نووچە

رۆنکرن ـ ئێزیدی 24

 

بۆ رایا گشتی یا ئێزیدی ..
بۆ حکومەتا هەرێما کوردستانێ ..

ل وی دەمێ کو گەلەک ل ئەگەرا پاشڤەچوونا کارێ “ئێزیدی 24” ل قوناغا بۆریدا دپرسن، مە هەول ددان کو ئەم هندەک رێکە چارەیان ببینن دا ئەم کار ڤەگەرینن سروشتیا وی لێ دیارە کو هندەک کەس ل جڤاکا ئێزدی دا ناخوازن ئەڤی جڤاکێ کو هەتا نهۆ جینۆساید ل دەرهەقی وی بەردەوامە هێزەکا ڕاگەهاندنێ هەبیت، ژ بەر هندێ رێڤەبەریا “ئێزیدی 24” ئەڤە بەریا دوو هەیڤانە دەست پێشخەریەک کێشا و ل هندەک رێکە چارەیێن دی یێن دبلۆماسی گەریا دا کو بریارا قەدەغەکرنا ئێزیدی 24 ژ کارکرنێ ل خیڤەتگەهێن ئێزدیان و دەڤەرێن ئێزدیان ل هەرێما کوردستانا عیراقێ ڕاوەستینێ، لێ ئەڤ چەندە ب سەرنەکەفت ، و هەروەسا ستافێ مە هاتە قەدەغەکرن ژ رووماڵکرنا مەزنترین جەژنا ئێزدیان ل پەرستگەها لالش یا کو دەرگەهێ خۆ ژ گەلەک جیهەتێن ڕاگەهاندنکارێن ناڤخۆ و جیهانی رە ڤەدکەت، ژ وان ژی یێن کو دەستووری هەین و یێن کو دەستووری نەین وەکی ئێزیدی 24 یان ژی هەتا ب دەستوورنامەیا دامەزراندنێ ژ جیهەتەکە فەرمی نەین، لێ ئەم ل سەر ڤێ هێلێ نا ڕاوەستن و ل داهاتی دا دێ باشتربیت و ئەم دبەردەوامن ل رێکا ئاڤاکرنا ڕاگەهاندنەکا ئێزدی یا سەربەخۆ یا خودان پشتەڤانیەکا خۆیەتی .

دەزگەهێ “ئێزیدی 24” یا ڕاگەهاندنێ دهێتە هژمارتن وەک ئێک ژ یەکەمین دەزگەهێ ڕاگەهاندنێ یێن ئێزدیا یێن کو پشتی جینوسایدا ئێزدیان کەتینە مەیدانا عیراقی و کوردستانی و ژ دەمێ دەستپێکرنا وێ دا ب پشتەڤانیەکا خۆیەتی یە، وەک ئەرک لسەر خۆ دیتیە کو ژ بۆ بەرژەوەندیێن بلندێن ئێزدیان و بەرژەوەندیێن کەمینەیا ل دەشتا نەینەوا و شنگال و عیراقێ هەمووێ بێی کو بەر ب ریزێن چ جیهەتەکێ یان حزبەکێ یان حکومەتەکێ ل دژی یا دیتر بچیت ، ب هەمان دووری ژ هەمووان ژ دایک بوویە ، بێی کو ئێکی ژ یێ دیتر بگرێ یان مەزن بکەت یان بچووک بکەت یان جوانتر بکەت و دێ هەر وەسا مینیت ،دەزگەهی پشت ب گەنجێن خۆ یێن خۆبەخش و بەزنسێن ئێزیان کر ل کاری دا بێی کو داخوازا هاریکاریێ یان پشتەڤانیێ ژ چ جیهەتەکا سیاسی یان حزبەکێ یان حکومەتەکێ بکەت و لسەر ڤێ گوتنێ ئەم داخواز ژ هەر کەسەکی کو مە ب وەرگرتنا پشتەڤانیێ ژ جیهەتەکە سیاسی یان حزبەکێ یان حکومەتەکێ تومەتبار دکە کو وێ چەندێ ب بەلگە هەرچی ئێک دینار بیت بچەسپینێ یان ژی هەتاهەتایێ بێدەنگ بمینێ.

ل دەمێ دوماهیکێ دا دەزگەهێ ئێزیدی 24 یا ڕاگەهاندنێ تووشی تەنگاڤیا و ئاستەنگا دبیت چ ب قەسد یان بێ قەسد، و تووشی هەوێن خەوداندنێ و ئێخستنێ ژ لایێ ناڤەندێن ئێزدیان ڤە دبیت چێدبیت کو ب هاندەرێن کەسایەتی بن یان چێدبیت ب هاندەرێن سیاسیێن کەڤن دگەل هندەک کەسێن کو ل دەزگەهی دا کار دکن ل ڤێ دوماهیکێ گەهشتیە بانۆرامایەکێ ژ تۆمەتێن دوور ژ راستیێ، ل هەرێما کوردستانێ هندەک هەینە دڤێن کارێ ئێزیدی 24 بخەودینێ ب رێیا ڕاکرنا ڕاپۆرتێن ئیستخباراتی لسەر دەزگەهی و وی تۆمەتبار دکە کو پشتەڤانیێ ل پارتا کرێکارێن کوردستانێ دکــە “pkk” و ئەڤ چەندە نێزیکە ژ وێ یا ئەم ل شنگال تووشی دبنێ ژبال هێز و حزبێن ئێزدی یێن نێزیک ژ هزرێن پارتا کرێکارێن کوردستانێ یێن ل ور کو ناهێلن دەزگەهـ چالاکیێن ل ور روومالبکە ب ئەگەرێ تۆمەتبارکرنا وێ ب کارکرنێ دگەل پارتی دیموکراتی کوردستان و ل ناڤەندێن ئێزدی یێن نێزیک ژ پارتی دیموکراتی کوردستان مە تۆمەتبار دکن کو ئەم سەر ب ئێکەتی نیشتیمانی کوردستانن و هندەک تۆمەتێن دی ژی هەنە کو تۆمەتێن دوورن ژ ڕاستیێ و ب دوماهیک نایێن.

ئێزیدی 24 هەر ژ دەستپێکا وێ لسەر وێ چەندێ کارکریە کو ماوێ خۆ دچ کارێن سیاسی دا نەکەت و چ مڵملانی یان ئاریشە یان شەرێن ناڤخۆیی چ ل ناڤبەینا حزباندا یان ل ناڤبەینا هێزێن ئێزدی یان کوردی یان عیراقی و هەبوونا خۆ هەبوویە ل هەر هێرشەکا دەرڤەیی لسەر ئالیەکی ناڤخۆیی ، دەزگەهـ ئیرۆ شێوەیەکی مەزنتر ژ شێوەیێ دەزگەهەکێ ناڤخۆیی هەیە و شەراکەت دگەل مەزنترین رێکخراوێن جیهانی هەیە ،و گەلەک سازیێن جیهانیێن ڕاگەهاندنێ و یێن مەدەنی پشت ب راپۆرتێن وێ دبەستن ل کارێ خۆ دا وەک ژێدەرێن باوەرپێکری .

ژ نێزیکی دوو هەیڤانە و ب تۆمەتێن نە ڕاست ژ هەڤشێوەیێن ڕاگەهاندنێ ، و ژ کەسێن ژ جڤاکا ئێزدی یێن کو دڤیان کو ئەم ژێرا کاربکن ، دەزگەهێ مە هاتە قەدەغەکرن ژ چوونا ژوورا خیڤەتگەهێن ئاوارەیێن ئێزدی بۆ رووماڵکرنا روویدان و چالاکیێن مەدەنی یێن ل ناڤا وان دا چێدبن و پشتی وێ تیمێن مەیێن کاری ل گوند و کومەلگەهێن ئێزدیان ل دەڤەرا “وەلات شێخ ” هاتنە ڕاوەستاندن و دوماهیک ڕاوەستاندن و تەنگاڤیکرن ئەو بوو کو ئەم هاتنە قەدەغەکرن ب شێوەیەکی تەمام ژ روومالکرنا رێ و رسمێن چەژنا جەمایێ ل پەرستگەها لالشا پیرۆز و هەتا ژ چوونا ژوورا پەرستگەهێ دگەل ئامێرێن کارکرنێ یێن دەزگەهی ، ل دەمێ کو دەزگەهێ ڕاگەهاندنێ یێ بتنێ یە کو تۆمارکری یە ل دەڤ حکومەتا هەرێما کوردستانێ و تۆمارەکا فەرمی یا ناڤلێکری و هژمارکری هەیە و پێگەهێ سازیێ ل پارێزگەها دهۆک هەیە و دەستووردایە بۆ کارکرنێ و ب زانینا هەموو جیهەتێن ئەمنی ل پارێزگەهێ ، و هەتا نهۆ ئەم تووشی چ تەنگاڤی و ئاستەنگا نەبووینە ل ناڤ چ باژێرێن کوردی لێ هەوێن تەنگاڤیا و ئاستەنگا هەموو ل دەڤەرێن ئێزدی نشینن و ژ کەسێن ئێزدی نە.

پشتی ڤان تەنگاڤيان مە سەرەدانا فەرمانگەها گشتی ئا ئاسایش ل پارێزگەها دهۆکێ کر و دوپات کرن کە ئەم دئازادن ل کارێ خوە دا و وان چ کێشە ل بەردەوامیا کارێ مەدا نینن و هەروەها رێڤەبەریا ئاسایش ل قەزا شێخان کە دوپاتی لسەر هەمان تشتی کرن و هادریا خوە دەربڕین ل سەر هەر هاریکاریەکا ئەم پێدڤی ببن بۆ بەردەوامیبوونا رومال و کارێت مە، بەلێ پا هەموو گوند و کۆمەلگەھ و کەمپە و هەتا پەرستگەها پیرۆزا لالش دەزگەھ نکارە رومالا هیچ چالاکیەکێ تێدە بکە، مە چەند جارا داخواز ژ لیژنا ئەمنی ئا سەرپەرشت لسەر رێ و رەسمێت جەژنا جەمایێ کر، بەلێ پا خوە ژ بەرپرساتیا ڤێ یەکێ بێ گوننەھ کر و مە داخواز ژ بریکارێت میرێ ئایینێ ئێزدیان کر، هندەک ژی ژ بابەتی رەڤین و هندەکا ژی ئەم ب هندەک تشتان گونەهبار کرن و ئەم کرنە بازنێ غەدرێ و قەدەغەکرنێ دا و ب پالڤەدانا کەسایەتی، ژبەر کە دەزگەهی پشتەڤانیا وی نەکر دا ببە میر، و بریکارەکی ژی دروست گۆتە کادرێ مە “کە هوونێ هیڤیا ژمن کن دا ئەز بهێلم هوون ل پەرستگەها پیرۆزا لالش و دەڤەرێت ئێزدیان کاربکن”.

ل ڤێدەرێ ئەم ژ رائیا گشتی ئا ئێزدیان و هەمووان را دوپات دکن ئەوێت کە ل هێڤیا مە بوون ژبەر هەر کارەکی، کە دەزگەهێ ئێزیدی 24 یێ راگەهاندنێ وێ هەر وەکە خوە و بەرێ مینێ و وەکە چاوا سۆز دایە وە و ناکەڤیە نێڤ سیاسیەتێ دا و چ ڤەگۆتنەکا ئۆلی ئا رەگەزپەرستیێ پێک نائینێ و وێ هەر لسەر راستگۆیا خوە مینێ لسەر ڤەگوهاستنا نووچەیان و راپۆرتان و بەرنامێت تایبەت ب ئێزدیان و کێم ئایینێت دی و چ ئالیەکی بسەر یێ دی دا بلند و چێتر ناکەت.

هەروەها ئەم داخوازێ ژ حکومەتا هەرێما کوردستانێ و سەرۆکێ وێ و جێگرێ وی دکن کە بکەڤنە نێڤ، دا چارەیەکێ ژڤان تەنگاڤی و ئاستەنگان را ببینن یێت هەکە رۆژانە تووشی دبنێ ژبەر کە ئەم دەست ژ کارێ خوەی راگەهاندنێ بەرنادن ل هەر پارچەکی یان گوندەکی یان کۆمەلگەهەکا ئێزدیان و کێم ئایینێت دی بێت.

کارگێری و کادرێت دەزگەهێ ئێزیدی 24 یێ راگەهاندنێ
12.10.2019
دهۆک/ هەرێما کوردستانا عیراقێ

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close