مەلتیمیدیانووچە

ب بەشداریا ئێزدیا، شەشەمین فێستیڤالا نیڤدەولەتی یا کەلتورێن جیاواز ل رانیا برێڤەدچە

 

ئێزیدی 24 _ لەیت حسێن

سالانە فێستیڤالا نیڤدەولەتی یا کەلتورێن جیاواز ل هەرێما کوردستانێ برێڤەدچە، کە تێدە کەلتورێن جیاواز یێن چەندین وەلاتان و پێکهاتێن جودا ل هەرێمێ ژی تێنە نیشاندان.

ئەڤسال ژی ب بەشداریا 8 وەلاتێن جیهانێ، شەشەمین گەرا ڤێ فێستیڤالێ ب چاڤدێریا وەزیرێ رەوشەنبیری و لاوان و ژئالیێ سەنتەرێ رایەل یێ پێکگوهارتنا کەلتوری ڤە ل رانیا برێڤەدچە، و بۆ ماوێ سێ رۆژان ئەڤ فێستیڤال وێ بەردەوام بێ، کە تیپا شاریا یا هۆنەرێ مللی وەک تیپا ئێکانە ژ ئێزدیان ل ڤێ فێستیڤالێ دا ب چەندین تابلۆ و نیشاندانا کەلتورێ ئێزدیا بەشدارە.

“شێرزاد میرزۆ” بەرپرسێ تیپا شاریا یا هۆنەرێ مللی ژ “ئێزیدی 24” را خوەیاکر، ئەم وەکو تیپا ئێکانە ئا ئێزدیا ئەڤ سێ جارا ل فێستیڤالا نیڤدەولەتی یا کەلتورێن جیاواز دا ل رانیا بەشدار دبن و تێدە کەلتورێ ئێزدیا ژ هادربوویان را نیشان ددەن.

“میرزۆ” ئەو یەک ژی گۆت، کە وان رۆژا یەکێ ژ رێپیڤانێ ب جلوبەرگێت رەسەن یێت ئێزدیا و نیشاندانا کەلتورێ ئێزدیا و تابلۆیەکا هۆنەری بناڤێ تابلۆیا رەسەن و ب سترانا بەیتا لالش ئا هۆنەرمەند حەسەن شەریف بەشداربوون.

زێدەتر گۆت، کە ئیرۆ رۆژا دوویێ ژ ڤێ فێستیڤالێ یە، ئەم ئیرۆ ژی ب دوو تابلۆیێن هۆنەری د بەشدارن ئا یەکێ ژی بناڤێ (شاهی و شێخانی) کە دەربڕینێ ژ چەند دیلانێن ئێزدیا دکە و تابلۆیا (جۆتیاری) کە ئەڤ تابلۆیە ژی دەربڕینی ژ رەوشا جۆتیاریێ ل ناڤ ئێزدیا و کوردستانێ ب گشتی دکەت.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Back to top button