نووچە

خەلکێ گوندێ گنێ ل شنگالێ هاریکاریا ژ خەلکێ رۆژئاڤا را کۆم دکە

 

ئێزیدی 24 _ لەیت حسێن

پشتی هێرشا لەشکەری ئا وەلاتێ تورکیا بۆ سەر رۆژئاڤایێ کوردستانێ و ئاوارەبوونا خەلکێ دەڤەرێت شەر لسەر، رێکخراوێت خێرخوازی و ئالیێت حکومی هاریکاریێت بلەز گەهاندنە وان ژبۆ خوەشکرنا ژیانا وان و برێڤەبرنا ژیانێ ل جهێت کە لێ ئاکنجی بووین.

ئیرۆ رۆژا ئینیێ رێکەفتی 18-10-2019، عەشیرا شەرکان ل گوندێ گنێ سەر ب کۆمەلگەها بۆرک ڤە ل باکوورێ چیایێ شنگالێ ل چارچۆڤێ هەوەکا هاریکاریێ دا کۆمەکا هاریکاریا ژ خەلکێ رۆژئاڤا را کۆمکرن و بریارە ل نێزیک بگەهیننە وی خەلکی.

(سەعەد عەمەر) سەرپەرشتێ ڤێ هەوا هاریکاریێ ژ “ئێزیدی” 24 را خوەیاکر، پشتی ئاواربوونا خەلکێ مە ل رۆژئاڤایێ کوردستانێ مە ب فەر دیت ئەم هاریکاریا ژ ڤی خەلکی را کۆم بکن و ئیرۆ ژی و پشتی ئەنجامدانا کۆمبوونەکێ ب خەلکێ عەشیرەتا شەرکان را مە هاریکاریێت وەک دۆشەک و بەتانی و دراڤ و گەلەک تشتێ دی ژی ژ وان را کۆمکرن.

هەروەها گۆتژی، ب هاریکاریا چەند هەڤالا مە کاری ئیرۆ ئەم ڤان هاریکاریا بشینن و هەکە بکاربن وێ گەهنە وان دەڤەرێت ل رۆژئاڤا یێت کە خەلکێ دەڤەرێت رۆژئاڤایێ کوردستانێ لێ ماین و هەکە نکاربن وێ گەهیننە ئاوارێت رۆژئافا ل هەرێما کوردستانێ.

ناڤهاتی ئاشکەرا کر، کە بریارە عەشیرێت دی ژی ل شنگالێ هاریکاریا ژ خەلکێ رۆژئاڤا را کۆمبکن ژبەر کە براستی ژی هەتا ئەم هەینە ئەم هەلویستێ برایەتیێ یێ خەلکێ رۆژئاڤا ل وەختێ فەرمانا ئێزدیا ل سالا 2014ێ ژبیرناکن لۆما براستی ژی ل سەر هەموو ئالیەکی ئەرکە کە هاریکاریا ڤی خەلکی بکن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close