جیهاننووچە

ب دروشمێ ب خاترا تە سەردەشتێ، یانزدە مالا کەمپە بجی هێلان و ڤەگەریانە دەڤەرێت خوە ل قبلەت و شەمالی چایێ شنگالێ

 

ئێزیدی 24 _ لەیت حسێن

ل چارچۆڤێ ڤەگەریانا ئاوارە بۆ دەڤەرێت وانێت ئاکنحیبوونێ دبەرێ، و ب دروشمێ ( ب خاترا تە سەردەشتێ) ل ماوێ کێمتر ژ هەفیتەکێ دا یانزدە مالا کەمپا سەردەشتێ بجی هێلا، و پێنج ژ وان ڤەگەریانە گوندێ وەردیێ کە دکەڤیتە قبلەتی چایێ شنگالێ و سێ ژ وان ڤەگەریانە سەنتەرێ قەزا شنگالێ و هەر سێ یێت ماین ڤەگەریانە سەنتەرێ ناحیە سنونێ.

“حەجی حەسەن” یەک ژ وانێت ڤەکەریای گوندێ وەردیێ کە دکەڤیتە قبلەتی چایێ شنگالێ، ژ “ئێزیدی 24” را پەیڤت، پشتی ئێش و ئازارێت بزەحمەت و ژیانەکا نەخوەش ل کەمپا سەردەشتێ ل چایێ شنگالێ و جەمەدا زڤستانێ و گەرما هاڤینێ ئا مە ژبەر نالاندی مە بڕیاردان د ڤەگەرنە گوندێ خوە و ژیانەکا نوو و قۆناغەکا چێتر دەستپێبکەن.

“حەجی” دوپاتکر، کە رەوشا ئەمنی ل گوندێ وان ئا ئارامە بەلێ پا کێمیا خزمەتگوزاریێت سەرەکی لبەر ڤیانا خەلکێ ئەوێ هەتا نهوە ئاوارە بۆ ڤەگەرا دەڤەرێ سەکنیە ژبەر وێ یەکێ ئەم داخوازێ ژ هەموو جهێت کاربدەست دکەن خزمەتگوزاریا و دەرفەتێت کاری دابین بکن دا ژیان جارەکا دی ڤەگەریە دەڤەرێت وان.

“مراد ئەلیاس” ئەو ژی یەک ژ وانێت ب مالا خوە را ڤەگەریای سەنتەرێ ناحیە سنونێ، ل پەیڤا خوە دا ژ “ئێزیدی 24” را خوەیاکر، کە زەحمەتیا ژیانێ ل وەختێ ئاوارەبوونێ دا ئەم پالدان وێ یەکێ ڤەگەرینە دەڤەرێت خوە بەلێ پا براستی نەبوونا خزمەتگوزاریا ناهێلە ئەوێت دی ڤەگەرین.

هەروەسا “مراد” دبینێ، کە لیژنە و رێکخراوێت هادر ل دەڤەرێ وەک پێدڤی خزمەتگوزاریا پێشکێش ناکە لۆما ئەم دخوازن ل خەلکێ دەڤەرێ بنێرن و خزمەتگوزاریا ب شێوەکی باش دابین بکن دا دەڤەر وەکە خوە و بەری فەرمانێ ڤەگەری و ئەم پێکرە بژین.

تێتە زانین ئێزدی ل وەختێ کۆمکوژیا وان ئا بەردەوام تووشی کوشتنێ و رەڤاندنێ بوون ل وەختێ داعشێت تیرۆرست ل سێی تەباخا 2014ێ هێرشی دەڤەرێت وان کری و زێدەتر ژ 350 هەزاری ئاوارەی چایێ شنگالێ و هەرێما کوردستانا عیراقێ بوون و پتر ژ 100 هەزار کەسی پەنابەری ژ دەرڤەی عیراقێ بوون و هەتا نهوە نێزیکی 3000 ژن و زارۆکی ئێزدی لبا داعش و رێکخستنێت دی یێت تیرۆری د رەڤاندینە.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

دووماهی

Close
Back to top button
Close