نووچە

ئێزدی بریارا دیارکرنا رۆژا کۆمەلکوژیا ئێزدیا ب گرنگ دبینن

 

ئێزیدی 24 _ لەیت حسێن

پشتی کە ل 3ی تەباخا ئەڤ سال پەرلەمانێ کوردستانێ بریارا دیارکرنا 3-8-2014 وەکە رۆژا کۆمەلکوژیا ئێزدیا دەرکری، دۆھ رۆژا یەک شەمبیێ 15ی 9ی2019، “نێچیرڤان بارزانی” سەرۆکێ هەرێما کوردستانێ ئەڤ بریارە ئیمزاکر، ئێزدیێت شنگالێ وەکە قوربانیێت ڤێ فەرمانێ ڤێ یەکێ ژبەر ناسکرنا کەیسا وان لسەر ئاستێ ناڤدەولەتی ب گرنگ دبینن و داخوازێ ژ حکومەتێن عیراقێ و هەرێمێ دکن کە ب جدی لسەر ڤێ یەکێ کاربکن.

عەمەر سەعید گەنجەکێ ئێزدیێ شنگالێ یە لدۆر ڤێ یەکێ ژ “ئێزیدی 24” گۆت، هەلبەت ئەم گەلەک ژی سوپاسدارێت هەر ئالیەکی نە کە خوە ل کەیسا جینۆسایدا ئێزدیا بکەنە خوەدان و ڤێ بریارا تالیێ ژی ئا هاتیە دان کە دیارکرنا 3-8-2014 وەک رۆژا کۆمەلکوژیا ئێزدیا یە ژئالیێ پەرلەمانێ کوردستانێ ڤە و ئیمزاکرنا وێ ژئالیێ سەرۆکێ هەرێمێ ڤە ئەم ب گرنگ دبینن و ئەڤ بریار وەکە فاکتەرەکی یە دا ئەڤ کۆمەلکوژی لسەر ئاستێ جیهانێ ژی ب جینۆساید بێتە ناسکرن.

گۆتژی، لێ براستی ژی گازندەکا مە ژ هەردوو حکومەتا هەیە و ب تایبەت حکومەتا ناڤەندی ژبەر کە هەتا نهوە ژی وەکە پێدڤی خوە ل ئێزدیا و کەیسا وان نەکریە خوەی.

ل تالیێ ژی گۆت، ئەم داخوازێ ژ حکومەتێن عیراقێ و هەرێمێ و هەر ئالیەکی دکن کە پێنگاڤێت باشتر ب هاڤێژن ئەو ژی ژبەر ناسکرتا ڤێ کەیسێ وەکە جینۆسایدە لسەر ئاستێ هەموو جیهانێ و قوربانیێت ڤێ فەرمانێ ژی وەکە حەقێ خوە بێنە قەرەپۆکرن.

لسەر هەمان بابەت “سەعدون حسێن” کە ژ خوەدی قوربانیێت فەرمانا ئێزدیایە و گەلەک نڤیسین ژی لسەرە نڤیسینە ژ “ئێزیدی 24” را گۆت، ب راست بریارا رۆژا 3-8 وەکە رۆژا کۆمەلکوژیا ئێزدیا ھاتیە ئیمزاکرن گەلەک گرنگە و ئەم پێنگاڤەکە گەلەک باش دبینن و ڤیابا زووتر ژی ئەڤ بریار ھاتبە دان دا باشتر کار ل سەر ڤێ کەیسێ ھاتبا کرن.

هەروەسا گۆتژی، بێ شک ئەڤ بریار وێ بێتە پالدەرەک ژ گەھاندنا ڤێ کەیسێ را ل دادگەھا لاھای ژبەر کە هەتا حکومەتا کوردستان و عیراقێ ئێمزا نەکن ل ور گەلەک ئاستەنگ وێ دکەڤنە رێ دا.

پتر گۆت، ب راستی دبینم گەلەک خەمساری ل سەر ڤێ کەیسێ تێتە کرن ژئالیێ ھەردوو حکومەتێن عیراق و ھەرێمێ ڤە و وەکە پێدڤی ب ئەرکێ خوە رانەبووینە بەرامبەر کەیسا ئێزدیا ڤێجا داخوازیا مە ژ ھەردوو حکومەتایە ب ئەرکێ خوە رابن ژبەر کە ھەتا نھوە مە وەکە وەلاتیێت ژمارە 5و 6 ھژمار دکن لۆما هێڤیا مە ئەوە پتر د ھاریکاربن ژ بۆ ناساندنا کۆمەلکوژیا ئێزدیا ب جینۆساید.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

دووماهی

Close
Back to top button
Close