نووچە

چالاکڤانێ ئێزدی “میرزا دنائی” خەلاتێ ئۆروا بۆ کارێ مرۆڤاتیێ بۆ سالا 2019ێ بدەستڤە ئانی

 

ئێزیدی ٢٤ _ ئێریڤان

ئیرۆ رێکەفتی 19ی ئۆکتۆبەرا 2019ێ, خەلاتێ ئۆروا یێ سالانە بۆ کارێ مرۆڤاتیێ ب چالاکڤانێ ئێزدی “میرزا دنائی” دامەزرێنەر و رێڤەبەرێ رێکخراوا “Air Bridge Iraq” هاتە پەخشین, ئەوژی ژبەر رزگارکرنا ژیانا هژمارەکێ ژ قوربانیێت ئێزدی ژ عیراقێ و سوریا.

ئەڤ خەلاتە ژئالیێ پێشخەریا ئۆروا ئا مرۆڤاتیێ ڤە ب نوونەراتیا رزگاربوویێت کۆمکوژیا ئەرمەنان ڤە هاتە پەخشین, ئەڤ ژی ل چارچۆڤێ ئاهەنگا ل ئێریڤانێ ل کۆربەندێ ئۆروا دا بوو.

“میرزا دنائی” ب دەستڤە ئانینا خەلاتێ ئۆروا 2019ێ وێ ملیۆنەک دۆلاری بدەستڤە ئینێ دا بەردەوامبێ لسەر داین و پشتەڤانیا رێکخراوا, “دنائی” وێ کوژمێ خەلاتێ پێشکێشی سێ رێکخراوا کەت کە چاڤدێریا ساخلەمیێ و دووبارە ئاڤاکرنا قوربانیێت رێکخستنا دەولەتا ئیسلامی ل عیراق و شامێ “داعش” دکن.

“میرزا دنائی” چالاکڤانەکی ئێزدی یە, ب نوونەراتیا جڤاکا ئێزدی کاردکە, ژیانا خوە ژ رزگارکرنا قوربانیێت جەنگێ را تەرخانکریە, و رزگارکرنا کەچ و زارۆکا ژ دەڤەرێت کە داعش کۆنترۆلێ لسەر دکە, و دووبارە ئاڤاکرنێ و پشتەڤانیێ ژ وانێت کە تووشی شکەنجەدانێ بووین را.

“لەمیاد حەجی بشار” چالاکڤان ل بوارێ مافێ مرۆڤی دا و رزگاربوویا ژ داعش و دەستڤەئینەرا خەلاتێ ساخارۆف یەک ژ وان ژنێت کە “دنائی” بریە ئەلمانیا.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close