نووچە

بالەفرێت وەلاتێ تورکیا ناحیە دەرکارێ بۆردومان کرن و ڤێ هێرشێ مەترسی لسەر ئاوارێت ئێزدی و وەلاتیێت ناڤچەیێ دروستکریە

 

ئێزیدی 24 _ لەیت حسێن

ب هیجەتا هەبوونا ئەندامێت پارتا کارکەرێت کوردستانێ بەردەوام ناڤچەیێت هەرێما کوردستانێ ژئالیێ بالەفرێت شەری یێت وەلاتێ تورکیا ڤە تێنە بۆردومان کرن و ڤان هێرشا مەترسی لسەر خەلکێ وان ناڤچەیا و ئاوارێت ئێزدی یێت کەمپێت وان ناڤچەیا دروستکریە.

ئیرۆ رۆژا پێنج شەمبیێ رێکەفتی 31-10-2019، پشتی سەعەت سێی نیڤرۆ بالەفرێت شەری یێت وەلاتێ تورکیا ترۆمپێلەک ل سەنتەرێ ناحیە دەرکارێ ئا سەر ب قەزا زاخۆڤە ل سنوورێ پارێزگەها دهۆکێ بۆردومان کرن و دوو کەس تێدە بوونە قوربانی.

“سەعدون حسێن” یەک ژ کەسێت نێزیکی ڤێ روودانێ بوو ژ “ئێزیدی 24” را خوەیاکر، ئیرۆ دەمێ ئەڤ روودان چێبووی ئەزی نێزیک بووم ل سەعەت 3ی پشتی نیڤرۆ بالەفرێت تورکیا ترۆمپێلەکا ژ جۆرێ ئۆپتەرا بۆردومان کر و ئەڤ روودان گەلەک نێزیکی گوندێ ھیزاوا و کەمپێت بێرسڤێ و دەرکارێ بوو سەر ب ناحیە دەرکارێ ڤە کە ئاوارێت ئێزدی تێدە ئاکنجینە.

ناڤهاتی گۆتژی، سێ کەس ل ڤێ روودانێ دا بوون بەلێ وەک گۆتنا پۆلیسا کەسێت ل ناڤ ترۆمپێلێ دا ئاگەھی ژ ڤێ یەکێ ھەبوون دڤیان خوە خەلاس کن بەلێ بتنێ یەکی ژ وان کاری خوە خەلاس بکە و ھەردوو کەسێت دیتر کەفتنە بەر بۆردومانا بالەفرێت تورکی و ب مخابنی ڤە ھەردووا ژیانا خوە ژ دەست دا.

“جەلال شنگالی” ئاوارەکی ئێزدی یە ل کەمپا دەرکارێ ئاکنجیە ژ “ئێزیدی 24” را گۆت، هێرشێت بەردەوامێت شەری یێت وەلاتێ تورکیا مەترسیەکا مەزن هەیە لسەر ئاوارە و خەلکێ ڤێ دەڤەرێ نموونە ژی هێرشا تورکیا ئا ئیرۆ کە گەلەک نێزیکی کەمپا دەرکارێ بوو کە هژمارەکا زۆرا ئاوارێت ئێزدی تێدەینە و خەلکێ دەڤەرێ ژی ترس زۆر کەفتە دلێ وان دا.

زێدەکر، ژبۆ پاراستنا گیانێ وەلاتیا و ڤان ئاوارا داخوازێ ژئالیێت کاربدەست و هەردوو حکومەتێن هەرێما کوردستانێ و عیراقێ دکن ڤان جۆرە هێرشا ل سنوورێ هەرێمێ براوەستینت دا خەلک کاربێ ب ئارامی و بێ ترس ل جهێت خوە بژیت.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close