پێشانگەهەك ژ سێ کەچێت شێوەکار را ل كۆمەلگەها شاریا هاتە ڤەكرن
ئێزیدی 24 _ لەیت حسێن
ئیرۆ رۆژا پێنج شەمبیێ رێکەفتی 24-10-2019ێ، و ب هادربوونا بەرپرسێن دام و دەزگەهێت میری و خەلکێ دەڤەرێ، پێشانگەهەكا شێوەكاریێ ژ سێ کەچێت شێوەکار را ل هۆلا لالش ئێک ل كۆمەلگەها شاریا هاتە ڤەكرن.
ئەڤ پێشانگەھە ژئالیێ ناڤەندا ئافرەتێن شاریا و ناڤەندا چالاکی و پێگەهاندنا لاوێن فایدیێ ڤە هاتبوو ڤەکرن و تابلۆیێت تێدە هاتینە نیشاندان دەربڕین ژ کۆمکوژیا ئێزدیا ل شنگالێ و چەند دەربڕینێت دی تر دکرن.
“ڤیان ئەکرەم” بەرپرسا ناڤەندا ئافرەتێن شاریا ژ “ئێزیدی 24” را خوەیاکر، ئیرۆ ئەم رابوون ب ڤەکرنا پێشانگەهەکا شێوەکاریێ ژ سێ کەچێت شێوەکار را، ئەڤ یەکە ژی ب ئارمانجا پشتەڤانیکرنا ئافرەتێن کە بەهرەیێت ب ڤی شێوەی هەین ل دەڤەرێ دا کاربن بەردەوامیێ ب کارێ خوە بدن.
هەروەها گۆت، 30 تابلۆیێت هەمەجۆر ل ڤێ پێشانگەھێ دا هاتنە نیشاندان کە دەربڕین ژ کۆمکوژیا ئێزدیا ل شنگال و فولكۆر و سروشتی و ئافرەتێ و جل و بەرگێت کوردی دکرن.
ڤیانێ دا زانین ژی، ئەڤ جۆرە چالاکی مفایەکی باش دگەهیننە ئافرەتێ و ئاستێ وان ل ناڤ جڤاکێ ژی دا پێشڤە دبە و ئەو وێ بەردەوام پشتەڤانیا ڤان جۆرە چالاکیا کن.
