برێیا ڤی پرۆژی هژمارەکا کەچ و ژنێت رزگاربوویێت ئێزدی ل ناڤ کەمپێت ئاوارا ل سنوورێ پارێزگەها دهۆکێ ژیانا خوە ئا رۆژانە پێ دەرباز دکن و خێزانێت خوە پێ خوەدان دکن.

(به‌ختيار قادر) به‌رپرسێ راگه‌هاندنا رێكخراوا رۆژا شنگال بۆ مافێ مرۆڤى ژ ئێزیدی 24 را خوەیاکر، پرۆژێ‌ (داكۆكى لسەر ژیانێ‌) ب پشتەڤانیا دارایی ئا بەنكا ناڤەندی یا عیراقێ‌/دەستپێشخەریا تەمكین و تەڤگەرا مەزاختنێن عیراقێ‌ و ب سەرپەرشتیا رێكخراوا “رۆژا شنگال” بۆ مافێ‌ مرۆڤی و ب هەماهەنگی ب فەرمانگەها رێكخراوێت نە حكومی ل بەغدا، ژ 15 كەچ و ژنێت رزگاربوويێت ئێزدى را ل كه‌مپێت شاريا و ئێسيان و چه‌م مشكۆ ل سنوورێ پارێزگەها دهۆكێ‌ هاتيه‌ ڤەكرن كە ژ 15 پرۆژێن بچووك پێك تێت و ل هەر كەمپەكێ‌ 5 پرۆژە هاتینە ڤەكرن.

ناڤهاتی گۆتژی، پرۆژە بۆ ماوێ‌ 12 هەیڤا دێ به‌رده‌وام بێ و ئارمانج ژ پرۆژەيی پێگەهاندنا كەچ و ژنێت رزگاربوویێت ئێزدی ژئالیێ‌ ئابووری ڤە كە پشت بەستنێ‌ لسەر خوە بكەن ژبەر ب رێڤه‌برنا ژيانا خوە ئا رۆژانه‌ و په‌يداكرنا داهاتى و خوە گونجاندنێ‌ دناڤ جڤاكى دا.

(سێڤێ ئه‌لياس) یەك ژ رزگاربوويێت مەفادارى پرۆژێ ناڤهاتى بوويه‌ گۆت، ب پشته‌ڤانيا رێكخراوا “رۆژا شنگال” بۆ مافێ مرۆڤى پرۆژه‌يه‌كێ بچووك ژ خوە را ل كه‌مپا شاريا ڤه‌كريه‌ و ب رێيا وى پرۆژه‌يى دكارن ژ خوە را رۆژانه‌ داهاته‌كى په‌يدا بكن و ژيانا خوە ئا رۆژانه‌ پێ ده‌رباز بكن.

هه‌روه‌سا (نورا) كەچه‌كا دى ئا رزگاربوویە خوه‌دى دكانه‌كا جلكێت ئافره‌تايه‌ دبێژە: پشتى ئه‌ڤ پرۆژه‌ ژ مه‌را هاتينه‌ ڤه‌كرن ژئاليێ ئابوورى ڤه‌ مه‌ گه‌له‌ك مەفا ژێ ديتيه‌ و هاريكاريا مه‌ هاتيه‌ كرن کە خێزانێت خوە خوەدان بكن و پشت به‌ستنێ لسه‌ر خوە بكه‌ن و دخوازن پتر هاريكاريا كەچ و ژنێت رزگاربووى ل كه‌مپا بێته‌ كرن و سوپاسيا رێكخراوا “رۆژا شنگال” دكه‌ن ژبەر ڤه‌كرنا ڤان جۆره‌ پرۆژێت گرنگ ژ رزگاربوويا را ل كه‌مپا دا.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

دووماهی

Close
Back to top button
Close