نووچە

ژنەکا ئێزدی ژ بن زولما داعش رزگاربوو

 

ئێزیدی 24 _ دهۆك

نڤیسینگەها رزگارکرنا رەڤاندیێن ئێزدی ل پارێزگەها دهۆکێ رزگارکرنا ژنەکا ئێزدی ژ وەلاتێ سوریا راگەهاند، و دیارکر کە سەرەرای هەموو تەحدیاتە هەر ئەوێ د بەردەوامبن لسەر رزگارکرنا رەڤاندیێن ئێزدی ژ بن زولما تیرۆرستێن داعش.

ئێڤاریا ئیرۆ چارشەمبیێ 30-10-2019، نڤیسینگەها رزگارکرنا رەڤاندیێن ئێزدی ل دهۆکێ رزگارکرنا ژنەکا ئێزدی راگەهاند کە ل تەباخا 2014ێ ژئالیێ داعش ڤە هاتبوو رەڤاندن.

“حسێن قائيدی” رێڤەبەرێ نڤیسینگەها رزگارکرنا رەڤاندیێن ئێزدی ئێڤاریا ئیرۆ چارشەمبیێ، رزگارکرنا (نۆفە خەلەف قاسم، ئا 25 سالی) کە ژ گوندێ سۆلاغ بوو، ل رۆژهەلاتی قەزا شنگالێ راگەهاند، و دیارکر کە ئیشەڤ ئەو گەهشتە دەڤەرەکا ئارام ل رۆژئاڤایێ کوردستانێ.

”قائيدی” دوپات کر، مە ل نڤیسینگەها رزگارکرنا رەڤاندیێن ئێزدی، پلان و سیستەمەکێ دیتر و نوو دانیە سەبارەت رزگارکرنا رەڤاندیێن ئێزدی و سەرەرای هەموو تەحدیاتە هەر ئەوێ د بەردەوامبن لسەر رزگارکرنا رەڤاندیێن ئێزدی ژ بن زولما تیرۆرستێن داعش.

ل گۆری داوی ئامارێن نڤیسینگەها رزگارکرنا رەڤاندیێن ئێزدی ل پارێزگەها دهۆکێ هەتا نهوە چارەنڤیسێ نێزیکی 3000 سێ هەزار کەسێن ئێزدی ئەوێن ل دەما هێرشا تیرۆرستێن داعش بۆ سەر شنگالێ و دەوروبەران ژئالیێ وێ رێکخراوێ ڤە هاتینە رەڤاندن دیار نینە.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close